সন্তানক হত্যা কৰি বিচনাৰ তলত লুকুৱাই থ'লে মাতৃয়ে

মৰিগাঁও,১৩ ফেব্ৰুৱাৰী: পাষাণ পুত্ৰক মাতৃয়ে হত্যা কৰাৰ দৰে চূড়ান্ত অমানৱীয় ঘটনাই সংবাদ শিৰোনাম লাভ কৰাৰ সময়তে এইবাৰ মৰিগাঁৱত সংঘটিত হৈছে এক হৃদয় বিদাৰক ঘটনা । এইবাৰ মৰিগাঁৱৰ ময়েনগুৰিত মাতৃয়ে হত্যা কৰিলে তিনিবছৰীয়া সন্তানক । মৰিগাঁও জিলাৰ ময়েনগুৰিত সংঘটিত হৈছে এই হৃদয় বিদাৰক ঘটনাটো ।  

মাতৃয়ে হত্যা কৰি তিনিবছৰীয়া শিশুটিৰ মৃতদেহ লুকুৱাই থৈছিল নিজৰ বিচনাৰ তলত ৷ বৰ্তমানলৈ জানিব পৰা হোৱা নাই হত্যাৰ প্ৰকৃত কাৰণ । ইতিমধ্যে ঘটনাস্থলীত মৰিগাঁও আৰক্ষী উপস্থিত হৈ আটক কৰে হত্যাকাৰী মাতৃক । লগতে মৃত শিশুটোক মৰিগাঁও অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰে ৷ ঘটনাক কেন্দ্ৰ কৰি সমগ্ৰ অঞ্চলত বিৰাজ কৰিছে তীব্ৰ চাঞ্চল্য । আৰক্ষীক উচিত তদন্ত কৰি দোষীক উপযুক্ত শাস্তি প্ৰদানৰ দাবী স্থানীয় ৰাইজৰ । 

লগতে পঢ়ক: পত্নীক দাৰে ঘপিয়াই হত্যাৰ চেষ্টা স্বামীৰ