ETV Bharat / state

চাকৰিটো ঘূৰাই দিয়ক; জুবিন গাৰ্গে নিজে হাতবাউল দি মাতিছিল মিলি প্ৰভাক ! ৰাইজৰ আহ্বান চৰকাৰক - Home Guard Suspended

Home Guard suspended hugging Zubeen Garg: মহিলা গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান চাবুৱাৰ ৰাইজৰ । জুবিন গাৰ্গে নিজে মহিলা জোৱানগৰাকীক হাতবাউল দি মঞ্চলৈ আমন্ত্ৰণ জনাইছিল । কতৰ্ব্যত গাফিলতি কৰা বাবেহে মিলি প্ৰভা চুতীয়াই চাকৰি হেৰুৱাইছে বুলি জানিবলৈ দিয়ে আৰক্ষী বিষয়াই ।

Home Guard suspended hugging Zubeen Garg
গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান (ETV Bharat Assam)
author img

By ETV Bharat Assamese Team

Published : May 15, 2024, 8:41 PM IST

গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান (ETV Bharat Assam)

ডিব্ৰুগড়, ১৫ মে': সাংস্কৃতিক অনুষ্ঠানত জুবিন গাৰ্গক সাৱটি ধৰি চাবুৱা থানাৰ মহিলা গৃহৰক্ষী জোৱান নিলম্বন হোৱা ঘটনাই ৰাজ্যত ব্যাপক চৰ্চা লাভ কৰিছে । ঘটনা অনুসৰি যোৱা শনিবাৰে চাবুৱাৰ যুৱ ঐক্য মঞ্চৰ বসন্ত উৎসৱ ২০২৪ ত জুবিন গাৰ্গৰ সাংস্কৃতিক অনুষ্ঠানত দেখা গৈছিল এক ব্যতিক্ৰমী দৃশ্য । সাংস্কৃতিক অনুষ্ঠান চলি থকা অৱস্থাত এগৰাকী মহিলা গৃহৰক্ষী জোৱানে দায়িত্ব পালন কৰি থকাৰ মাজতে উঠি গৈছিল মঞ্চলৈ ।

মঞ্চত জুবিন গাৰ্গক সাৱটি ধৰাৰ লগতে ভৰি চুই সেৱা কৰিছিল । এই দৃশ্য সামাজিক মাধ্যমৰ লগতে সংবাদ মাধ্যমত প্ৰকাশ হৈছিল । এতিয়া আৰক্ষী বিভাগৰ ৰোষত পৰিছে জুবিন গাৰ্গক ভালপোৱা মহিলা গৃহৰক্ষী জোৱানগৰাকী । জুবিন গাৰ্গক মঞ্চত সাৱটি ধৰাৰ পিছতেই চাকৰিৰ পৰা নিলম্বন হ'ল চাবুৱা থানাৰ মহিলা গৃহৰক্ষী জোৱান মিলি প্ৰভা চুতীয়া ।

চাবুৱা থানাৰ ভাৰপ্ৰাপ্ত আৰক্ষী বিষয়াগৰাকীয়ে জানিবলৈ দিয়া অনুসৰি নিজৰ দায়িত্ব পালন নকৰাৰ বাবে ১১ মে' তাৰিখে জিলা আৰক্ষী অধীক্ষকৰ নিৰ্দেশত নিলম্বন কৰা হৈছে মহিলা জোৱানগৰাকীক । মহিলা জোৱানগৰাকীৰ অন্য ঠাইত দায়িত্ব আছিল যদিও নিজৰ নিৰ্দিষ্ট দায়িত্ব পালন নকৰি জুবিন গাৰ্গৰ সাংস্কৃতিক অনুষ্ঠান চলি থকা মঞ্চৰ কাষলৈ বাৰে বাৰে গৈছিল ।

আনহাতে আৰক্ষীৰ পোছাকত বিহু মঞ্চত জুবিন গাৰ্গক আলিংগন কৰি নিলম্বিত হোৱা প্ৰসংগক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে ডিব্ৰুগড়ৰ চাবুৱাত । জুবিন গাৰ্গে নিজে মহিলা জোৱানগৰাকীক হাত বাউল দি মঞ্চলৈ আমন্ত্ৰণ জনোৱাৰ ভিডিঅ' পোহৰলৈ আহিছে অতি শেহতীয়াকৈ তাৰ পিছতেই সমগ্ৰ চাবুৱাবাসীত প্ৰতিক্ৰিয়া সৃষ্টি হৈছে ।

মহিলা গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান চাবুৱাৰ ৰাইজৰ । বিহু অনুষ্ঠিত কৰা চাবুৱাৰ যুৱ ঐক্য মঞ্চই এই সন্দৰ্ভত আৰক্ষীৰ শীৰ্ষ বিষয়াৰ সৈতে আলোচনা কৰা বুলিও জানিবলৈ দিয়ে । ৰাইজৰ আহ্বানত জুবিনক ভালপোৱা গৃহৰক্ষী জোৱান মিলি প্ৰভা চুতীয়াই চাকৰিৰ ঘুৰাই পাই নে নাই সেইয়া সময়তহে লক্ষ্যণীয় হ'ব ।

