হায়দৰাবাদ: ভাৰতত যিকোনো বাহন চলাবলৈ প্ৰয়োজন বীমাৰ । যান-বাহনৰ বীমা অবিহনে গাড়ী চলালে আৰক্ষীয়ে জৰিমনা বিহে ৷ অৱশ্যে বীমা নোহোৱাকৈ গাড়ী চলোৱাটো আপোনাৰ বাবেও ক্ষতিকাৰক । কাৰণ যদি আপোনাৰ বাহন কোনো কাৰণত দুৰ্ঘটনাত পতিত হয়, তেন্তে মেৰামতিৰ বাবে বা ক্ষতিপূৰণ হিচাপে আপুনি কোনো ধৰণৰ ধন লাভ নকৰে ।
কিন্তু যদি আপোনাৰ বাহনখনৰ বীমা আছে, তেন্তে আপুনি বীমা কোম্পানীটোৰ পৰা প্ৰয়োজনীয় ধন লাভ কৰিব পাৰে ৷ যিয়ে আপোনাক অলপ হ’লেও সকাহ প্ৰদান কৰিব । অৱশ্যে বহু সময়ত মানুহৰ বাহনখনৰ বীমা থাকে, কিন্তু সেয়া আদায় কৰাৰ ক্ষেত্ৰত বহু সমস্যাৰ সন্মুখীন হয় । ইয়াত আমি আপোনাক জনাম যে আপুনি কেনেকৈ দুৰ্ঘটনাৰ পিছত আপোনাৰ বাহনৰ বীমা দাবী কৰিব পাৰে ।
প্ৰথম স্তৰ: দুৰ্ঘটনাৰ পিছত আপুনি আপোনাৰ বীমা প্ৰদানকাৰীৰ সৈতে যোগাযোগ কৰিব লাগে । আপুনি সদায় আপোনাৰ বীমা প্ৰদানকাৰীৰ যোগাযোগৰ তথ্য আপোনাৰ লগত ৰখা উচিত । দুৰ্ঘটনা হ’লে প্ৰথমে আপোনাৰ বীমা প্ৰদানকাৰীক ফোন কৰি দুৰ্ঘটনাৰ বিষয়ে সম্পূৰ্ণ তথ্য দিয়া উচিত । দাবী নিষ্পত্তি কৰাৰ সময়ত কোম্পানীটোৰ সুবিধা নিশ্চিত কৰিবলৈ আপুনি কোনো তথ্য লুকুৱাব নালাগে ।
দ্বিতীয় স্তৰ: ইয়াৰ পিছত সমীপৰ থানাত FIR পঞ্জীয়ন কৰিব লাগে । যদি কোনো তৃতীয় পক্ষৰ চুৰি বা ক্ষতি হয়, তেন্তে FIR অতি গুৰুত্বপূৰ্ণ । দুৰ্ঘটনা সংঘটিত হ’লে সমীপৰ থানাত এফআইআৰ পঞ্জীয়ন কৰিব লাগে । এফআইআৰৰ প্ৰতিলিপি আপোনাৰ লগত ৰাখিব লাগে । মন কৰিবলগীয়া যে যদি আপোনাৰ দুৰ্ঘটনাত তেনে কোনো আইনী সমস্যা নাই, তেন্তে এফআইআৰ পঞ্জীয়ন কৰাটো প্ৰয়োজনীয় নহয় ।
তৃতীয় স্তৰ: দুৰ্ঘটনাস্থলীৰ ফটো তুলি বীমা কোম্পানীক দেখুৱাব লাগে । ফটো আৰু ভিডিঅ’ই দুৰ্ঘটনাৰ প্ৰমাণ হিচাপে কাম কৰে । কভাৰেজ দাবী কৰাৰ সময়ত আপোনাৰ বীমা প্ৰদানকাৰীক পৰিস্থিতিৰ বিষয়ে বুজাবলৈও এইবোৰ উপযোগী ।
চতুৰ্থ স্তৰ: ইয়াৰ পিছত বীমা দাবী প্ৰক্ৰিয়া আৰম্ভ কৰক । ইয়াৰ বাবে আপুনি আপোনাৰ বাইক বীমা প্ৰদানকাৰীৰ অফিচিয়েল ৱেবছাইটত গৈ দাবী প্ৰক্ৰিয়া আৰম্ভ কৰিব পাৰে । ইয়াত দাবী পেজত গৈ পঞ্জীয়নভুক্ত মোবাইল নম্বৰেৰে লগ ইন কৰক । গাড়ী বা বাইক বিকল্পত ক্লিক কৰক আৰু প্ৰয়োজন অনুসৰি নথি-পত্ৰ আপলোড কৰক । ইয়াৰ ভিতৰত আপোনাৰ বীমা পলিচিৰ সবিশেষ তথ্য, ড্ৰাইভিং লাইচেন্স, এফ আই আৰৰ কপি, আপোনাৰ বাহনৰ পঞ্জীয়ন প্ৰমাণপত্ৰ ইত্যাদি । শেষত দাবী প্ৰ-পত্ৰ পূৰণ কৰি নথি-পত্ৰৰ সৈতে জমা দিব ।
পঞ্চম স্তৰ: ইয়াৰ পিছত কৰ্তৃপক্ষৰ সদস্যক জৰীপৰ বাবে অনুৰোধ কৰক । আমি আপোনালোকক জনাওঁ যে বেছিভাগ বাহনৰ বীমা কৰ্তৃপক্ষৰ সদস্যই দুৰ্ঘটনাস্থলীৰ জৰীপ আৰু কৰা দাবীৰ সত্যতা পৰীক্ষা কৰিবলৈ প্ৰদান কৰে । মন কৰিবলগীয়া যে বীমা কোম্পানীৰ পলিচিৰ ওপৰত নিৰ্ভৰ কৰি এই কাম সম্পূৰ্ণ হ’বলৈ কিছু সময় লাগিব পাৰে ।
ষষ্ঠ স্তৰ: এবাৰ আপোনাৰ বীমা কোম্পানীটোৰ পৰা অনুমোদন পালে আপুনি আপোনাৰ বাহনখন মেৰামতি কৰিব পাৰিব । আপুনি কেছলেছ ক্লেইম বাছি ল’ব পাৰে আৰু আপোনাৰ বীমা কোম্পানীয়ে প্ৰমাণিত যিকোনো গেৰেজ নেটৱৰ্ক বাছি ল’ব পাৰে আৰু তাত মেৰামতিৰ কাম কৰিব পাৰে ।
বি:দ্ৰ: দুৰ্ঘটনাৰ 24 ঘণ্টাৰ ভিতৰত বীমা কোম্পানীক অৱগত কৰিব লাগিব । অপ্ৰয়োজনীয় পলমৰ ফলত আপোনাৰ দাবী নাকচ হ’ব পাৰে । আপোনাৰ বাহন আৰু বীমা পৰিকল্পনাৰ সৈতে জড়িত সকলো নথি-পত্ৰৰ চফ্ট কপি লগত ৰাখক ।
