নেশ্যনেল ডেস্ক, 2 নৱেম্বৰ : যোৱা কিছুদিন ধৰি দিল্লীত বাস কৰি অহা এগৰাকী আফগান মহিলাই নিজৰ বন্ধুৰ বিৰুদ্ধে ৰুজু কৰিছে এক গোচৰ ৷ গোচৰত তেওঁ উল্লেখ কৰিছে যে, উত্তৰাখণ্ডৰ ঋষিকেষৰ পৰা দিল্লীলৈ মধ্যৰাতি আহি থাকোতে তেওঁক প্ৰহাৰ কৰাৰ লগতে গাড়ীৰ পৰা পেলাই দিয়া হয় ৷
আফগান মহিলাগৰাকীয়ে আৰক্ষীক জনাই যে, তেওঁ ঋষিকেষলৈ মহম্মদ মুল্লা, ছাদিক মুস্তাফা আৰু তবচ্চুমৰ সৈতে গৈছিল ৷ দিল্লীলৈ ঘূৰি অহাৰ পথত তেওঁৰ সৈতে বাক-বিতণ্ডাত লিপ্ত হয় বন্ধুকেইগৰাকী ৷ সেই সময়তে তেওঁলোকে আফগান মহিলাগৰাকীক আক্ৰমণ কৰাৰ লগতে গাড়ীৰ পৰা পেলাই দিয়ে ৷
ইয়াৰ পাচতে মহিলাগৰাকীয়ে আৰক্ষীলৈ ফোন কৰি ঘটনা সম্পৰ্কত জানিবলৈ দিয়ে ৷ দৌৰালাৰ চক্ৰ বিষয়া সঞ্জীৱ দীক্ষিতে সংবাদ মাধ্যমক জানিবলৈ দিয়ে যে, আৰক্ষীয়ে এক গোচৰ ৰুজু কৰিছে আৰু এগৰাকী মহিলা কনিষ্টবলৰ সৈতে আফগান মহিলাগৰাকীক দিল্লীলৈ প্ৰেৰণ কৰে ৷ ঘটনা সম্পৰ্কত তদন্ত অব্যাহত থকা বুলি জানিবলৈ দিয়ে চক্ৰ বিষয়াগৰাকীয়ে ৷
লগতে পঢ়ক : নিউজিলেণ্ডৰ কেবিনেটত মন্ত্ৰী হিচাপে শপত ল'লে ভাৰতীয় মহিলাই