লগতে পঢ়ক: ৰ’ৱ নোৱাৰিলে প্ৰিয় শিল্পীক সন্মুখত পাই; পিছে তাৰ পিচতেই লাগিল অথন্তৰ - Home Guard Suspended

গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান (ETV Bharat Assam)

ডিব্ৰুগড়, ১৫ মে': সাংস্কৃতিক অনুষ্ঠানত জুবিন গাৰ্গক সাৱটি ধৰি চাবুৱা থানাৰ মহিলা গৃহৰক্ষী জোৱান নিলম্বন হোৱা ঘটনাই ৰাজ্যত ব্যাপক চৰ্চা লাভ কৰিছে । ঘটনা অনুসৰি যোৱা শনিবাৰে চাবুৱাৰ যুৱ ঐক্য মঞ্চৰ বসন্ত উৎসৱ ২০২৪ ত জুবিন গাৰ্গৰ সাংস্কৃতিক অনুষ্ঠানত দেখা গৈছিল এক ব্যতিক্ৰমী দৃশ্য । সাংস্কৃতিক অনুষ্ঠান চলি থকা অৱস্থাত এগৰাকী মহিলা গৃহৰক্ষী জোৱানে দায়িত্ব পালন কৰি থকাৰ মাজতে উঠি গৈছিল মঞ্চলৈ ।

মঞ্চত জুবিন গাৰ্গক সাৱটি ধৰাৰ লগতে ভৰি চুই সেৱা কৰিছিল । এই দৃশ্য সামাজিক মাধ্যমৰ লগতে সংবাদ মাধ্যমত প্ৰকাশ হৈছিল । এতিয়া আৰক্ষী বিভাগৰ ৰোষত পৰিছে জুবিন গাৰ্গক ভালপোৱা মহিলা গৃহৰক্ষী জোৱানগৰাকী । জুবিন গাৰ্গক মঞ্চত সাৱটি ধৰাৰ পিছতেই চাকৰিৰ পৰা নিলম্বন হ'ল চাবুৱা থানাৰ মহিলা গৃহৰক্ষী জোৱান মিলি প্ৰভা চুতীয়া ।

চাবুৱা থানাৰ ভাৰপ্ৰাপ্ত আৰক্ষী বিষয়াগৰাকীয়ে জানিবলৈ দিয়া অনুসৰি নিজৰ দায়িত্ব পালন নকৰাৰ বাবে ১১ মে' তাৰিখে জিলা আৰক্ষী অধীক্ষকৰ নিৰ্দেশত নিলম্বন কৰা হৈছে মহিলা জোৱানগৰাকীক । মহিলা জোৱানগৰাকীৰ অন্য ঠাইত দায়িত্ব আছিল যদিও নিজৰ নিৰ্দিষ্ট দায়িত্ব পালন নকৰি জুবিন গাৰ্গৰ সাংস্কৃতিক অনুষ্ঠান চলি থকা মঞ্চৰ কাষলৈ বাৰে বাৰে গৈছিল ।

আনহাতে আৰক্ষীৰ পোছাকত বিহু মঞ্চত জুবিন গাৰ্গক আলিংগন কৰি নিলম্বিত হোৱা প্ৰসংগক কেন্দ্ৰ কৰি তীব্ৰ প্ৰতিক্ৰিয়াৰ সৃষ্টি হৈছে ডিব্ৰুগড়ৰ চাবুৱাত । জুবিন গাৰ্গে নিজে মহিলা জোৱানগৰাকীক হাত বাউল দি মঞ্চলৈ আমন্ত্ৰণ জনোৱাৰ ভিডিঅ' পোহৰলৈ আহিছে অতি শেহতীয়াকৈ তাৰ পিছতেই সমগ্ৰ চাবুৱাবাসীত প্ৰতিক্ৰিয়া সৃষ্টি হৈছে ।

মহিলা গৃহৰক্ষী জোৱান মিলি প্ৰভা চুতীয়াৰ চাকৰি ঘুৰাই দিবলৈ চৰকাৰক আহ্বান চাবুৱাৰ ৰাইজৰ । বিহু অনুষ্ঠিত কৰা চাবুৱাৰ যুৱ ঐক্য মঞ্চই এই সন্দৰ্ভত আৰক্ষীৰ শীৰ্ষ বিষয়াৰ সৈতে আলোচনা কৰা বুলিও জানিবলৈ দিয়ে । ৰাইজৰ আহ্বানত জুবিনক ভালপোৱা গৃহৰক্ষী জোৱান মিলি প্ৰভা চুতীয়াই চাকৰিৰ ঘুৰাই পাই নে নাই সেইয়া সময়তহে লক্ষ্যণীয় হ'ব ।

লগতে পঢ়ক: ৰ’ৱ নোৱাৰিলে প্ৰিয় শিল্পীক সন্মুখত পাই; পিছে তাৰ পিচতেই লাগিল অথন্তৰ - Home Guard Suspended

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.