হায়দৰাবাদ: শেহতীয়াকৈ ছেমছাঙে মুকলি কৰিছে নিজৰ নতুন ফ্লেগশ্বিপ ছিৰিজ, যাৰ নাম ছেমছাং গেলাক্সি এছ 25 ছিৰিজ । এই ফোন ছিৰিজত কোম্পানীটোৱে তিনিটা ফোন মুকলি কৰিছিল - গেলাক্সি এছ 25, গেলাক্সি এছ 25 প্লাছ আৰু গেলাক্সি এছ 25 আল্ট্ৰা । কোম্পানীটোৰ গেলাক্সি আনপেকড 2025 ইভেণ্টত এই তিনিটা ফ্লেগশ্বিপ ফোন মুকলি কৰাৰ উপৰিও ছেমছাঙে এটা নতুন ফোনও ঘোষণা কৰে, যাৰ নাম ছেমছাং গেলেক্সি এছ 25 Edge । এতিয়া এই ফোনটো Geekbench ডাটাবেছ ৱেবছাইটত দেখা গৈছে ।
ছেমছাং গেলেক্সি এছ 25 Edge ৰ ইউৰোপীয় সংস্কৰণটো গীকবেঞ্চৰ ৱেবছাইটত মডেল নম্বৰ SM-S937B ৰ সৈতে দেখা গৈছে, যাৰ জৰিয়তে আমি এই ফোনটোৰ বিষয়ে কিছু বিশেষ তথ্য লাভ কৰিছো । Geekbench ৰ তালিকা অনুসৰি, মডেল নম্বৰ SM-S937B ৰ এই আগন্তুক Samsung ফোনটোৱে প্ৰচেছৰৰ বাবে Snapdragon 8 Elite চিপছেট ব্যৱহাৰ কৰিব পাৰিব ।
ছেমছাং গেলেক্সি এছ 25 Edge ৰ চিপছেট
যদিও এই তালিকাত চিপটোৰ নাম লিখা আছে, কিন্তু চিপিইউ আৰু জিপিইউৰ বিৱৰণে কোম্পানীয়ে কোনটো চিপছেটৰ সৈতে এই ফোনটো লঞ্চ কৰিব পাৰে তাৰ ধাৰণা দিয়ে । আচলতে এই চিপছেটটো 4.47GHz ত ক্লক কৰা দুটা প্ৰাইম চিপিইউ কোৰৰ সৈতে আহিব । একে সময়তে 6 টা পাৰফৰমেন্স কোৰ 3.53 গিগাহাৰ্টজ ঘড়ীত চলিব । কোম্পানীটোৱে নিজৰ শেহতীয়া ফোন Galaxy S25 Ultra ৰ বাবেও একেটা কম্বিনেচন চিপছেট ব্যৱহাৰ কৰিছিল । এই কাৰণেই আমি অনুভৱ কৰো যে কোম্পানীয়ে গেলাক্সি এছ 25 Edge ত স্নেপড্ৰেগন 8 এলিট চিপছেটও দিব পাৰে ।
ই একক কোৰ টেষ্টত 2806 আৰু মাল্টি কোৰ টেষ্টত 8416 নম্বৰ লাভ কৰে । ইয়াৰ উপৰিও Geekbench ৰ লিষ্টিঙে নিশ্চিত কৰিছে যে Samsung Galaxy S25 Edge ফোনটো Android 15 ৰ ওপৰত ভিত্তি কৰি One UI 7.0 অপাৰেটিং চিষ্টেমৰ সৈতে আহিব পাৰে । ফোনটো 12GB ৰেম সমৰ্থনৰ সৈতে আহিব বুলি আশা কৰা হৈছে ।
ছেমছাং গেলেক্সি এছ 25 Edge ৰ সম্ভাৱ্য স্পেচিফিকেশন
এই ফোনটোৰ সম্ভাৱ্য স্পেচিফিকেশনৰ বিষয়ে ক’বলৈ গ’লে, খবৰ অনুসৰি ইয়াত 6.7 ইঞ্চিৰ S-AMOLED LTPO স্ক্ৰীণ থাকিব বুলি আশা কৰা হৈছে, যাৰ ৰিফ্ৰেছ ৰেট হ’ব 120 হাৰ্টজ। এই ফোনটোৰ শীৰ্ষ উজ্জ্বলতা 2600 নিট হ’ব বুলি আশা কৰা হৈছে । ইয়াৰ উপৰিও ফোনটোত 3900mAh বেটাৰী দিব পাৰি, যিটো 25W ফাষ্ট চাৰ্জিং সমৰ্থনৰ সৈতে আহিব পাৰে । ফোনটোত 12GB ৰেমৰ সৈতে 512GB ইণ্টাৰনেল ষ্ট’ৰেজ থাকিব বুলি আশা কৰা হৈছে ।
ছেমছাং গেলেক্সি A25 আল্ট্ৰাৰ দৰেই এই ফোনটোৰ পিছফালেও ছেমছাঙৰ 200MP এইচপি2 প্ৰাইমেৰী কেমেৰা চেন্সৰ থাকিব পাৰে, যিটো 12 MP আল্ট্ৰাৱাইড এংগেল লেন্সৰ সৈতে আহিব পাৰে । অৱশ্যে এই ফোনটোৰ আটাইতকৈ বিশেষ কথাটো হ’ল ই হ’ব আটাইতকৈ পাতল ফোন । ফাদিল হোৱা তথ্য অনুসৰি এইটো ছেমছাঙৰ অতি পাতল স্মাৰ্টফোন হ’ব আৰু ইয়াৰ গাঢ়তা হ’ব মাত্ৰ 5.84 মিমি ।
লগতে পঢ়ক
