সন্ধিয়া 7 বজাৰ দহটা শীৰ্ষ বাতৰি

সন্ধিয়া 7 বজাৰ দহটা শীৰ্ষ বাতৰি...

এজন অভিযুক্তক ফাঁচীৰ বিপৰীতে অন্য 24 জনক যাৱজ্জীৱন কাৰাদণ্ডৰ নিৰ্দেশ দিয়ে আদালতে ৷ বিগত ১২ অক্টোবৰত এই সন্দৰ্ভত ৰায়দান দিছিল যোৰহাট জিলা সত্ৰ ন্যায়াধীশৰ আদালতৰ অধীনষ্ঠ ৰবীন ফুকনৰ আদালতে ৷ এই ৰায়দানৰ ভিত্তিতে দোষী সাব্যস্ত হৈছিল ২৫ জন অভিযুক্ত ৷

অসম প্ৰদেশ কংগ্ৰেছৰ মুখপাত্ৰ তথা সম্পাদক অপূৰ্ব কুমাৰ ভট্টাচাৰ্য ইটিভি ভাৰতৰ লগত হোৱা এক আছুতীয়া সাক্ষাত কয় যে বিজেপিয়ে ক্ষুদ্ৰ ক্ষুদ্ৰ ৰাজনৈতিক দল সমূহক আঁকোৱালি লৈ বাঘ নখৰে আঁচোৰ মাৰিছে ।

দলগাঁৱত এমজিএনৰেগা আঁচনি ৰূপায়নৰ নামত অনিয়মৰ অভিযোগ। কাম আৰম্ভ হোৱাৰ পিছতেই ৰাইজে ভাঙিলে আঁচনিৰ ফলক ।

শিৱসাগৰত এন এইচ এমৰ ঠিকা ভিত্তিক নাৰ্চৰ প্ৰতিবাদ

শিৱসাগৰত কৰ'ণা যোদ্ধাৰ প্ৰতিবাদ ৷ বিগত 15 বছৰে ধৰি স্বাস্থ্যকৰ্মী সকলে চৰকাৰৰ বিৰুদ্ধে সাব্যস্ত কৰিলে প্ৰতিবাদ ৷ সংবাদ মাধ্যমৰ আগত প্ৰকাশ কৰিলে নিজৰ ক্ষোভ ৷

একোখনকৈ ফিটনেচ চাৰ্টিফিকেটত প্ৰদান কৰাৰ নামত এশ টকাকৈ দিব লাগে এগৰাকী চিকিৎসকক ৷ যি সকলে এশ টকা দিবলৈ অমান্তি হয় তেঁওলোকক বিভিন্ন ধৰণে গালি-গালাজ কৰে চিকিৎসক গৰাকীয়ে ৷

বটদ্ৰৱাত ৰকিবুল হুছেইনৰ বিৰুদ্ধে সংবাদমেল সম্বোধন এ.আই.ইউ.ডি.এফৰ ৷ ৰকিবুল হুচেইনে বিজেপিৰ হৈ কাম কৰি থকাৰ অভিযোগ উত্থাপন দলীয় এ.আই.ইউ.ডি.এফৰ কৰ্মকৰ্তা সকলৰ ৷

চৰাইদেউত ৰাইজৰ দলৰ জিলা আহ্বায়ক সমিতি গঠন ৷ সভাত ৰাইজৰ দলৰ ৰাজ্যিক আহ্বায়ক লোহিত গগৈ, অংকুৰ শইকীয়াৰ লগতে বহু কেইগৰাকী আহ্বায়ক তথা চৰাইদেউ জিলাৰ বিভিন্ন প্ৰান্তৰ পাঁচ শতাধিক ৰাইজে অংশ গ্ৰহণ কৰে ।

শাৰদীয় পূজাৰ বতৰতো বস্ত্ৰ ব্যৱসায়ী সকলৰ অৱস্থা আগৰ দৰে টনকিয়াল নহয় চলিত বৰ্ষত ৷ চলিত বৰ্ষতো যেন এক আতংকময় আৰু প্ৰত্যাহ্বানৰ বৰ্ষ হিচাপে চিহ্নিত হৈ ৰ'ব বিশ্বৰ ইতিহাসত ৷

পলাশবাৰীত নিখিল ৰাভা ছাত্ৰ সন্থাৰ কেন্দ্ৰীয় সভাপতি গৰাকীৰ গুৰুত্বপূৰ্ণ মন্তব্য ৷ ক’লে, আগন্তক নিৰ্বাচনত ৰাভা হাছাঙত বিজেপিক ধূলিসাৎ কৰিব সংগঠনটোৱে ৷

জাপান আৰু ভিয়েটনামৰ মাজত সম্পাদিত চুক্তিয়ে দক্ষিণ চীন সাগৰত চীনৰ আগ্ৰাসনক লৈ প্ৰৱল প্ৰত্যাখান কৰিছে ৷ জাপানৰ প্ৰধানমন্ত্ৰীয়ে এই চুক্তিৰ দ্বাৰা দুয়োখন দেশৰ মাজৰ সুৰক্ষাগত দিশটো উন্নত কৰাৰ বিষয়ে উল্লেখ কৰিছে ৷ চুক্তিৰ দ্বাৰা ভিয়েটনামৰ স্থিতি দক্ষিণ চীন সাগৰত সৱল কৰি তোলাৰ বাবে জাপানে বহুটো সামৰিক সামগ্ৰী প্ৰদান কৰিব ৷