নেশ্যনেল ডেস্ক, 23 আগষ্ট: বহুকেইখন দেশ জড়িত হৈ থকাৰ বাবে JUICE মিচনক উল্লেখযোগ্য বুলি ঘোষণা কৰিলে ভাৰতীয় বিজ্ঞানী মাইলস্বামী আন্নাদুৰাই এ ৷
বিজ্ঞানী মাইলস্বামী আন্নাদুৰাই ETV Bharat ৰ আগত কয়, "JUICE ৰ দৰে মিচন উল্লেখযোগ্য কাৰণ ইয়াৰ সৈতে 13 খনতকৈ অধিক ইউৰোপীয়ান দেশ জড়িত হৈ আছে আৰু আমেৰিকাও ইয়াৰ অংশ ৷ ভাৰতৰ বাহিৰে বহুলোক এই মিছনৰ সৈতে জড়িত ৷ এয়া চন্দ্ৰয়ান 1 ৰ দৰে, য’ত আমেৰিকা, ফান্স, বুলগেৰিয়া, জাপানৰ লগতে ইটালীৰ দৰে দেশো উক্ত অভিযানৰ অংশ আছিল ৷ গতিকে যথেষ্টসংখ্যক লোকেই এই অভিযানত অংশীদাৰিত্ব আগবঢ়াইছিল আৰু একেই অংশীদাৰিত্ব দেখিবলৈ পোৱা গৈছে "JUICE ৰ ক্ষেত্ৰত ৷ এই স্কেলডাল যথেষ্ট বেলেগ ৷ ফ্লাই বাই মিছনৰ সম্ভাৱনা এইক্ষেত্ৰত দেখিবলৈ পোৱা গৈছে ৷ আমি কেনেকৈ সমগ্ৰ সৌৰজগতৰ মাজেৰে যাব পাৰো - বিভিন্ন গ্ৰহ ব্যৱস্থাৰ মাধ্যাকৰ্ষণ শক্তি ব্যৱহাৰ কৰি ।"
মিলস্বামী আন্নাডুৰাই এ JUICE মিছনে মহাকাশৰ ক্ষেত্ৰত আন্তঃৰাষ্ট্ৰীয় সহযোগিতাই মূল বুলি উল্লেখ কৰি কয়, "আজি এনে এক অভিযান বাস্তৱত পৰিণত হৈছে য'ত বৃহস্পতিৰ চন্দ্ৰ আৰু প্ৰায় 15 খন দেশলৈ গৈ উপগ্ৰহটো নিৰ্মাণ কৰি উৎক্ষেপণ কৰা আৰু সঠিক পথ আৰু যন্ত্ৰপাতিবোৰে কাম কৰাটো নিশ্চিত কৰা সম্ভৱ হৈছে ৷ ন ন বিজ্ঞান আহি আছে । এইক্ষেত্ৰত আন্তঃৰাষ্ট্ৰীয় সহযোগিতা হৈছে প্ৰকৃত সফলতা লাভৰ মূল শব্দ ৷"
তেওঁ লগতে বিশ্বাস কৰে যে ভাৰত মিছনৰ অংশ হ’ব কাৰণ ভাৰতে সমগ্ৰ মানৱ জাতিৰ বাবে স্থান হ’ব লাগে বুলি পোষকতা কৰে ।
" ‘ভাৰতৰ চন্দ্ৰ মানৱ’ হিচাপে পৰিচিত আন্নাদুৰাইয়ে লগতে কয়, " মহাকাশ সমাজৰ প্ৰয়োজনীয়তাৰ বাহিৰেও ইছৰ'ই বিশ্বাস কৰে যে আমি হয় সম্পদৰ দৃষ্টিকোণৰ পৰা নহয় দীৰ্ঘম্যাদীভাৱে মানৱ উপনিৱেশৰ সম্ভাৱনা দিশেৰে এটা বিকল্প গ্ৰহ ব্যৱস্থা বিচাৰি উলিওৱাটো প্ৰয়োজনীয় । গতিকে আমি অন্বেষণ কৰিব লাগিব ।"
ইউৰোপীয় মহাকাশ সংস্থা আইচি মুনছ এক্সপ্ল’ৰাৰ JUICE-এ ৰিম’ট চেন্সিং, জিঅ’ফিজিকেল আৰু ইন চিটু যন্ত্ৰৰ এটা চুইটৰ সৈতে বিশাল গেছ গ্ৰহটো আৰু ইয়াৰ তিনিটা বৃহৎ সাগৰীয় চন্দ্ৰ - গেনিমিড, কেলিষ্টো আৰু ইউৰোপাৰ বিশদ পৰ্যবেক্ষণ কৰিব । এই অভিযানত এই চন্দ্ৰসমূহক গ্ৰহৰ বস্তু আৰু সম্ভাৱ্য বাসস্থান দুয়োটা হিচাপে বৈশিষ্ট্যযুক্ত কৰা হ’ব, বৃহস্পতিৰ জটিল পৰিৱেশ গভীৰভাৱে অন্বেষণ কৰা হ’ব আৰু সমগ্ৰ বিশ্বব্ৰহ্মাণ্ডৰ গেছ দৈত্যৰ বাবে এক আৰ্কিটাইপ হিচাপে বহল বৃহস্পতি ব্যৱস্থা অধ্যয়ন কৰা হ’ব । 2023 চনৰ 14 এপ্ৰিলত ফ্ৰেন্স গিয়ানাৰ ইউৰোপৰ মহাকাশ বন্দৰৰ পৰা এই মিছনটো উৎক্ষেপণ কৰা হৈছিল ।
