নিউ বঙাইগাঁও ৰে'ল ষ্টেচনত বাৰ্মিজ চুপাৰি জব্দ

বঙাইগাঁও,২৭ ফেব্ৰুৱাৰী: নিউ বঙাইগাঁও ৰে'ল ষ্টেচনত ৰে'ল আৰক্ষীৰ অভিযান । অভিযান কালত ৪০ বস্তুা বাৰ্মিজ চুপাৰি জব্দ কৰিবলৈ সক্ষম হয় ৰে'ল আৰক্ষীয়ে । নামনিমুৱা কামৰূপ এক্সপ্ৰেছত অভিযান চলাই জব্দ কৰা হয় এই চুপাৰিখিনি । গোপন সূত্ৰৰ পম কেদি অভিযান চলাই চুপাৰিভৰ্তি বস্তাখিনি জব্দ কৰা হয় । নিতৌ ম্য়ানমাৰৰ পৰা অবৈধভাৱে বাৰ্মিজ চুপাৰি সৰবৰাহ কৰাৰ অভিযোগ দীৰ্ঘদিনীয়া ।  

প্ৰতিটো বস্তাৰ ভিতৰত প্ৰায় ৯০ কিঃগ্ৰাঃ বাৰ্মিজ চুপাৰি থকা বুলি জানিবলৈ দিয়ে ৰে'ল আৰক্ষীয়ে । কাৰ আশীৰ্বাদত ৰে'লৰ ডবা বুক কৰি বাৰ্মিজ চুপাৰিৰ অবৈধ বেহা চলি আছে সেয়া এক চিন্তনীয় বিষয় । পৰৱৰ্তী সময়ত আৰক্ষীৰ এই ক্ষেত্ৰত ভূমিকা কি হ'ব সেয়া হ'ব লক্ষণীয় । ইতিমধ্যে সমগ্ৰ ঘটনাৰ সন্দৰ্ভত ৰে'ল আৰক্ষীয়ে আৰম্ভ কৰিছে তদন্ত ।

লগতে পঢ়ক: কাছাৰৰ জয়নগৰত বাহন দুৰ্ঘটনাগ্ৰস্ত জব্দ