আন্তঃৰাষ্ট্ৰীয় শৰীৰচৰ্চা প্ৰতিযোগিতাত উজলিল হিৰকজ্যোতি

তিতাবৰ,২৮ ফেব্ৰুৱাৰী: নতুন দিল্লীত অনুষ্ঠিত হোৱা Asian Bodybuilding and Fitness Championship ত উজলিল তিতাবৰৰ সন্তান হিৰকজ্যোতি শইকীয়া । জুনিয়ৰ শাখাৰ Men physics আৰু Men classic দুয়োটা শাখাতে ৰূপৰ পদক অৰ্জন কৰিবলৈ সক্ষম হয় । উক্ত টুৰ্নামেন্টৰ দুটা ইভেন্টত হিৰকজ্যোতিয়ে সফলতা লাভ কৰাৰ লগে লগে উফুল্লিত হৈ পৰিছে তিতাবৰবাসীৰ লগতে অসমবাসী । UIBF ফেডাৰেচনে অনুষ্ঠিত কৰা এই Bodybuilding and Fitness Championship ত ভাৰতৰ লগতে চুবুৰীয়া কেইবাখনো দেশৰ প্ৰতিযোগীয়ে অংশগ্ৰহণ কৰে ।  

বিদেশী আৰু নিজ দেশৰ খেলুৱৈৰ সৈতে তীব্ৰ প্ৰতিযোগিতাৰ অন্তত হিৰকজ্যোতিয়ে নিজৰ যোগ্যতা প্ৰদৰ্শন কৰি উক্ত সফলতা লাভ কৰাত উৎফুল্লিত তেওঁৰ প্ৰশিক্ষক মানসজ্যোতি শইকীয়াৰ লগতে তেওঁ সতীৰ্থসকল । আনহাতে সফলতা লাভ কৰি হিৰকজ্যোতি তিতাবৰ শৰীৰ চৰ্চা কেন্দ্ৰত উপস্থিত হোৱাৰ লগে লগে উষ্ম আদৰণি জনায় তিতাবৰ বীৰ লাচিত সেনাই । উল্লেখ্য যে বৰ্তমান যোৰহাট জিলা অন্তৰ্গত তিতাবৰ মহকুমাৰ পৰা বৰ্তমান বহু খেলুৱৈ ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত সফলতা লাভ কৰিবলৈ সক্ষম হৈছে, এইয়া ৰাজ্যৰ ক্ৰীড়া ক্ষেত্ৰৰ বাবে আশাৰ ৰেঙনি । 

লগতে পঢ়ক: জিন্টু গগৈ সোঁৱৰণী আন্তঃজিলা ছাব জুনিয়ৰ ছোৱালী খো-খো প্ৰতিযোগিতাৰ সামৰণি