কপিলী জলবিদ্যুৎ প্ৰকল্পৰ খানদাং বান্ধৰ প্ৰতি আহিছে ভাবুকি - Dima Hasao Floods

হাফলং,৩০ মে': ২৭৫ মেগাৱাট বিদ্যুৎ উৎপাদন কৰাৰ ক্ষমতা থকা কপিলী জলবিদ্যুৎ প্ৰকল্পৰ খানদাং বান্ধৰ প্ৰতি আহিছে ভাবুকি । যোৱা ৪৮ ঘণ্টা ডিমা হাছাও জিলাত ধাৰাসাৰ বৰষুণৰ ফলতে নীপকোৰ জলাশয়ৰ স্তৰ বৃদ্ধি পাইছে । জলাশয়ৰ ক্ষমতাতকৈও ৮.৬৭ মিটাৰ উচ্চতা অতিক্ৰম কৰিছে জলস্তৰে । যাৰ বাবে কপিলী জলবিদ্যুৎ প্ৰকল্পৰ জলাশয়ৰ প্ৰতি ভাবুকি আহিছে ।

সেয়েহে নীপকোৱে ৭ খন গেট খুলি দিছে যাৰ জৰিয়তে প্ৰতি ছেকেণ্ডত ৪২৮৪ কিউবিক মিটাৰ পানী ওলাই গৈছে । এনে পৰিস্থিতিত উমৰাংচুৰ লংকুত এ পি জি ছি এল অসম বিদ্যুৎ উৎপাদন সংস্থাৰ নিৰ্মীয়মান ১২০ মেগাৱাট জলবিদ্যুৎ প্ৰকল্পৰ কাম বন্ধ হৈ পৰিছে । পানীৰ সোঁতে প্ৰকল্পটোৰ ব্যাপক ক্ষতি সাধন কৰিছে । এনে পৰিস্থিতিত ডিয়ুং নৈৰ জলস্তৰ ভয়ংকৰভাৱে বৃদ্ধি পাইছে । বাঢ়নী পানীয়ে কেইবাখনো গাঁও প্লাৱিত কৰিছে ।

লগতে পঢ়ক :বৰাকত জটিল হৈছে বান পৰিস্থিতি; বানৰ কবলত শতাধিক গাঁও - Flood In Barak Valley