ঘৰৰ মুৰব্বীক হত্যা কৰি ডকাইতে লুটি নিলে লক্ষাধিক টকা - Bongaigaon murder

বঙাইগাঁও,২৬ জুলাই : বঙাইগাঁৱৰ অভয়াপুৰীত চাঞ্চল্যকৰ ঘটনা । ডকাইতৰ দলে হত্যা কৰি থৈ গ'ল গৃহস্থক । দলটোৱে লুটি লৈ গ'ল সোণ-ৰূপৰ গহনাকে ধৰি নগদ প্ৰায় ১ লাখ টকা । শুকুৰবাৰে পুৱতি নিশা সংঘটিত হয় এই ঘটনা । ডকাইতৰ আক্ৰমণত নিহত লোকজন অভয়াপুৰীৰ পিৰাধৰাৰ কৃষ্ণ মণ্ডল বুলি জানিব পৰা গৈছে ।

নিহত কৃষ্ণ মণ্ডলৰ পত্নীয়ে জনোৱা মতে পুৱতি নিশা ডকাইতৰ দলটোৱে ঘৰটোত প্ৰৱেশ কৰে । দলটোৱে তেওঁৰ স্বামীক হত্যা কৰি পত্নীক ঘৰত বন্ধ কৰি বাহিৰৰ পৰা দুৱাৰ বন্ধ কৰি থৈ যায় । ঘটনাৰ খবৰ পোৱাৰ লগে লগে বঙাইগাঁও জিলাৰ আৰক্ষী অধীক্ষক, অতিৰিক্ত আৰক্ষী অধীক্ষকসহ আৰক্ষীৰ এটা দল উপস্থিত হৈ তদন্ত আৰম্ভ কৰিছে । ঘটনাটোক লৈ অঞ্চলজুৰি তীব্ৰ উত্তেজনাৰ সৃষ্টি হৈছে ।

লগতে পঢ়ক :চৰকাৰী বিষয়াৰ বিৰুদ্ধে গোচৰ ছাত্ৰ মুক্তি সংগ্ৰাম সমিতিৰ - Stone Syndicate in Sarupathar