হায়দৰাবাদ: কিছুদিন পূৰ্বে চীনৰ মোবাইল নিৰ্মাতা কোম্পানী হুৱেইয়ে প্ৰথমটো ট্ৰাই-ফল্ড স্মাৰ্টফোন মুকলি কৰিছিল । শেহতীয়াকৈ তথ্য প্ৰকাশ পাইছে যে ছেমছাঙে এটা ট্ৰাই ফল্ড ফোন নিৰ্মাণৰ বাবেও কাম কৰি আছে, যিটো অহা বছৰ মুকলি কৰিব বুলি জানিব পৰা গৈছে । উল্লেখ কৰা প্ৰয়োজন যে Huawei য়ে চীনত নিজৰ Mate XT Ultimate Edition ৰ মূল্য 19,999 CNY (প্ৰায় 2,37,000 টকা) নিৰ্ধাৰণ কৰিছে ।
এতিয়া দক্ষিণ কোৰিয়াৰ কোম্পানী ছেমছাঙে নিজৰ প্ৰতিদ্বন্দ্বী Huaweiতকৈ আগুৱাই যাবলৈ শীঘ্ৰে এই ফোনটো মুকলি কৰিব লাগিব । ছেমছাঙৰ উপৰিও Xiaomi, Honor আৰু Oppoৰ দৰে আন স্মাৰ্টফোন নিৰ্মাতা কোম্পানীসমূহেও তেওঁলোকৰ ট্ৰাই ফ’ল্ড ডিছপ্লে স্মাৰ্টফোনৰ কাম কৰি আছে ।
জেডডিনেট কোৰিয়াই উদ্যোগৰ সূত্ৰৰ উদ্ধৃতি দি (কোৰিয়ান ভাষাত) ৰিপৰ্ট কৰিছে যে ছেমছাং ইলেক্ট্ৰনিক্সে এণ্ট্ৰি লেভেল ক্লেমশ্বেল ষ্টাইলৰ ফোল্ডেবল ফোনটোৰ লগতে ট্ৰাই-ফল্ড মডেলৰ কাম কৰি আছে । ইয়াৰ স্ক্ৰীণখন দুবাৰ ভাঁজ কৰিব পাৰি । এই দুয়োটা ফোন 2025 চনত কোম্পানীটোৱে মুকলি কৰিবলৈ সক্ষম হ’ব ।
প্ৰকাশনটোত এটা সূত্ৰৰ উদ্ধৃতি দি দাবী কৰা হৈছে যে ট্ৰাই-ফল্ড মডেলৰ উপাদানসমূহৰ বাণিজ্যিকীকৰণৰ পৰিকল্পনা আৰু বিকাশ ইতিমধ্যে ছেমছাং ডিছপ্লেৰ অংশীদাৰসকলে সম্পূৰ্ণ কৰিছে । অৱশ্যে এই স্মাৰ্টফোনটো মুকলি কৰাৰ সিদ্ধান্ত ছেমছাং ইলেক্ট্ৰনিকছৰ এমএক্স বিভাগৰ মুৰব্বীৰ ওপৰত নিৰ্ভৰশীল ।
এই প্ৰতিবেদন অনুসৰি, চলিত বৰ্ষৰ আৰম্ভণিতে কোম্পানীটোৱে মুকলি কৰা গেলাক্সি জেড ফ্লিপ 6 আৰু গেলাক্সি জেড ফল্ড 6 মডেলৰ চাহিদা আশা কৰাতকৈ কম হোৱাৰ বাবে ফোল্ডেবল ফোনত ব্যৱহৃত অ’এলইডি ডিছপ্লেৰ অৰ্ডাৰ বছৰৰ পিছত বছৰ ধৰি 10 শতাংশ হ্ৰাস পাইছে ।
ট্ৰাই ফ’ল্ড স্মাৰ্টফোন মুকলি কৰাৰ পৰিকল্পনা কৰা বুলি ছেমছাঙে প্ৰথমবাৰৰ বাবে নহয় । 2023 চনৰ মাৰ্চ মাহত এজন টিপষ্টাৰে দাবী কৰিছিল যে ছেমছাঙে গেলাক্সি S 23 FE উন্মোচন কৰাৰ পৰিকল্পনা কৰা নাই - সেই ফোনটো অৱশেষত 2023 চনৰ অক্টোবৰ মাহত মুকলি কৰা হৈছিল - আৰু ইয়াৰ পৰিৱৰ্তে ট্ৰিপল ফল্ডিং ডিছপ্লেৰ সৈতে এটা স্মাৰ্টফোন প্ৰৱৰ্তন কৰিব । এই স্মাৰ্টফোনটো অৱশেষত 2025 চনত মুকলি হ’ব পাৰে ।
