পথৰ দাঁতিত উদ্ধাৰ পৰিচয় বিহীন যুৱতীৰ মৃতদেহ - Body found

গোৱালপাৰা, 22 জুলাই: সোমবাৰে পুৱাই গোৱালপাৰা জিলাৰ কৃষ্ণাইৰ নিকটৱৰ্তী চেনীমাৰি নোৱাপাৰাত সৃষ্টি হয় এক হুলস্থূলীয়া পৰিৱেশৰ ৷ নোৱাপাৰাত পুৱাই পথৰ কাষতে উদ্ধাৰ হয় এগৰাকী অচিনাক্ত যুৱতীৰ মৃতদেহ ৷ গাঁৱৰ দুজন যুৱকে প্ৰথমে প্ৰত্যক্ষ কৰে সেই মৃতদেহটো ৷ তাৰ পাচতে যুৱকদ্বয়ে খবৰ দিয়ে গাঁওবাসীক ৷

বিৱৰণি অনুসৰি, আন দিনাৰ দৰে সোমবাৰে পুৱা কামলৈ ওলাই গৈছিল নোৱাপাৰাৰ দুই যুৱক ৷ কামলৈ যোৱা পথতে দুই যুৱকে এগৰাকীৰ যুৱতীৰ মৃতদেহ প্ৰত্যক্ষ কৰে ৷ তাৰ পাচতে দুই যুৱকে গাঁৱৰ ৰাইজৰ লগতে খবৰ দিয়ে আৰক্ষীক ৷ সেই খবৰৰ ভিত্তিতে উক্ত স্থানত আৰক্ষী উপস্থিত হৈ আৰম্ভ কৰে তদন্ত ৷

বাতৰি যুগুত কৰা পৰলৈকে মৃত যুৱতীগৰাকীৰ পৰিচয় উদ্ধাৰ হোৱা নাই ৷ স্থানীয় এজন যুৱকে উল্লেখ কৰা মতে, মৃত যুৱতীগৰাকী উক্ত অঞ্চলৰ নহয় ৷ কোনো দুষ্ট লোকে অসৎ কাৰ্য কৰি যুৱতীগৰাকীক হত্যা কৰি ৰাস্তাৰ কাষত পেলাই হৈ গৈছে বুলি সন্দেহ কৰা হৈছে ৷

লগতে পঢ়ক : মৰিয়নীত দলবদ্ধ আক্ৰমণত যুৱকৰ মৃত্য়ু : ১৯ দিনৰ পিচত এজাহাৰ দাখিল - SENSATIONAL MURDER AT MARIANI