নিউজ ডেস্ক,22অক্টোবৰঃ ভাৰত চৰকাৰৰ'' বন্দে ভাৰত মিছন ''ৰ জৰিয়তে ভাৰতবৰ্ষলৈ শুকুৰবাৰ লৈকে মুঠ 19.40 লাখ লোকক ভাৰতলৈ প্ৰত্যাবৰ্তন কৰাৰ কথা সদৰি কৰিছে ভাৰতৰ বৈদেশিক মন্ত্ৰানালয়ে ৷
সাপ্তাহিক মিডিয়া ব্ৰীফিঙত MEAৰ প্ৰবক্তা অনুৰাগ শ্ৰীবাস্তবে উল্লেখ কৰে যে, সংখ্যাৰ হিচাপত বৰ্তমান পৰ্যন্ত 1,050 খন আন্তঃৰাষ্টীয় বিমান সাজু কৰি ৰখা হৈছে ৷ তাৰে 690 খন বিমানে প্ৰাৰম্ভিক পৰ্যায়ৰ পৰাই 20 খন দেশৰ পৰা ভাৰতলৈ প্ৰত্যাগমন কৰি আছে; যি দেশ খনৰ 22 টা বিমান বন্দৰলৈ ভাৰতীয় নাগৰিকক প্ৰত্যাগমন কৰাত সহায় কৰিছে ৷ বিষয়া গৰাকীয়ে লগতে উল্লেখ কৰে যে, আনুমানিক সম্প্ৰতি 1 লাখ 20 হাজাৰ লোক দেশলৈ আহিছে ৷
তেওঁ লগতে কয় যে, আমাৰ মিছন সেইকেইখন দেশত আৰম্ভ কৰা হৈছে য’ত ভাৰতীয় নাগৰিক ক’ৰণাৰ বাবে আবদ্ধ হৈ থাকিব লগীয়া হৈছে ৷ লগতে সম্প্ৰতি আমি তেঁওলোকক দেশলৈ প্ৰত্যাগমন কৰাবৰ বাবে স্থানীয় চৰকাৰৰ লগত যোগাযোগ কৰি থকা হৈছে বুলি সদৰি কৰে ৷ এই প্ৰক্ৰিয়া 1 অক্টোবৰ 2020 পৰা আৰম্ভ কৰা হৈছে বুলি জানিবলৈ দিয়ে বিষয়া গৰাকীয়ে ৷
উল্লেখযোগ্য যে, ক’ৰণা ভাইৰাছৰ বাবে যি সকল ভাৰতীয় নাগৰিক বিদেশত আবদ্ধ হৈ আছিল তেঁওলোকক দেশলৈ আনিবৰ বাবেই চলিত বৰ্ষৰ মে মাহত ''বন্দে ভাৰত মিছন''ৰ আৰম্ভ কৰা হৈছিল ৷
লগতে পঢ়কঃ স্বাস্থ্যবিধি মানি গোলাঘাটত অনুষ্টুপীয়াকৈ দুৰ্গা পূজাৰ আয়োজন
