বৃহৎ পৰিমাণৰ ড্ৰাগছসহ আটক তিনি যুৱক

জোনাই, ১ ছেপ্টেম্বৰ: ধেমাজি জিলাৰ জোনাইৰ নেপালীবস্তিস্থিত মুৰ্কংচেলেক মহাবিদ্যালয়ৰ সমীপত দেওবাৰে ড্ৰাগছ সেৱনকাৰী তিনি যুৱকক ৰাইজে কৰায়ত্ত কৰি গতাই দিয়ে আৰক্ষীক । যুৱক তিনিজনে ড্ৰাগছ সেৱন কৰাৰ সময়তে ৰাইজে কৰায়ত্ত কৰি জোনাই থানাৰ আৰক্ষীক ঘটনা সন্দৰ্ভত অৱগত কৰে ।

ধৃত যুৱক তিনিজনৰ পৰা বৃহৎ পৰিমাণৰ ড্ৰাগছ, এখন মটৰচাইকেল, তিনিটা মোবাইল ফোন আৰু ড্ৰাগছ সেৱনত ব্যৱহৃত কেইবাটাও সামগ্ৰী আৰক্ষীয়ে জব্দ কৰে । আটকাধীন যুৱক তিনিজনৰ ভিতৰত এজন জোনাইৰ মিগম পেগু আৰু আন দুজন অৰুণাচল প্ৰদেশৰ পাচীঘাটৰ ।