মোহভংগ; সুৰাপায়ী যুৱকক চোকা অস্ত্ৰৰে ঘপিয়াই হত্যা পিতৃৰ - Brutal murder

শিৱসাগৰ,১৯ ছেপ্টেম্বৰ : শিৱসাগৰত লোমহৰ্ষক ঘটনা । সুৰাৰ বাবে দীৰ্ঘদিন ধৰি চলি থকা পিতা-পুত্ৰৰ সংঘাতৰ ভয়ংকৰ পৰিণতি । সুৰাপান কৰি পৰিয়ালৰ মাজত অশান্তিৰ সৃষ্টি কৰা যুৱকক চোকা অস্ত্ৰৰে আক্ৰমণ পিতৃৰ । নিশা শুই থকা অৱস্থাতে পিতৃৰ চোকা অস্ত্ৰৰ আঘাতত মৃত্যু দীপু বৰুৱা নামৰ যুৱকজনৰ । শিৱসাগৰ জিলাৰ কোঁৱৰপুৰৰ টেপৰতল গোঁহাই গাঁৱত সংঘটিত হৈছে এই ঘটনাটো ।

পৰিয়ালৰ আন সদস্যই জনোৱা মতে দীপুৱে প্ৰায়ে সুৰাপান কৰি ঘৰত অশান্তিৰ সৃষ্টি কৰে । সুৰাৰ ৰাগীত পিতৃ-মাতৃ আৰু ঘৰৰ বাকী সদস্যসকলক অকথ্য গালি-গালাজ কৰে । যাৰ বাবে পিতৃ দীৰ্ঘদিন ধৰি মানসিকভাৱে ভাগি পৰিছিল বুলি এগৰাকী পুত্ৰই জনাইছে । বুধবাৰেও দীপুৱে সুৰাপান কৰি পিতৃৰ সৈতে কাজিয়াত লিপ্ত হৈছিল । পৰিণতিত পিতৃ ৰমেন বৰুৱাই চোকা অস্ত্ৰৰে দীপুক আক্ৰমণ কৰে । ফলত থিতাতে নিহত হয় যুৱকজন ।

লগতে পঢ়ক :আত্মহত্যা, দুৰ্ঘটনা নে আন কিবা; কি হৈছিল ভৱেন সন্দিকৈৰ লগত ? - Man Jumps Off JMCH Building