নিউজ ডেস্ক, ১৯ জানুৱাৰী : শ্ৰীৰাম জন্মভূমি অযোধ্যাত ৰামলালাৰ প্ৰাণ প্ৰতিষ্ঠা হ'বলৈ গৈ আছে । ইয়াৰ বাবে সাতদিনীয়া অভিষেক কাৰ্যসূচী অতি আড়ম্বৰপূৰ্ণভাৱে উদযাপন কৰা হৈছে । আনহাতে, ৰাম ভক্তসকলে এই উৎসৱটো অতি বিশেষ কৰি তোলাত নিয়োজিত হৈ আছে । তাৰেই অংশ হিচাপে তীৰ্থৰাজ গুৰু পুষ্কৰ লোক কলা প্ৰতিষ্ঠান আৰু আজমীৰৰ আঠজন ৰাজস্থানী মন্দনা শিল্পীয়ে এক বিশেষ কাৰ্য সম্পাদন কৰিছে ।
তেওঁলোকে পবিত্ৰ পুষ্কৰ হ্ৰদৰ গোৱালিয়ৰ ঘাটত ৩০০ ফুট দীঘল আৰু ১৮ ফুট বহল শ্ৰীৰামৰ ধনু কোদাণ্ডা অংকন কৰি উলিয়াইছে । লোককলা সংস্থান কাৰ্যালয়ৰ বিষয়ববীয়া সঞ্জয় কুমাৰ শেঠীয়ে এই সন্দৰ্ভত কয় যে এই পবিত্ৰ হ্ৰদটোৰ গোৱালিয়ৰ, ইন্দ্ৰ আৰু চন্দ্ৰ ঘাটত ৬ ঘণ্টাৰ প্ৰচেষ্টাৰে ভগৱান শ্ৰীৰামৰ ধনু কোদাণ্ডাক লোককলা মন্দনাৰ জৰিয়তে প্ৰদৰ্শিত কৰা হৈছে ।
সঞ্জয়, প্ৰজেশ নাগোৰা, মনোজ প্ৰজাপতি, অক্ষৰা মহেশ্বৰী, নিকিতা, গৰিমা ইন্দোৰ, দুৰ্গা গুৰ্জাৰ, কৃতিকা শৰ্মা, প্ৰকাশ নাগোৰা, অংকুৰ কুমাৱত আৰু দীক্ষা শৰ্মাকে ধৰি আজমীৰৰ আঠগৰাকী শিল্পী ইয়াৰ সৈতে জড়িত আছে ।
শেঠীয়ে লগতে কয় যে ভগৱান শ্ৰীৰামৰ প্ৰিয় ধনু হৈছে কোদাণ্ডা । উক্ত ধনুৰ প্ৰতিকৃতিৰ ৰূপত এই বিশাল প্ৰতিকৃতি অংকন কৰা হৈছে । ইয়াৰ বিশেষত্ব হৈছে যে এই চিত্ৰখন ৰাজস্থানী লোককলা মন্দনাৰ জৰিয়তে অংকন কৰা হৈছে । আনহাতে, দেশৰ ভিতৰত ভগৱান শ্ৰীৰামৰ আটাইতকৈ ডাঙৰ ধনু কোদাণ্ডাৰ প্ৰতিকৃতি পুষ্কৰত প্ৰথমবাৰৰ বাবে অংকন কৰা হৈছে । ৬ ঘণ্টাৰ অক্লান্ত প্ৰচেষ্টাৰ পিছত এইটো সম্পূৰ্ণ হৈ উঠিছে ।
তেওঁ কয় যে পবিত্ৰ পুষ্কৰ হ্ৰদৰ গোৱালিয়ৰ, ইন্দ্ৰ আৰু চন্দ্ৰ ঘাটত ৩০০ ফুট দীঘল আৰু ১৮ ফুট বহল শ্ৰীৰামৰ ধনু নিৰ্মাণ কৰা হৈছে । কেৱল তীৰ্থযাত্ৰীয়েই নহয়, বিদেশী অতিথিসকলেও এই বিশাল শিল্পকৰ্মটো চাই তবধ মানিছে । বহু লোকে প্ৰথমবাৰৰ বাবে ৰাজস্থানী লোককলা মন্দনা দৰ্শনৰো সুযোগ পাইছে ।
শেঠীয়ে কয় যে এই বিশাল শিল্পকৰ্মটো সৃষ্টিত ২০ কিলোগ্ৰাম পাণ্ডু, ১০ কিলোগ্ৰাম গেৰু, ৫ কিলোগ্ৰাম পেৱাৰী আৰু ১০ কিলোগ্ৰাম ৰংগোলী ব্যৱহাৰ কৰা হৈছে । প্ৰাকৃতিক ৰঙেৰে সজোৱা ভগৱান শ্ৰীৰামৰ ধনু কোদাণ্ডাৰ প্ৰতিকৃতি হৈছে শিল্পীসকলৰ পৰা এক উপহাৰ ।
তেওঁ কয় যে ৰামলালাৰ মন্দিৰলৈ যোৱা উপলক্ষে মন্দনা কলাৰ জৰিয়তে ভগৱান শ্ৰীৰামৰ ধনু কোদাণ্ডা নিৰ্মাণ কৰা হৈছে । এই শিল্পকৰ্মটো সৃষ্টি কৰাৰ আন এটা উদ্দেশ্য হৈছে ৰাজস্থানী লোককলা মন্দনাক সমগ্ৰ বিশ্বতে স্বীকৃতি প্ৰদান কৰাৰ বাবে আগবঢ়াই নিয়া ।
আনহাতে, পবিত্ৰ পুষ্কৰ হ্ৰদৰ বৰাহা ঘাটৰ প্ৰধান পণ্ডিত ৰবিকান্ত শৰ্মাই কয় যে খণ্ডটোত আঠটা বৈকুণ্ঠ আছে । ইয়াৰে ভিতৰত চাৰিটা দক্ষিণ ভাৰতত আৰু চাৰিটা উত্তৰ ভাৰতত অৱস্থিত । সেইবোৰৰ ভিতৰত উত্তৰত আছে সাক্ষাত পুষ্কৰ ৰাজ সৰোবৰ । ইয়াত হ্ৰদৰ পানী নাৰায়ণৰ ৰূপত আছে । ইয়াতেই জগত পিতা ব্ৰহ্মই যজ্ঞ পৰিবেশন কৰিছিল ।
অত্ৰেয় মুনিৰ মতে, ভগৱান শ্ৰীৰাম তেওঁৰ পিতৃ দশৰথৰ শ্ৰাদ্ধ কৰিবলৈ ইয়ালৈ আহিছিল । তেওঁ কয় যে এই হ্ৰদটো অনাদিকালৰ পৰাই আছে । পুষ্কৰ স্বপ্ৰতিষ্ঠিত এক তীৰ্থস্থান । ইয়াত ভগৱান শ্ৰীৰামৰ আগমন আৰু তেওঁৰ পিতৃ দশৰথৰ শ্ৰাদ্ধ পৰিবেশন কৰাটো এক গুৰুত্বপূৰ্ণ ঐতিহাসিক আৰু ধৰ্মীয় অনুষ্ঠান আছিল ।
লগতে পঢ়ক :মুখ্যমন্ত্ৰী যোগীক হত্যাৰ ভাবুকি দিলে খালিস্তানী সন্ত্ৰাসবাদী পান্নুৱে
