হায়দৰাবাদ: মোবাইল ডাটা ট্ৰেফিকত জিঅ' পৰিগণিত হৈছে বিশ্বৰ আগশাৰীৰ নেটৱৰ্ক হিচাপে ৷ জিঅ’ই একেৰাহে তৃতীয় ত্ৰৈমাসিকৰ বাবে মোবাইল ডাটা ট্ৰেফিকত বিশ্বৰ প্ৰতিদ্বন্দ্বীক পিচ পেলাবলৈ সক্ষম হৈছে । পৰামৰ্শ আৰু গৱেষণা কোম্পানী টেফিচিয়ানে নিজৰ এক্স একাউণ্টত এই সন্দৰ্ভত তথ্য শ্বেয়াৰ কৰিছে ৷ পোষ্টটোত উল্লেখ কৰা হৈছে যে এয়াৰটেল, ভিআই, চাইনা ইউনিকম আৰু চাইনা মোবাইলৰ দৰে আগশাৰীৰ অপাৰেটৰৰ মোবাইল ডাটা ট্ৰেফিক বিশ্লেষণ কৰিছিল টেফিচিয়ানে ।
টেফিচিয়ানে প্ৰদান কৰা পৰিসংখ্যা অনুসৰি এই তালিকাৰ শীৰ্ষস্থান দখল কৰিছে ৰিলায়েঞ্স জিঅ’ই । ইয়াৰ পিছতে আছে চীনা মোবাইল নেটৱৰ্ক । ৰেংকিং কৰা আন অপাৰেটৰসমূহ হ’ল ক্ৰমে চাইনা টেলিকম, এয়াৰটেল, চাইনা টেলিকম আৰু VI ।
.@reliancejio remains the world leader in mobile data traffic for the third consecutive quarter. China Mobile with just 2% YoY growth - where Jio and China Telecom had 24% and Airtel 23%. What's happening at China Mobile? pic.twitter.com/OUjtQnM7cr
— Tefficient 🚥 (@tefficient) October 29, 2024
গ্ৰাফত দেখা গৈছে যে চীন ম’বাইলৰ বৃদ্ধি মাত্ৰ 2 শতাংশ । ইফালে জিঅ’ আৰু চাইনা টেলিকমৰ 24 শতাংশ আৰু এয়াৰটেলৰ 23 শতাংশ বৃদ্ধি পাইছে । পৰিসংখ্যাই ইংগিত দিয়ে যে চীনৰ বজাৰত মোবাইল অপাৰেটৰসকলে যোৱা বছৰৰ তুলনাত মাত্ৰ সামান্য বৃদ্ধিহে দেখিছে । এই বাবেই জিঅ'ই এক নম্বৰ স্থানত উপনীত হৈছে ।
Jio ই 5G সেৱা মুকলিৰ দুবছৰৰ ভিতৰতে লাভ কৰিছে 14.8 কোটি গ্ৰাহক । চীনৰ পিছতে বিশ্বৰ সৰ্ববৃহৎ 5G অপাৰেটৰ হিচাপে পৰিগণিত হৈছে জিঅ’ । প্ৰতিবেদন অনুসৰি জিঅ’ৰ প্ৰতিজন ব্যৱহাৰকাৰীয়ে প্ৰতিমাহে 31 GB ডাটা ব্যৱহাৰ কৰে ।
জিঅ’ই কয় যে গ্ৰাহকৰ সংখ্যা আৰু বৃদ্ধি পাব । সেয়েহে জিঅ’ই প্ৰতিযোগীসকলক অতিক্ৰম কৰি বিশ্বব্যাপী মোবাইল ট্ৰেফিকত এক নম্বৰ স্থান অক্ষুণ্ণ ৰাখিব পাৰিব বুলি টেফিচিয়ানে প্ৰকাশ কৰিছে ।
