নেশ্যনেল ডেস্ক,২৯ মাৰ্চ: কৰ্ণাটকৰ কে আৰ নগৰ তালুকৰ চুনচানাকাট্টেত দেওবাৰে নিশা ভয়ংকৰ পথ দুৰ্ঘটনা সংঘটিত হয় । ট্ৰাকৰ খুন্দাত থিতাতে নিহত হয় একেটা পৰিয়ালৰে দুগৰাকী মহিলা । ঘটনা অনুসৰি, বিবাহযাত্ৰীৰ এখন বাহনে বিবাহ সমাপ্ত কৰি ঘৰ অভিমুখে গৈ থাকোতে কে আৰ নগৰ তালুকৰ চুনচানাকাট্টেত এখন তীব্ৰবেগী ট্ৰাকৰ সৈতে মুখামুখি সংঘৰ্ষ ঘটে ৷ ট্ৰাকখনে বিবাহযাত্ৰীৰ বাহনখনক খুন্দিওৱাৰ ফলত থিতাতে নিহত হয় একেটা পৰিয়ালৰে দুগৰাকী মহিলা । লগতে কইনাসহ ২৫ জন লোক গুৰুতৰভাৱে আহত হয় ।
ইতিমধ্যে আহতসকলক কে আৰ নগৰৰ চিকিৎসালয়ত ভৰ্তি কৰোৱা হৈছে । দুৰ্ঘটনাস্থলীত কে আৰ নগৰ আৰক্ষী উপস্থিত হৈ প্ৰাথমিক তদন্ত অব্যাহত ৰাখিছে ।
