ঝাৰখণ্ড বিধানসভা নিৰ্বাচনত প্ৰতিদন্দিতা কৰিব আছাউদ্দিন ওৱেছিৰ দলে

ঝাৰখণ্ডৰ আহিব লগা বিধানসভা নিৰ্বাচনত প্ৰতিনন্দিতা কৰাৰ উদ্দেশ্যে ৰাজ্যখনত দলীয় গোট গঠন আছাউদ্দিন ওৱেছি নেতৃত্বাধীন AIMIM ৰ ৷

হাইদৰাবাদ, 23 আগষ্টঃ অল ইণ্ডিয়া মজলিচ ইত্তেহাদুল মুছালিমীন চমুকৈ AIMIM য়ে ঝাৰখণ্ডৰ আহিব লগা বিধানসভা নিৰ্বাচনত প্ৰতিদন্দিতা কৰাৰ উদ্দেশ্যে ৰাজ্যখনত দলীয় গোট গঠন কৰিছে ৷ দলৰ মূৰব্বী আছাউদ্দিন ওৱেছিয়ে এই কথা জানিবলৈ দি কয় যে, সমগ্ৰ দেশৰ সংখ্যালঘু সকলৰ উন্নয়নৰ স্বাৰ্থত AIMIM ৰ সম্প্ৰসাৰণ কৰা হ'ব ৷ উল্লেখযোগ্য যে, মূলত সংখ্যালঘু কেন্দ্ৰিক হ'লেও AIMIM য়ে শেহতীয়াকৈ অনুষ্ঠিত হোৱা লোকসভা নিৰ্বাচনত হাইদৰাবাদৰ লগতে মহাৰাষ্ট্ৰৰো এটা সমষ্টিত জয়ী হ'বলৈ সক্ষম হৈছিল ৷ লগতে অক্টোবৰ মাহত হ'বলগীয়া মহাৰাষ্ট্ৰৰ বিধানসভা নিৰ্বাচনতো দলটোৱে প্ৰতিদন্দিতা কৰিব বুলি জানিবলৈ দিয়ে আছাউদ্দিন ওৱেছিয়ে ৷