নিউজ ডেস্ক, 1 জুলাই : অসমৰ মুখ্যমন্ত্ৰী ড৹ হিমন্ত বিশ্ব শৰ্মাই শুকুৰবাৰে দিল্লীৰ উপ-মুখ্যমন্ত্ৰী মনীষ ছিছ’দিয়াৰ বিৰুদ্ধে কামৰূপ গ্ৰাম্য জিলাৰ মুখ্য ন্যায়িক দণ্ডাধীশৰ আদালতত অপৰাধমূলক মানহানিৰ গোচৰ দাখিল কৰে (Assam CM filed a defamation case against Manish Sisodia)৷ যোৱা মাহত দিল্লীত অনুষ্ঠিত এক সংবাদমেলত দিল্লীৰ উপ-মুখ্যমন্ত্ৰীয়ে অভিযোগ কৰিছিল যে, ২০২০ চনত হিমন্ত শৰ্মা অসমৰ স্বাস্থ্যমন্ত্ৰী হৈ থকাৰ সময়তে তেওঁৰ পত্নী আৰু পুত্ৰৰ সৈতে জড়িত কোম্পানীক Covid-19 মহামাৰীৰ সময়ত বজাৰৰ হাৰৰ ওপৰত পিপিই কিট যোগান ধৰাৰ বাবে ঠিকা প্ৰদান কৰিছিল (Assam PPE kit scam)।
মুখ্যমন্ত্ৰী ড৹ শৰ্মাৰ অধিবক্তা তথা ৰাজ্য চৰকাৰৰ মহাধিবক্তা দেৱজিৎ লন শইকীয়াই কয় যে, মনীষ ছিছ’দিয়াই উত্থাপন কৰা সকলো অভিযোগ মিছা । "পিপিই কিট প্ৰস্তুত কৰা তেওঁলোকৰ কোম্পানীটোৱে কেতিয়াও কোনো বিল উত্থাপন কৰা নাছিল । সেই সময়ত ৰাষ্ট্ৰীয় স্বাস্থ্য মিছনে পিপিই ব্যৱসায়ৰ সকলোকে কিট যোগান ধৰিবলৈ অনুৰোধ কৰিছিল আৰু তেওঁলোকে তেওঁলোকৰ চিএছআৰৰ অংশ হিচাপে প্ৰায় ১৫০০ পিপিই কিট যোগান ধৰিছিল ৷" তেওঁ লগতে কয় যে, কোনো বিত্তীয় লেনদেন ৰেকৰ্ড কৰা হোৱা নাছিল এইক্ষেত্ৰত ।
দেৱজিৎ লন শইকীয়াই আৰু জনায় যে, যদিহে মনীষ ছিছ’দিয়াৰ অপৰাধ প্ৰমাণিত হয় তেন্তে জৰিমনাসহ দুবছৰৰ কাৰাদণ্ড হ’ব । মুখ্য ন্যায়িক দণ্ডাধীশৰ আদালতে অভিযোগকাৰীৰ প্ৰাৰম্ভিক জবাবদিহিৰ তাৰিখ হিচাপে নিৰ্ধাৰণ কৰিছে ২২ জুলাই (Assam CM Himanta sues Manish Sisodia for defamation)।
উল্লেখ্য যে, ইয়াৰ পূৰ্বে মুখ্যমন্ত্ৰী ড৹ হিমন্ত বিশ্ব শৰ্মাৰ পত্নীয়েও মনীষ ছিছ’দিয়াৰ বিৰুদ্ধে 100 কোটি টকাৰ মানহানি গোচৰ তৰে ৷ 1500 পিপিই কিট দান দিয়া বুলি দেখুৱাই ৰিণিকী ভূঞা শৰ্মাই এই কেলেংকাৰী গাপ দিয়াৰ চেষ্টা চলাইছিল বুলি মণীষ চিছ’ডিয়াই অভিযোগ তুলিছিল (Riniki Bhuyan filed case against Manish Sisodia)৷
ড৹ হিমন্ত বিশ্ব শৰ্মা আৰু মনীষ ছিছ’দিয়াৰ মাজত ইয়াৰ আগতে এই বিষয়ক লৈ এখন টুইট যুদ্ধও হৈছিল ৷ " মনীষভাই, আপুনি নিজকে 'দুৰ্নীতি বিৰোধী' আন্দোলনৰ নেতা বুলি দাবী কৰে । ক'ভিডৰ সময়ত যেতিয়া অসমৰ হাতত এটাও পি পি ই কিট নাছিল, অসম চৰকাৰে এটা পি পি ই কিটৰ বাবে হাহাকাৰ কৰিবলগীয়া হৈছিল, সেই সময়ত মোৰ পত্নীয়ে বহু কষ্ট আৰু চেষ্টাৰ বলত কিছু পি পি ই কিট যোগাৰ কৰি চৰকাৰক দিছিল আৰু সাধাৰণ লোকৰ জীৱন ৰক্ষা কৰিছিল । ইয়াৰ বিনিময়ত কোনোধৰণৰ ধনৰ লেনদেন হোৱা নাছিল । তেন্তে ইয়াত দুৰ্নীতিৰ প্ৰশ্ন আহিল কেনেকৈ ? " বুলি টুইট কৰিছিল ড৹ হিমন্ত বিশ্ব শৰ্মাই ৷
লগতে পঢ়ক : দিল্লীৰ উপ-মুখ্যমন্ত্ৰী চিছ’ডিয়াৰ বিৰুদ্ধে ৰিণিকী ভূঞা শৰ্মাৰ 100 কোটিৰ মানহানি গোচৰ
