নগাঁও, 18 মে’ : নিৰ্বাচন আহিলেই মনোনয়ন দাখিল কৰি দেহৰক্ষী লৈ কেইদিনমানৰ বাবে ভি ভি আই পি হৈ পৰা এগৰাকী প্ৰাৰ্থী । নাম আবু শ্বামা । নগাঁও জিলাৰ জুৰীয়াৰ মাহেৰীপাৰত ঘৰ এইজন আবু শ্বামাৰ । এইবাৰো নগাঁও লোকসভা সমষ্টিৰ নিৰ্দলীয় প্ৰাৰ্থী এইজন আবু শ্বামা ৷ শেহতীয়াকৈ তেওঁৰ কেইবাটাও অশ্লীল ভিডিঅ’ বিভিন্ন মাধ্যমত ভাইৰেল হৈ পৰাৰ পাচতেই এতিয়া লাগিছে তোলপাৰ । ভাইৰেল হৈছে লোকসভা সমষ্টিৰ নিৰ্দলীয় প্ৰাৰ্থী আবু শ্বামাৰ পৰস্ত্ৰীৰ সৈতে অন্তৰংগ মুহূৰ্তৰ অতি অশ্লীল ভিডিঅ’ ।
আচলতে নগাঁও লোকসভা সমষ্টিৰ এইগৰাকী নিৰ্দলীয় প্ৰাৰ্থী আবু শ্বামাৰ জুৰীয়া বজাৰত আছে এখন ফাৰ্মাচী । ফাৰ্মাচীখনৰ নাম জান মেডিকেল । এই জান মেডিকেলতেই চিকিৎসা কৰিবলৈ অহা মহিলাক জান বুলি মাতি অসৎ চৰিতাৰ্থ কৰাৰ অভিযোগ আছে শ্বামাৰ বিৰুদ্ধে । আনকি অন্য পুৰুষৰ সহ-ধৰ্মিনীক প্ৰেমৰ জালত পেলাই অসৎ কাৰ্যত লিপ্ত হোৱাৰো অভিযোগ উত্থাপন হৈছে এইজন আবু শ্বামাৰ বিৰুদ্ধে । কেৱল অভিযোগেই নহয়, মহিলাৰ সৈতে কু-কাৰ্যত লিপ্ত হৈ ভিডিঅ’ বনাই বুলিও জানিব পৰা গৈছে ৷ এতিয়া এই অশ্লীল ভিডিঅ’ পোহৰলৈ অহাৰ পাচত সকলোৱে ধিক্কাৰ-গৰিহণা দিছে সাংসদ প্ৰাৰ্থী আবু শ্বামাক ।
এগৰাকী ব্যৱসায়ীৰ পত্নীক প্ৰেমৰ জালত পেলাই অসৎ চৰিতাৰ্থ পূৰণ কৰা উপৰিও মহিলাগৰাকীক ব্লেকমেইলিং কৰি কেইবালক্ষাধিক টকাও আদায় কৰি নিয়াৰ অভিযোগ উত্থাপন হৈছে এইজন আবু শ্বামাৰ বিৰুদ্ধে । অনলাইন যোগে আবু শ্বামাক ধন দিয়াৰ তথ্যও ৰাজহুৱা কৰিছে মহিলাগৰাকীয়ে । চিকিৎসাৰ বাবে ফাৰ্মাচীলৈ যোৱা মহিলাৰ শ্লীলতা হানি কৰাৰ উপৰিও ব্লেকমেইলিং কৰি ধন আদায় কৰা সন্দৰ্ভত শুকুৰবাৰে বিয়লি মহিলাগৰাকীয়ে ন্যায় বিচাৰি নগাঁও জিলা আৰক্ষী অধীক্ষকৰ ওচৰত দাখিল কৰিছে এজাহাৰ ।
উল্লেখ্য যে, বিগত বিধানসভা নিৰ্বাচনৰ সময়তো পৰস্ত্ৰীৰ সৈতে অবৈধ সম্পৰ্কৰ প্ৰসংগৰে চৰ্চালৈ আহিছিল এইজন আবু শ্বামা । কেৱল এয়াই নহয়, বহু মহিলাৰ সৈতে অবৈধ সম্পৰ্ক কৰি অহাৰ অভিযোগ উত্থাপন কৰিছে স্থানীয় লোকে । শেহতীয়াকৈ এগৰাকী মহিলাই এজাহাৰ দাখিল কৰাৰ পাচত এতিয়া সাংসদ প্ৰাৰ্থী আবু শ্বামাক গ্ৰেপ্তাৰৰ দাবী জনাইছে বিভিন্ন মহলে ।
স্মৰ্তব্য যে, নিজকে ধোঁৱা তুলসীৰ পাত সজাবলৈ গৈ মহিলাৰ সৈতে অবৈধ সম্পৰ্ক কৰাৰ অভিযোগত অভিযুক্ত সাংসদ প্ৰাৰ্থী আবু শ্বামাই মহিলাগৰাকীৰ লগতে আন কেইবাগৰাকী মহিলাৰ বিৰুদ্ধে আৰক্ষী থানাত এজাহাৰ দাখিল কৰিছে । আনকি কু-কাৰ্য ফাদিল হোৱাৰ পাচত আবু শ্বামাৰ বিৰুদ্ধে বিহীত ব্যৱস্থা গ্ৰহণৰ দাবী উত্থাপন কৰা দল-সংগঠনৰ নেতাৰ বিৰুদ্ধেও এজাহাৰ দাখিল কৰিছে আবু শ্বামাই । যাক লৈ সমগ্ৰ জুৰীয়া অঞ্চলত সৃষ্টি হৈছে তীব্ৰ প্ৰতিক্ৰিয়াৰ ।
লগতে পঢ়ক : এয়াই প্ৰেম! প্ৰথমে বিবাহৰ ছলেৰে প্ৰেমিকাক পলুৱাই আনি হত্যা; পাচত থানাত আত্মসমপৰ্ণ - Man Kills Girlfriend
