মৰাণ, 30 জুলাই: ডিব্ৰুগড়ত ভয়ংকৰ পথ দুৰ্ঘটনা ৷ জিলাখনৰ কাছাবাৰীত তীব্ৰবেগী অচিনাক্ত বাহনে মহতিয়ালে দুখন বাইকত অহা পাঁচজনকৈ আৰোহীক । ইয়াৰে এজনৰ অৱস্থা সংকটজনক ।
ডিব্ৰুগড়ৰ চৌকিডিংগি দিশৰ পৰা খনিকৰ চাৰিআলি দিশলৈ গৈ থকা অৱস্থাতে পিছফালৰ পৰা বাইক দুখনক খুন্দিয়াই এখন তীব্রবেগী বাহনে ৷ আহত আটাইকেইজনক চিকিৎসালয়ত ভৰ্তি কৰোৱা হৈছে । আহতসকলৰ মাজক এজন পেচাত সংবাদকৰ্মী বুলি জানিব পৰা গৈছে ৷ আহত এজনৰ অৱস্থা সংকটজনক ৷
উল্লেখযোগ্য যে, সোমবাৰে দিনৰ ভাগত ডিব্ৰুগড়ৰ লেপেটকটাত আন এক ভয়ংকৰ পথ দুৰ্ঘটনা সংঘটিত হয় । এখন আলট্ৰা বাছ পথৰ কাষত বাগৰি পৰাৰ পিচতে সংঘটিত হয় দুৰ্ঘটনাটো । দুৰ্ঘটনাগ্রস্ত আলট্ৰা বাছখনৰ নম্বৰ হৈছে AS 06 CC0822 ।
