নগাঁও, 14 ফেব্ৰুৱাৰী: কাজি নেমুক ৰাজ্যিক ফল ঘোষণা কৰিলে অসম চৰকাৰে । চৰকাৰৰ এই ঘোষণাই উৎসাহ যোগাব বুলি দাবী কৰিছে নগাঁও-মৰিগাঁও জিলাৰ সীমান্তৰ এগৰাকী কৃষকে । ৰাজ্যিক ফল ঘোষণা কৰা চৰকাৰে নেমু খেতিৰ সৈতে জড়িত খেতিয়কক চৰকাৰী সুবিধা প্ৰদানৰো দাবী জনাইছে কাজি নেমু খেতিৰে স্বাৱলম্বী হোৱা উচ্চ শিক্ষিত কৃষক ধনমণি শইকীয়াই ।
- " class="align-text-top noRightClick twitterSection" data="">
উল্লেখ্য যে কাজি নেমুক ৰাজ্যিক ফল ঘোষণা কৰিছে ৰাজ্যৰ কৃষিমন্ত্ৰী অতুল বৰাই । মঙলবাৰে সদনৰ মজিয়াত কাজি নেমুক ৰাজ্যিক ফল হিচাপে ঘোষণা কৰাৰ পিচতেই উৎফুল্লিত হৈ পৰিছে নেমু খেতিৰ সৈতে জড়িত কৃষক । ৰাজ্যৰ কৃষিমন্ত্ৰীৰ ঘোষণাৰ পিচত উৎফুল্লিত এগৰাকী নেমু খেতিয়কে প্ৰকাশ কৰিলে আক্ষেপো ।
নগাঁও-মৰিগাঁও জিলাৰ সীমান্তৰ জাজৰি মোলান কামোৰা গাঁৱৰ এগৰাকী উচ্চ শিক্ষিত লোক স্বাৱলম্বী হৈছে নেমু খেতিৰ জৰিয়তে । লোকজনৰ নাম ধনমণি শইকীয়া । মোলান কামোৰা গাঁৱৰ ধনমণি শইকীয়া ১৯৯৩ চনতে নগাঁও মহাবিদ্যালয়ৰ পৰা স্নাতক ডিগ্ৰী লাভ কৰাৰ পিছত ১৯৯৪ চনৰ পৰাই জড়িত হৈ পৰিছে নেমু খেতিৰ সৈতে ।
প্ৰথমে পৰীক্ষামূলকভাৱে এবিঘা ভূমিত নেমু খেতি আৰম্ভ কৰিছিল ধনমণি শইকীয়াই । বিগত ৩০ বছৰে কাজি নেমু খেতিৰেই স্বাৱলম্বী হৈছে এইগৰাকী ধনমণি শইকীয়া । বৰ্তমান দহ, বাৰ বিঘা ভূমিত নেমু খেতি কৰিছে ধনমণি শইকীয়াই । কেৱল কাজি নেমু খেতিৰেই বছৰি দুই লাখৰো অধিক টকা উপাৰ্জন কৰিবলৈ সক্ষম হৈছে ধনমণি শইকীয়া ।
চৰকাৰী চাকৰিৰ আশা এৰি নেমু খেতিত জড়িত হৈ এতিয়া পৰিয়াল পোহপাল দিবলৈ সক্ষম হৈছে ধনমণি শইকীয়া । সম্প্ৰতি চৰকাৰে কাজি নেমুক ৰাজ্যিক ফল ঘোষণা কৰাৰ পিচত ধনমণি শইকীয়াও উৎফুল্লিত হৈ পৰিছে যদিও আজি পৰ্যন্ত চৰকাৰৰ কোনো সাহাৰ্য্য লাভ নকৰাত কিছু আক্ষেপো প্ৰকাশ কৰিছে ধনমণি শইকীয়াই ।
উল্লেখ্য যে ধনমণি শইকীয়াই সম্পূৰ্ণ জৈৱিক সাৰ ব্যৱহাৰ কৰে নেমু খেতিত ৷
লগতে পঢ়ক: নেমুৰ বজাৰ সৃষ্টিৰ আহ্বান প্ৰগতিশীল কৃষক প্ৰভাকৰ পোণা ডেকাৰ
