নেশ্বনেল ডেস্ক, 13 আগষ্ট : মঙলবাৰে উচ্চতম ন্যায়ালয়ে অসমৰ এন আৰ চি সম্পৰ্কত কিছু গুৰুত্বপূৰ্ণ নিৰ্দেশ প্ৰেৰণ কৰিছে ৷ এন আৰ চিৰ কাম পুনৰ আৰম্ভ কৰা আৰু সংগ্ৰহিত তথ্যৰ নমুনাৰ পুনৰ সত্যাসত্য নিৰূপণৰ বাবে চৰকাৰৰ অনুৰোধক নাকচ কৰিছে দেশৰ সৰ্বোচ্চ ন্যায়ালয়খনে ৷ মুখ্য ন্যায়াধীশ ৰঞ্জন গগৈ আৰু ন্যায়াধীশ এ আৰ নাৰিমানে মন্তব্য কৰে যে, আধাৰ তথ্যৰ দৰে এন আৰ চিৰ তথ্যটো কোনো জটিলতা নহ'বৰ বাবে যথাযোগ্য সুৰক্ষাৰ ব্যৱস্থা কৰিব লাগিব ৷
আনহাতে,31 আগষ্টৰ দিনা কেৱল অ'নলাইনৰ জৰিয়তেহে এন আৰ চি প্ৰকাশ কৰা হ'ব ৷ সন্দেহজনক ভোটাৰ অথবা বিদেশী ন্যায়াধীকৰণৰ দ্বাৰা বিদেশী বুলি চিহ্নিত কৰা লোকৰ 2004 বৰ্ষৰ 3 ডিচেম্বৰৰ পাছত জন্মগ্ৰহণ কৰা সন্তানক এন আৰ চিত অন্তৰ্ভুক্ত কৰা নহয় ৷ আনহাতে,অবৈধ প্ৰব্ৰজনকাৰী সম্পৰ্কত বিদেশী ন্যায়াধীকৰণে দিয়া ৰায়দানক প্ৰত্যাহ্বান জনাব পাৰিব গুৱাহাটী উচ্চ ন্যায়ালয়ত ৷
