নিউজ ডেস্ক, 10 অক্টোবৰ: স্প’ৰ্টছ বাইক নিৰ্মাতা কোম্পানী KTM -এ শেহতীয়াকৈ নিজৰ KTM 200 Duke ক 390 Duke ৰ টিএফটি ডিছপ্লেৰে আপডেট কৰিছে । নতুন প্ৰজন্মৰ KTM 250 Duke বজাৰত উপলব্ধ আছিল যদিও ইয়াৰ দাম 200 Dukeতকৈ বেছি ।
390 Duke ৰ দৰেই ৰঙীন TFT ডিছপ্লেৰ সৈতে এতিয়া ভাৰতত মুকলি কৰা হৈছে KTM 250 Duke । KTM 390 Duke ৰ ডিছপ্লে আধুনিক গ্রাফিক্সৰ সৈতে আহে আৰু ইয়াত ব্লুটুথ সংযোগো আছে, যদিও ইয়াৰ আগতেও এয়া উপলব্ধ আছিল । 390 Duke ৰ পৰা কঢ়িয়াই অনা KTM 250 Dukeৰ আন এটা আপডেট হৈছে নতুন চুইচগিয়াৰ ।
চুইচগিয়াৰত চাৰিটা দিশৰ মেনু চুইচৰ সৈতে নতুন ডেছৰ বৈশিষ্ট্য আছে । ৰাইডাৰৰ এছিষ্ট অপৰিৱৰ্তিত হৈ আছে আৰু বাইকখনে ষ্টেণ্ডাৰ্ড হিচাপে চুইচেবল এবিএছ আৰু বাই-ডাইৰেকচনেল কুইকশ্বিফ্টাৰো লাভ কৰে । KTM-A 390 Duke ৰ পৰা হেডলেম্প চাৰউণ্ড ডি আৰ এল যোগ কৰি 250 Duke ৰ ভিজুৱেল আপডেট কৰিছে ।
অৱশ্যে 250 Duke ইন্ধনৰ টেংকৰ চাৰিওফালে থকা চিকচিকিয়া চাইড পেনেলবোৰ একেই আছে, আনহাতে ডাঙৰ পেনেলবোৰ 390 Duke ৰ বাবে একচেটিয়া । ইয়াৰ ইঞ্জিনত কোনো পৰিৱৰ্তন হোৱা নাই । বাইকখনে বৰ্তমানৰ 250 CC, লিকুইড-কুল্ড, এছঅ’এইচচি ইঞ্জিন লাভ কৰে, যিয়ে 30 বিএইচপি শক্তি আৰু 25 এনএম টৰ্ক উৎপন্ন কৰে ।
250 Duke ত একেটা নতুন প্ৰজন্মৰ ট্ৰেলিছ ফ্ৰেম আৰু কাষ্ট এলুমিনিয়াম চাবফ্ৰেম ব্যৱহাৰ কৰা হৈছে যিটো শেহতীয়া 390 Duke তো ব্যৱহাৰ কৰা হৈছিল । ইয়াত 15 লিটাৰৰ ইন্ধনৰ টেংক আছে আৰু ইয়াৰ ওজন 163 কিলোগ্ৰাম । সুখবৰটো হ’ল অ’তবোৰ বৈশিষ্ট্য সংযোগ কৰাৰ পাচতো দাম বাঢ়িছে মাত্ৰ কেইহাজাৰমান টকা । KTM 250 Duke ৰ মূল্য এতিয়া 2.41 লাখ টকা (এক্স শ্ব’ৰুম) ।
