নেশ্যনেল ডেস্ক, ৯ নৱেম্বৰ : ভাৰতীয় তীখা প্ৰাধিকৰণৰ (SAIL) অধীনৰ ভিলাই তীখা প্লাণ্টত (BSP) মঙলবাৰে এক ভয়ংকৰ বিস্ফোৰণ সংঘটিত হয় । Material Recovery Department ত সংঘটিত হোৱা এই বিস্ফোৰণত প্ৰায় ৬ জন লোক আহত হয় । আহতসকলৰ ভিতৰত দুজন ভিলাই তীখা প্লাণ্টৰ কৰ্মচাৰী আৰু চাৰিজন ঠিকাভিত্তিক কৰ্মচাৰী ।
উক্ত ঘটনাৰ পাছতে আহত কেইজনক ভিলাইৰ চেক্টৰ ৯ (Sector 9 Hospital) চিকিৎসালয়ত ভৰ্তি কৰোৱা হয় । ঘটনাটো প্ৰকল্পটোৰ এমআৰডি ইউনিট ২ ত (MRD Unit 2) সংঘটিত হৈছে ।
শেহতীয়া তথ্য অনুসৰি, ঘটনাটো শ্লেগ ৰিভাৰচেলৰ (slag reversal) সময়ত সংঘটিত হৈছে । শ্লেগ হৈছে ধাতু স্মেল্টিঙৰ এক উপ উৎপাদন আৰু তীখা নিৰ্মাণ প্ৰক্ৰিয়া ৷ য’ত প্ৰতিবছৰে কেইবাশ টন তীখা উৎপাদন কৰা হয় । কম শ্লেগৰ অৰ্থ হৈছে অধিক ষ্টীল । বিস্ফোৰণত আহতসকলৰ ভিতৰত আছে মনীষ চাহু, পি ৰাজু নায়াৰ, ৰাজনীশ চৌহান, বিজয় কুমাৰ আৰু মৈতি আলগান ।
লগতে পঢ়ক : ত্ৰিপুৰাৰ পৌৰ নিগমৰ নিৰ্বাচন : বিজেপি-চিপিআই(এম)ৰ মাজত তীব্ৰ সংঘাত
