নিউজ ডেস্ক, 21 ছেপ্টেম্বৰ: হেকাৰৰ কবলৰ পৰা সাৰি যাব পৰা নাই দেশৰ শীৰ্ষ ন্যায়ালয় পৰ্যন্ত । হেকাৰে উচ্চতম ন্যায়ালয়ৰ অফিচিয়েল ইউটিউব চেনেল হেক কৰা বুলি জানিব পৰা গৈছে । উচ্চতম ন্যায়ালয়ৰ অফিচিয়েল ইউটিউব চেনেলত দেখা গৈছে আমেৰিকান কোম্পানী ৰিপলৰ ভিডিঅ’ । ইয়াৰ উপৰিও ইয়াত ক্ৰিপ্টোকাৰেন্সীৰ সৈতে জড়িত কিছুমান ভিডিঅ’ও দেখিবলৈ পোৱা গৈছিল । সমান্তৰালভাৱে, চেনেলৰ ফটোও সলনি কৰি পেলাইছিল হেকাৰে ।
সেৱা পুনৰ আৰম্ভ
শুকুৰবাৰে হেক কৰা উচ্চতম ন্যায়ালয়ৰ ইউটিউব চেনেলৰ সেৱা পুনৰ আৰম্ভ হৈছে ।
শুকুৰবাৰে উচ্চতম ন্যায়ালয়ৰ ৱেবছাইটত আপলোড কৰা এক জাননীযোগে কোৱা হৈছে যে, "এইটো সংশ্লিষ্ট সকলোকে জনোৱা হৈছে যে ভাৰতৰ উচ্চতম ন্যায়ালয়ৰ ইউটিউব চেনেলটো পুনৰ সক্ৰিয় কৰা হৈছে । ভাৰতৰ উচ্চতম ন্যায়ালয়ৰ ইউটিউব চেনেলত সেৱা পুনৰ আৰম্ভ কৰা হৈছে ।"
Supreme Court of India's YouTube channel appears to be hacked and is currently showing videos of US-based company Ripple. pic.twitter.com/zuIMQ5GTFZ
— ANI (@ANI) September 20, 2024
উচ্চতম ন্যায়ালয়ৰ ইউটিউব চেনেল জনসাধাৰণৰ বাবে
উচ্চতম ন্যায়ালয়ৰ অফিচিয়েল ইউটিউব চেনেল জনসাধাৰণৰ বাবে মুকলি কৰা হৈছে । গুৰুত্বপূৰ্ণ গোচৰৰ শুনানিৰ সময়ত ইউটিউবত লাইভ টেলিকাষ্ট কৰা হয় । যাৰ দ্বাৰা জনসাধাৰণে ঘৰতে বহি মোবাইলৰ জৰিয়তে গোচৰৰ শুনানি চাব পাৰে ।
Following the hacking of Supreme Court's YouTube channel, the channel has been taken down.
— ANI (@ANI) September 20, 2024
“This is to inform all concerned that the YouTube channel of Supreme Court of India has been taken down. The services on YouTube channel of Supreme Court of India will be resumed shortly,”… https://t.co/4E77cuuyIX pic.twitter.com/WPIsrrtcqG
উচ্চতম ন্যায়ালয়ৰ ইউটিউব চেনেলত ক্ৰিপ্টোকাৰেন্সীৰ ভিডিঅ'
ছ’চিয়েল মিডিয়া ব্যৱহাৰকাৰীয়ে শুকুৰবাৰে ভাৰতৰ উচ্চতম ন্যায়ালয়ৰ ইউটিউব চেনেলটো খোচোৰে কিছু পুৰণি গোচৰৰ শুনানি চাবলৈ । কিন্তু ইউটিউবত পূৰ্বে আপলোড কৰা ভিডিঅ’বোৰ লোকজনে চাব পৰা নাছিল । হোমপেজত আমেৰিকাৰ কোম্পানী ৰিপলৰ ভিডিঅ’ লাইভ ষ্ট্ৰীমিং হৈ আছিল । চেনেলটোৰ ফটোখনো উচ্চতম ন্যায়ালয়ৰ সলনি উক্ত কোম্পানীটোৰেই আছিল । শেহতীয়াকৈ কলকাতাৰ আৰ জি কৰ হাস্পতালত মহিলা চিকিৎসকৰ সৈতে অসৎ ব্যৱহাৰ আৰু হত্যাকাণ্ডৰ সৈতে জড়িত গোচৰৰ শুনানি এই চেনেলটোত প্ৰচাৰ কৰা হৈছিল ।
উল্লেখ কৰা প্ৰয়োজন যে, বহু বিখ্যাত, বিশিষ্ট ব্যক্তি আৰু ৰাজনীতিবিদৰ ছ’চিয়েল মিডিয়া হেকাৰে হেক কৰাৰ খবৰ সময়ে-সময়ে পোহৰলৈ আহে । কিন্তু এইবাৰ প্ৰথমবাৰৰ বাবে উচ্চতম ন্যায়ালয়ৰ ইউটিউব চেনেল হেক কৰা হৈছিল । যিটো সঁচাকৈয়ে এক চিন্তাৰ বিষয় ৷
