নিউজ ডেস্ক, 18 জানুৱাৰী : ভাৰতত পথ সুৰক্ষাৰ বিষয়ে সজাগতা সৃষ্টি কৰা আৰু পথ দুৰ্ঘটনা হ্ৰাস কৰাৰ উদ্দেশ্যেৰে সোমবাৰে ৰাষ্ট্ৰীয় পথ সুৰক্ষা মাহৰ শুভাৰম্ভ কৰা হয় ৷
সোমবাৰে বিজ্ঞান ভৱনত ৰাষ্ট্ৰীয় পথ সুৰক্ষা মাহৰ উদ্বোধন কৰে কেন্দ্ৰীয় গৃহমন্ত্ৰী ৰাজনাথ সিং আৰু পথ পৰিবহণ আৰু ৰাষ্ট্ৰীয় ঘাইপথ মন্ত্ৰী নীতিন গাডকাৰীয়ে ৷
এই কাৰ্যসূচীত অংশগ্ৰহণ কৰি গাডকাৰীয়ে কয় যে, " ভাৰতত পথ দুৰ্ঘটনাত পতিত হৈ দৈনিক 415 গৰাকী লোক গড় হাৰত দৈনিক মৃত্যুমুখত পৰিছে ৷ যদি আমি 2030 লৈকে অপেক্ষা কৰো তেন্তে 6-7 লাখ লোক ইয়াৰ দ্বাৰা মৃত্যুমুখত পৰিব ৷ 2025 লৈকে আমি আপোনালোকৰ সহযোগত পথ দুৰ্ঘটনা আৰু দুৰ্ঘটনাত পতিত হৈ মৃত্যু হোৱাৰ সংখ্যা 50 শতাংশলৈ হ্ৰাস কৰিব পাৰিম ৷ "
কেন্দ্ৰীয় মন্ত্ৰীগৰাকীয়ে লগতে কয় যে, " আমাৰ ইচ্ছা ভিতৰুৱা অঞ্চল সমূহত ড্ৰাইভিং বিদ্যালয় খোলাৰ ৷ ইয়াৰ জৰিয়তে 22 লাখ লোকে সংস্থাপনো পাব ৷ আমি মানুহক ভালদৰে প্ৰশিক্ষণ দিব পাৰিলে বহু মানুহৰ প্ৰাণ ৰক্ষা পৰিব ৷ "
লগতে পঢ়ক : প্ৰতিষেধক প্ৰস্তুত কৰি ভাৰতে চীনা ভাইৰাছৰ পৰা মানৱতাক ৰক্ষা কৰিছে : আৰএছএছ নেতা
