নিউজ ডেস্ক, ২৬ জুনঃ চলিত বৰ্ষত অনুষ্ঠিত নহয় জম্মু-কাশ্মীৰস্থিত প্ৰসিদ্ধ সাৰথাল দেবীৰ বাৰ্ষিক অনুষ্ঠান । আগন্তুক ২৮ জুনত অনুষ্ঠিত হ'বলগীয়া এই বাৰ্ষিক অনুষ্ঠান মহামাৰী কৰ'ণাৰ বাবেই বাতিল কৰা হয় বুলি সদৰি কৰে পৰিচালনা কমিটিয়ে ।
শ্ৰী সাৰথাল দেৱী যাত্ৰা পৰিচালন কমিটিৰ অধ্যক্ষ বিক্ৰমআদিত্য সিঙে কয় যে, দুৰ্ভাগ্যবঃশত চলিত বৰ্ষত বাৰ্ষিক অনুষ্ঠান তথা মা সাৰথাল দেৱীৰ যাত্ৰা সভা অনুষ্ঠিত নহয় । মহামাৰী COVID-19 ৰ প্ৰতিৰোধৰ বাবে জিলাৰ দুৰ্যোগ প্ৰশমন বিভাগে জনসমাৱেশ তথা ধৰ্মীয় অনুষ্ঠান উদযাপন কৰাৰ ওপৰত নিশেধজ্ঞা জাৰি কৰাৰ বাবেই চলিত বৰ্ষত শ্ৰী সাৰথাল দেৱীৰ বাৰ্ষিক অনুষ্ঠান বাতিল কৰা হয় ।
লগতে অধ্যক্ষ গৰাকীয়ে কয় যে, অনুষ্ঠানৰ লগত সংগতি ৰাখি প্ৰতি বছৰে কৰি অহা যজ্ঞ আৰু ধৰ্মীয় পৱিত্ৰ অনুষ্ঠান মন্দিৰ কমিটি আৰু পূজাৰীসকৰ উপস্থিতিত পৰম্পৰা অনুসৰি পালন কৰা হ'ব । লগতে পৰিচালনা কমিটিৰ উপাধক্ষ্যসহ কমিটিখনৰ কেইগৰাকীমান সদস্যৰ দ্বাৰা শ্ৰী সাৰথাল দেৱী যাত্ৰা কৰা হ'ব বুলিও সদৰি কৰে পৰিচালনা সমিতিয়ে ।
উল্লেখ্য যে, জম্মু-কাশ্মীৰৰ পঞ্জাল শ্ৰেণীৰ পাহাৰত কিস্তৱাৰ জিলাৰ সাৰথাল অঞ্চলত অৱস্থিত শ্ৰী সাৰথাল দেৱীৰ মন্দিৰ । কিস্তৱাস্থিত শ্ৰী সাৰথাল দেৱী দিন্দু ধৰ্মৰ কুলদেৱীৰ লগতে লোকবিশ্বাস অনুসৰি এই মন্দিৰ দৰ্শন কৰা লোকসকলৰ মনোকামনা পূৰ্ণ হয় বুলিও প্ৰবাদ আছে ।
লগতে পঢ়ক : এইছ ১ বি ভিছা বাতিলঃ আমেৰিকাৰ ভিছা নীতিৰ পৰিৱৰ্তনৰ নিৰ্মোহ বিশ্লেষণ
