নিউজ ডেস্ক, 20 ডিচেম্বৰ : কেন্দ্ৰই প্ৰৱৰ্তন কৰা তিনিখনকৈ কৃষি আইনৰ বিৰুদ্ধে কৃষকৰ আন্দোলন অব্যাহত আছে ৷ বৰ্তমানে এই আন্দোলনে 25 দিন অতিক্ৰম কৰিছে ৷ কিন্তু শেহতীয়াকৈ কৃষক আন্দোলনৰ পৰা উভটি অহা এগৰাকী যুৱ কৃষকৰ আত্মহত্যাই আন্দোলনৰ সমান্তৰালকৈ সংবাদ শীৰ্ষ দখল কৰিছে ৷
ঘটনাটো সংঘটিত হৈছে পঞ্জাৱৰ ভাটিন্দা জিলাত ৷ জিলাখনৰ ৰামপুৰা ফুল অঞ্চলৰ দয়ালপুৰা মিৰ্জা নামৰ গাঁওখনৰ গুৰলাভ সিং নামৰ 22 বৰ্ষীয় যুৱ কৃষকে বিহপান কৰি আত্মহত্যা কৰে ৷ ঘটনাৰ বিষয়ে জানিব পৰা পৰিয়ালৰ লোকে তেওঁক স্থানীয় চিকিৎসালয়ত ভৰ্তি কৰায় যদিও চিকিৎসকে তেওঁক মৃত ঘোষণা কৰে ৷ মাত্ৰ দুদিন পূৰ্বে কৃষক আন্দোলনৰ পৰা ঘৰলৈ উভটি আহিছিল গুৰলাভ সিং ৷
পৰিয়ালৰ লোকে জানিবলৈ দিয়া অনুসৰি, মৃত কৃষক গুৰলাভ সিঙৰ আছিল 6.5 লাখ টকাৰ ঋণ ৷
লগতে পঢ়ক : বিপদৰ পৰা উদ্ধাৰ পাবলৈ হাগ্ৰামাই স্ব-বিৰোধী মন্তব্য কৰিছে : বিশ্বজিৎ দৈমাৰী
