কেন্দ্ৰীয় বাজেট: বিমান ইন্ধনৰ মূল্য হ্ৰাসৰ আহ্বান বিমান ক্ষেত্ৰৰ

ইটিভি ভাৰতৰ সৈতে হোৱা মত বিনিময়ত বিমান এৰোস্পেছ আৰু দ্ৰোণৰ আন্তঃৰাষ্ট্ৰীয় সংস্থাৰ অধ্যক্ষ চনট কৌলে কয়, চৰকাৰে বিমান টাৰবাইনৰ ইন্ধনৰ মূল্যৰ ক্ষেত্ৰত কিছু উপশম প্ৰদান কৰিব লাগে ৷ কিন্তু মই নাভাৱো যে তেওঁলোকে এইটো কৰিব ৷ এই এটা কথাতেই পৰ্যটন ক্ষেত্ৰখন আৰু বিমান ক্ষেত্ৰখনে সহমত প্ৰদান কৰে ৷ কাৰণ প্ৰায় সকলো বিপৰ্যয়ৰ সময়তে এই দুই ক্ষেত্ৰই প্ৰভাৱান্বিত হ’বলগীয়া হয় ৷

নিউজ ডেস্ক,29 জানুৱাৰী: ক’ভিড 19ৰ ফলত ক্ষতিগ্ৰস্ত বিমান ক্ষেত্ৰখনক নতুন বিত্তীয় বাজেটখনৰ পৰা যথেষ্ট আশা আছে ৷ বিমান ক্ষেত্ৰই বিমান টাৰবাইনৰ ইন্ধনক জিএছটিৰ পৰিসৰৰ ভিতৰলৈ অনাৰ উপৰিও ঋণৰ বোজা হ্ৰাস কৰিবলৈ বিমানবন্দৰৰ শুল্ক হ্ৰাস কৰাৰ ক্ষেত্ৰত কেন্দ্ৰক বিবেচনা কৰিবলৈ অনুৰোধ জনাইছে ৷

ইটিভি ভাৰতৰ সৈতে হোৱা মত বিনিময়ত বিমান এৰোস্পেছ আৰু দ্ৰোণৰ আন্তঃৰাষ্ট্ৰীয় সংস্থাৰ অধ্যক্ষ চনট কৌলে কয়, চৰকাৰে বিমান টাৰবাইনৰ ইন্ধনৰ ক্ষেত্ৰত কিছু উপশম প্ৰদান কৰিব লাগে ৷ কিন্তু মই নাভাৱো যে তেওঁলোকে এইটো কৰিব ৷ এই এটা কথাতেই পৰ্যটন ক্ষেত্ৰখন আৰু বিমান ক্ষেত্ৰখনে সহমত প্ৰদান কৰে ৷ কাৰণ প্ৰায় সকলো বিপৰ্যায়ৰ সময়তে এই দুই ক্ষেত্ৰই প্ৰভাৱান্বিত হ’বলগীয়া হয় ৷

কৌলে আৰু কয়, প্ৰায় দুটা মাহে ক’ভিড 19 আৰু লকডাউনৰ ফলত বিমান ক্ষেত্ৰখনে কোনোধৰণৰ বিমানৰ উৰণ আৰু অৱতৰণ কৰিবলৈ সক্ষম হোৱা নাছিল ৷ কিন্তু এই লোকচানৰ বাবে চৰকাৰৰ পৰা কোনো ধৰণৰ সাহাৰ্য লাভ নকৰে বিমান ক্ষেত্ৰই ৷ চৰকাৰে এই কথা পূৰ্বেই স্পষ্ট কৰি দিছে ৷ বিশেষজ্ঞ সকলেও কৈছে যে চৰকাৰে বিমান ক্ষেত্ৰত আৰোপ কৰা বাধ্য-বাধকতাসমূহ আঁতৰাই সম্পূৰ্ণ যাত্ৰীৰে বিমানসমূহ চলাচলৰ অনুমতি প্ৰদান কৰিব লাগে ৷

ভাৰতত আন্তঃৰাষ্ট্ৰীয় বিমানৰ চলাচল 23 মাৰ্চৰ পৰা বাতিল কৰা হৈছিল যদিও বন্দে ভাৰত অভিযানৰ অধীনত তথা ভাৰত আৰু অন্য 24 খন ৰাষ্ট্ৰৰ মাজৰ দ্বি-পাক্ষিক এয়াৰ বাবল চুক্তিৰ অধীনত আন্তঃৰাষ্ট্ৰীয় যাত্ৰীবাহী বিমানসমূহৰ চলাচল অব্যাহত আছিল ৷ আনহাতে, শুকুৰবাৰে সংসদত দাখিল কৰা 2020-21 বৰ্ষৰ অৰ্থনৈতিক সমীক্ষাই কৈছে যে ভাৰতৰ এয়াৰ পেছেঞ্জাৰ ট্ৰাফিক 2021 বৰ্ষৰ আৰম্ভণিতে ক’ভিড 19ৰ পূৰ্বৰ পৰ্যায়লৈ উভতি যাব ৷

লগতে পঢ়ক-"উড়ান"ৰ অধীনত 28 মাৰ্চৰ পৰা আৰম্ভ হ'ব ইণ্ডিগ'ৰ বিশেষ বিমান