অন্ধ্ৰ প্ৰদেশত দুৰ্ঘটনাত চাৰিজনৰ মৃত্যু

সোমবাৰে পুৱা অন্ধ্ৰ প্ৰদেশত সংঘটিত হোৱা কৰুণ পথ দুৰ্ঘটনাত চালকসহ চাৰিজন লোকে প্ৰাণ হেৰুওৱাৰ লগতে কেইবাজনো লোক গুৰুতৰভাৱে আহত হয় ।

নেশ্যনেল ডেস্ক,২৯ মাৰ্চ: সোমবাৰে পুৱা অন্ধ্ৰ প্ৰদেশত সংঘটিত হয় কৰুণ পথ দুৰ্ঘটনা । ৰাজ্যখনৰ ৰাজ্যিক পথ পৰিবহণ নিগমৰ দুখন যাত্ৰীবাহী বাছ দুৰ্ঘটনাত পতিত হোৱাত চালকসহ চাৰিজন লোকে প্ৰাণ হেৰুওৱাৰ লগতে কেইবাজনো লোক গুৰুতৰভাৱে আহত হয় । চুংকাৰীপেটাৰ গাঁৱত যাত্ৰীবাহী বাছ দুখনৰ মুখামুখি সংঘৰ্য হোৱাৰ ফলতে সংঘটিত হয় পথ দুৰ্ঘটনাতো । ডাঠ কুঁৱলীৰ ফলতে দুৰ্ঘটনাটো সংঘটিত হোৱাৰ সন্দেহ প্ৰকাশ কৰা হৈছে । এই দুৰ্ঘটনাত দুয়োখন বাছৰ চালকৰ মৃত্যু ঘটে ।