হায়দৰাবাদ: ইছৰোৱে শীঘ্ৰেই আৰম্ভ কৰিব আন এক অভিযান । ইছৰোৱে অহা 30 ডিচেম্বৰত শ্ৰীহৰিকোটাৰ সতীশ ধাৱন মহাকাশ কেন্দ্ৰৰ পৰা ভাৰতৰ ‘স্পেডেক্স’ অভিযান আৰম্ভ কৰিব ।
এই অভিযানৰ অধীনত PSLV-C60 ৰকেটৰ পৰা একেলগে দুখন সৰু মহাকাশযান উৎক্ষেপণ কৰা হ’ব । এই মহাকাশযানসমূহে একেলগে কক্ষপথলৈ গৈ ডকিং প্ৰক্ৰিয়া সম্পন্ন কৰিব । দুয়োখন মহাকাশযানৰ ওজন প্ৰায় 220 কিলোগ্ৰাম । অভিযানৰ সফলতাৰ বাবে মহাকাশত ডকিং প্ৰযুক্তি অতি প্ৰয়োজনীয় । এই অভিযান সফল হ’লে আমেৰিকা, ৰাছিয়া আৰু চীনৰ পিছতে ভাৰত বিশ্বৰ চতুৰ্থখন দেশ হিচাপে পৰিগণিত হ’ব য’ত মহাকাশ ‘ডকিং’ প্ৰযুক্তিৰ সামৰ্থ্য আছে।
🚀 Enjoy the fast time-lapse video!
— ISRO (@isro) December 23, 2024
PSLV-C60, fully integrated up to PS4 at the PIF facility for the first time, was moved to the MST at the First Launch Pad—over 3 hours captured in just a few seconds. 🛰️#ISRO #PSLVC60 #SPADEX pic.twitter.com/eaje72wFDD
PS4 ৰ সৈতে PIF ৰ সুবিধা
21 ডিচেম্বৰত এই উৎক্ষেপিত বাহনখন সম্পূৰ্ণৰূপে একত্ৰিত কৰা হৈছিল । প্ৰথম উৎক্ষেপিত পেডত ইয়াক এটা ঠাইৰ পৰা আন এটা ঠাইলৈ স্থানান্তৰ কৰা হৈছিল বুলি সোমবাৰে ইছৰোৱে জনায় । PS4 ৰ সৈতে PIF ৰ সুবিধাত এই প্ৰক্ৰিয়াটো প্ৰথমবাৰৰ বাবে কৰা হৈছে । ইছৰোৱে এই প্ৰক্ৰিয়াৰ এটা ভিডিঅ’ও নিজৰ X একাউণ্টত শ্বেয়াৰ কৰে । স্পেডেক্স অভিযানত দুখন সৰু মহাকাশযান জড়িত হ’ব, যিবোৰক 55 ডিগ্ৰী হেলনীয়া কৰি 470 কিলোমিটাৰ দৈৰ্ঘৰ বৃত্তাকাৰ কক্ষপথত উৎক্ষেপণ কৰা হ’ব ।
ঐতিহাসিক মুহূৰ্তটো চাবলৈ মানুহক আমন্ত্ৰণ
ইছৰোই এই ঐতিহাসিক মুহূৰ্তটো চাবলৈ আমন্ত্ৰণ জনাইছে । ইছৰোৰ লঞ্চ ভিউ গেলেৰীত গৈ মানুহে ইয়াক লাইভ চাব পাৰিব । ইয়াৰ বাবে সোমবাৰৰ সন্ধিয়া 6 বজাৰ পৰা আৰম্ভ হৈছে পঞ্জীয়ন প্ৰক্ৰিয়া । ইয়াৰ বিষয়ে তথ্য ইছৰোৰ ৱেবছাইটত উপলব্ধ । এই উৎক্ষেপণৰ জৰিয়তে ভাৰতীয় মহাকাশ কাৰ্যসূচীৰ কাৰিকৰী সামৰ্থ বৃদ্ধি, যুৱ বিজ্ঞানী আৰু জনসাধাৰণৰ মাজত মহাকাশৰ প্ৰতি আগ্ৰহ জগাই তোলাৰ প্ৰয়াস চলোৱা হৈছে । ইছৰোই নিজৰ X একাউণ্টত PSLV-C60 ৰকেটটো পেডলৈ নিয়াৰ ভিডিঅ’ শ্বেয়াৰ কৰিছে ।
🛰 PSLV-C60/SPADEX Mission Update 🛰
— ISRO (@isro) December 23, 2024
🚀 Launch scheduled on 30th December 2024, 21:58 IST from SDSC SHAR, Sriharikota.
👀 Witness the launch live at the Launch View Gallery!
🔗 Register here: https://t.co/J9jd8ylRcC
Registration starts: 23rd December 2024, 18:00 IST.#ISRO… pic.twitter.com/s05CHZCzrL
ডকিং প্ৰযুক্তি কি?
মহাকাশত এখন মহাকাশযান ‘ডক’ আৰু ‘আনডক’ কৰাৰ ক্ষমতা প্ৰদৰ্শন কৰাটোৱেই এই অভিযান । ডকিং হৈছে এখন মহাকাশযানৰ সৈতে আন এখন যান সংযোগ কৰা প্ৰক্ৰিয়া আৰু আনডকিং হৈছে মহাকাশত সংযুক্ত দুখন মহাকাশযান পৃথক কৰা প্ৰক্ৰিয়া । চন্দ্ৰপৃষ্ঠৰ নমুনা সংগ্ৰহ, ভাৰতীয় মহাকাশ কেন্দ্ৰ (ISS) নিৰ্মাণ আদি ভাৰতৰ অভিলাষী অভিযানৰ বাবে এই প্ৰযুক্তি অতি গুৰুত্বপূৰ্ণ ।
