নিউজ ডেস্ক, 9 এপ্ৰিলঃ বৃহস্পতিবাৰে কৰ্নাটকৰ গাডাগ জিলাত এগৰাকী 80 বছৰীয়া বৃদ্ধ মৃত্যুমুখত পৰে ৷ কৰ’ণা ভাইৰাছত আক্ৰান্ত হৈ এইদৰে মৃত্যুক সাৱতি লয় লোকজনে ৷ ইতিমধ্যে ৰাজ্যখনত কৰ‘ণা ভাইৰাছত আক্ৰান্ত হৈ মৃত্যু হোৱা লোকৰ সংখ্যা 6 গৰাকীলৈ বৃদ্ধি পাইছে ৷
জিলাখনৰ এগৰাকী জ্যেষ্ঠ বিষয়াই প্ৰকাশ কৰিছে এই তথ্য ৷ প্ৰথম অৱস্থাত শ্বাস-প্ৰশ্বাসজনিত ৰোগৰ বাবে তেওঁক চিকিৎসালয়ত ভৰ্তি কৰোৱা হৈছিল ৷ এপ্ৰিলৰ 6 তাৰিখে তেওঁক চিকিৎসালয়ত ভৰ্তি কৰোৱা হৈছিল আৰু বৃহস্পতিবাৰে দিনৰ প্ৰায় 1 বজাত ব্যক্তিগৰাকী মৃত্যুমুখত পৰে ৷
উল্লেখ্য যে, কৰ্নাটকত এতিয়ালৈকে 181 গৰাকী লোক কৰ’ণা ভাইৰাছত আক্ৰান্ত হৈছে ৷
