বেইজিং,20 ফ্ৰেব্ৰুৱাৰীঃ চীনত কৰ’ণা ভাইৰাছৰ আতংক অব্যাহত ৷ বুধবাৰে চীনৰ হুৱেই প্ৰান্তত কৰ’ণা ভাইৰাছৰ আতংকত 108 জন লোকে প্ৰাণ হেৰুৱায় ৷ ইয়াৰোপৰি য়ুহানত 88 জনে প্ৰাণত্যাগ কৰে ৷ চীনৰ স্থানীয় স্বাস্থ্য বিভাগৰ তথ্য অনুসৰি,বৰ্তমানলৈ চীনত এই ভাইৰাছত আক্ৰান্ত হোৱা লোকৰ সংখ্যা 2,029 জনলৈ বৃদ্ধি পাইছে ৷ এদিন পূৰ্বে আক্ৰান্তৰ সংখ্যা আছিল 1,693 জন ৷
উল্লেখ্য যে,বুধবাৰে 349 জন লোকৰ শৰীৰত এই ভাইৰাছৰ উপস্থিতি ধৰা পৰাৰ কথা ব্যক্ত কৰে চীনৰ স্বাস্থ্য বিভাগে ৷ পূৰ্বৰ তুলনাত কৰ’ণা ভাইৰাছত আক্ৰান্তৰ সংখ্যা 62,031 জনলৈ বৃদ্ধি পাইছে ৷ দক্ষিণ চীনৰ এক সংবাদপত্ৰত প্ৰকাশিত তথ্য অনুসৰি,চীনত ভাইৰাছবিধত আক্ৰান্ত হৈ মৃত্যু হোৱা লোকৰ সংখ্যা যদিয়ো 2,112 জন,কিন্তু ৰাষ্ট্ৰখনত বৰ্তমানলৈ এই ভাইৰাছত মুঠ 74,185 জন লোক আক্ৰান্ত হৈছে ৷
কৰ’ণা ভাইৰাছৰ উৎপত্তিস্থল চীনৰ য়ুহান চহৰ ৷ বিগত বৰ্ষৰ ডিচেম্বৰ মাহৰ পৰা সংক্ৰমণ হোৱা এই ভাইৰাছবিধ পৃথিৱীৰ বিভিন্ন দেশৰ লগতে ভাৰতবৰ্ষতো বিয়পি পৰিছে ৷ চীনত কৰ’ণা ভাইৰাছৰ ফলত সৰহ সংখ্যক লোকৰ মৃত্যু হোৱাৰ উপৰিও অন্য ৰাষ্ট্ৰসমূহত বৰ্তমান পৰ্যন্ত 8 জন লোকে প্ৰাণ হেৰুৱাবলগীয়া হৈছে ৷ ইয়াৰ ভিতৰত 2 জন লোক ইৰাণৰ বুলি জানিব পৰা গৈছে ৷
লগতে চাওকঃমহাৰাষ্ট্ৰত স্ক'ৰপিঅ' আৰু ট্ৰাকৰ মাজত সংঘৰ্ষঃ নিহত 6
