নেশ্যনেল ডেস্ক, ২২ এপ্ৰিলঃ মঙলবাৰে মুখ্য সচিব ৰাজীৱ সিনহাই কয় যে,মাৰ্চৰ শেষত পশ্চিম বংগৰ ভিন্ন প্ৰান্তত প্ৰায় ২৮,০০০ লোকৰ বিৰুদ্ধে ভাৰতীয় দণ্ড বিধিৰ বিভিন্ন ধাৰাত গোচৰ ৰুজু হৈছে । লগতে তেওঁ কয়, ৩০০০ বাহনেও এই সময়চোৱাত সুৰক্ষা সম্পৰ্কীয় প্ৰতিবন্ধকতা অমান্য কৰা দেখিবলৈ পোৱা গৈছে ।
আনপিনে মঙলবাৰে কলকাতা আৰক্ষীয়ে চহৰখনত লক ডাউনৰ নিয়ম উলংঘা কৰা,মাস্ক পৰিধান নকৰাকৈ বহিৰলৈ উলাই অহা আৰু ৰাজহুৱা স্থানত থু পেলোৱাৰ দোষত ৮৩৯ গৰাকী লোকক গ্ৰেপ্তাৰ কৰে । ইয়াৰ ভিতৰত ৬১৬ গৰাকী লোকৰ বিৰুদ্ধে লক ডাউনৰ নিয়ম অমান্য কৰা,১৯৮ গৰাকী লোকৰ বিৰুদ্ধে মাস্ক পৰিধান নকৰা আৰু ২৫ গৰাকী লোকৰ বিৰুদ্ধে ৰাজহুৱা স্থানত থু পেলোৱাৰ অভিযোগ উত্থাপন হৈছে ।
উল্লেখ্য যে,আৰক্ষীয়ে বেৰিকেড নিৰীক্ষণ আৰু চহৰখনত লক ডাউনৰ সময়চোৱাত টহল দিয়াৰ সময়ত এই লোক কেইজনক গ্ৰেপ্তাৰ কৰিছিল ।
