নেশ্যনেল ডেস্ক, 10 মে' : কৰ'ণা ভাইৰাছৰ ফলত আন্তৰাষ্ট্ৰীয় বিমানত প্ৰতিবন্ধকতা আৰোপ কৰাৰ ফলত ব্ৰিটেইনত আৱদ্ধ ভাৰতীয়ৰ প্ৰথমটো বেটছ আহি মুম্বাইত উপস্থিত হয় ৷ প্ৰথম বেটছত আছিল 326 গৰাকীকৈ ভাৰতীয় নাগৰিক ৷ দেওবাৰে লণ্ডনৰ পৰা আহি মু্ম্বাইত উপস্থিত হয় এই লোকসকল ৷
বয়িং 777 ৰ AI 130 বিমানৰ জৰিয়তে শনিবাৰে লণ্ডনৰ পৰা উৰা মাৰিছিল এই লোকসকল ৷ দেওবাৰে 1.30 বজাতে আহি মুম্বাইৰ চত্ৰপতি শিৱাজী মহাৰাজ আন্তৰাষ্ট্ৰীয় বিমানবন্দৰত অৱতৰণ কৰে বিমানখনে ৷
টুইটাৰৰ জৰিয়তে যাত্ৰীসকলে ভাৰত চৰকাৰৰ বৈদেশিক মন্ত্ৰণালয়, এয়াৰ ইণ্ডিয়াক এই উদ্ধাৰ অভিযানৰ বাবে ধন্যবাদ জনায় ৷
বিমান বন্দৰ কৰ্তৃপক্ষই জানিবলৈ দিয়ে যে, উপস্থিত হোৱা কোনো লোকৰ দেহত লক্ষণ দেখা পালে পোনপটীয়াকৈ আইছ'লেচন চেন্টাৰত ভৰ্তি কৰা হ'ব ৷ আনহাতে, লক্ষণ নেদেখুৱা লোকসকলক হোটেল আৰু অন্যান্য স্থানৰ কোৱাৰান্টাইনত ৰখা হ'ব বুলি প্ৰকাশ ৷
