নিউজ ডেস্ক, 17 নৱেম্বৰঃ এক জঘন্য হত্যাকাণ্ডৰ ঘটনাই কপাই গৈছে উত্তৰ প্ৰদেশৰ অ'চধাৰ অঞ্চল ৷ কেইজনমান অচিনাক্ত দুৰ্বৃত্তই দুগৰাকীকৈ দলিত সম্প্ৰদায়ৰ কিশোৰীক হত্যা কৰি এটা পুখুৰীত পেলাই দিয়াৰ ঘটনাই তিব্ৰ চাঞ্চল্যৰ সৃষ্টি কৰিছে সমগ্ৰ অঞ্চলটোত ৷
উত্তৰ প্ৰদেশৰ আৰক্ষী অধীক্ষক ৰাজেশ কুমাৰে সদৰি কৰা অনুসৰি, সোমবাৰৰ সন্ধিয়া এটা পুখুৰীৰ পৰা উদ্ধাৰ কৰাৰ পিচতে দুয়াগৰাকী কিশোৰীৰ চকুত আঘাতৰ চিন পোৱা গৈছে ৷ দলিত সম্প্ৰদায়ৰ কিশোৰী দুগৰাকীৰ পৰিচয় অঞ্চলটোৰ আৱাসী দিলিপ ধুবীৰ কন্যা চুমি(12) আৰু কিৰণ(8) বুলি জানিবলৈ দিয়ে আৰক্ষী অধীক্ষক গৰাকীয়ে ৷
উল্লেখ্য যে, কিশোৰী দুগৰাকীয়ে সোমবাৰৰ সন্ধিয়া শাক-পাচলি আনিবৰ বাবে পথাৰলৈ গৈছিল ৷ কিন্তু দুয়োগৰাকী বহু পৰ ধৰি ঘৰলৈ ঘূৰি নহাত পৰিয়ালৰ লগতে অঞ্চলটোৰ স্থানীয় লোকৰ মাজত হোৱাদোৱা লাগে ৷ ইয়াৰ পিচতে পৰিয়ালৰ লোকে স্থানীয় আৰক্ষীক খবৰ দিয়া বুলি জানিবলৈ দিয়ে আৰক্ষী অধীক্ষক ৰাজেশ কুমাৰে ৷
লগতে পঢ়কঃ নতুন সংসদ ভৱন নিৰ্মাণৰ কাম আৰম্ভ
