তেজপুৰ, ৮ মে’ : প্ৰকৃতিৰ মনোমোহা দৃশ্য উপভোগ কৰিবলৈ আপোনাৰ ইচ্ছা আছেনে ? নিশ্চয় আছে ৷ তেনেহ’লে পলম কিয় কৰে ? আজিয়েই যাত্ৰাৰ বাবে সাজু হওক ৷
এই যাত্ৰাৰ বাবে তেজপুৰ চহৰৰলৈ নহাকৈ সফল নহ’ব । তেজপুৰ চহৰৰ ৰাজ্যিক পৰিবহন নিগমৰ বাছ আস্থানৰ ভিতৰতে আছে যাত্ৰাৰ সুবিধা আৰু আপুনি যাব পাৰিব আন্তঃৰাষ্ট্ৰীয় সীমান্তৰ লগতে থকা এখন হিমালয়ৰ পাদদেশৰ ৰাজ্যৰ আটাইতকৈ আকৰ্ষণীয় পৰ্যটনস্থলীলৈ ।
- " class="align-text-top noRightClick twitterSection" data="">
মনপা ভাষাত ‘তাছী ডালিক’ আপোনাক স্বাগতম উত্তৰ পূৰ্বাঞ্চলৰ ছুইজাৰলেণ্ডখ্যাত ঠাইলৈ । এই আকৰ্ষণস্থলী হৈছে টাৱাং জিলাৰ বিভিন্ন সীমান্তৱৰ্তী অঞ্চল ৷ টাৱাং মনাস্ত্ৰী, ভাৰত-চীন সীমান্তৱৰ্তী বুমলা, সাতটা জলপ্ৰপাতৰ সংগমস্থলী । আটাইতকৈ গুৰুত্বপূৰ্ণ স্থান হৈছে টাৱাং ৱাৰ মেম’ৰিয়েল, ১৯৬২ চনৰ চীন-ভাৰতৰ যুদ্ধৰ বীৰ যোদ্ধাসকলৰ স্মৃতিৰ সৌধ ।
কম খৰচত কেনেকৈ কৰিব এই যাত্ৰা ?
তেজপুৰ চহৰৰ পৰা দৈনিক পুৱাৰ ভাগত টাৱাং যাত্ৰাৰ বাবে চলাচল কৰে চুমু চাৰ্ভিছ । পাহাৰীয়া, দুৰ্গম, এঢলীয়া একা-বেঁকা পথৰে এই চুমুসমূহ পুৱাৰ পৰা যাত্ৰা কৰি নিশা টাৱাঙত উপস্থিত হয় । টাৱাং, বমদিলা, চেপা, ডিৰাং অঞ্চললৈ প্ৰায় ৯ গৰাকী যাত্ৰী এখন চুমুতে যাব পাৰে । এই যাত্ৰাৰ বাবে আগতীয়াকৈ তেজপুৰৰ বাছ আস্থানত বুকিং কৰিব লাগিব ।
ভালোকপং, চাৰিদুৱাৰ, টাৱাং সংলগ্ন এই পথ ২১১ নং ৰাষ্ট্ৰীয় ঘাইপথ হিচাবে জনা যায় ৷ দুটাকৈ সুৰংগ পাৰ হৈ এতিয়া পূৰ্বতকৈ অতি সোনকালে গন্তব্য স্থানত উপস্থিত হ’ব পাৰিব । শুকুলা বৰফৰ আচ্ছাদনৰ মাজেৰে চেলা পাছৰ বিশ্বৰ অতি উচ্চতাৰ দ্বীলেনযুক্ত চেলা পাছ সুৰংগৰে এতিয়া কিছু কম জটিলতাৰে উপস্থিত হ’ব পাৰিব ।
কোন সময় এই যাত্ৰাৰ বাবে উপযুক্ত ?
উপযুক্ত সময় হৈছে অক্টোবৰ মাহৰ পৰা মে’ মাহ ৷ কাৰণ এই সময়ছোৱাত পাহাৰীয়া অঞ্চলত ভূমিস্খলনৰ সম্ভাৱনা নাথাকে । পাহাৰীয়া অঞ্চলত বাৰিষা সঘনাই ভূমিস্খলন সংঘটিত হয় । টাৱাঙত অধিকাংশই মনপা লোকে বসবাস কৰে ।
ঐতিহাসিক তথ্য:
১৬৮১ চনত ৫ ম দালাই লামা গাৱাং লবছাং গিয়াটছ’ৰ ইচ্ছা অনুসৰি মেৰা লামা লোৰড্ৰে গিয়াটছ’ই প্ৰতিষ্ঠা কৰা টাৱাং মঠটোৰ নামক কেন্দ্ৰ কৰি এক কিংবদন্তি আছে । ‘টা’ মানে ‘ঘোঁৰা’ আৰু ‘ৱাং’ মানে ‘নাল’ ৷ অৰ্থাৎ ঘোঁৰাৰ নাল । গতিকে, টাৱাং শব্দটোৰ অৰ্থ হৈছে ঘোঁৰাৰ দ্বাৰা নিৰ্বাচিত ।
এটা কিংবদন্তি অনুসৰি, মঠটোক মেৰা লামা ল'ড্ৰে গ্যাটছ'ৰ মালিকানাধীন ঘোঁৰাটোৱে বাছি লৈছিল । ষষ্ঠ দালাই লামা ছাংয়াং গিয়াটছ’ৰ জন্ম হৈছিল টাৱাঙত ।
ঐতিহাসিকভাৱে টাৱাং তিব্বতৰ নিয়ন্ত্ৰণত আছিল । ১৯১৪ চনৰ ছিমলা সন্মিলনৰ সময়ত তিব্বত আৰু ব্ৰিটিছ ভাৰতে অসম হিমালয় অঞ্চলত নিজৰ উমৈহতীয়া সীমা নিৰ্ধাৰণ কৰি চুক্তি স্বাক্ষৰ কৰে, যিটো মেকমোহন লাইন নামেৰে পৰিচিত হয় ।
এই চুক্তিৰ দ্বাৰা তিব্বতে টাৱঙকে ধৰি কেবাশ বৰ্গমাইল ভূখণ্ড ব্ৰিটিছৰ হাতত এৰি দিলে । এই চুক্তিখনক চীনে স্বীকৃতি দিয়া নাছিল । চেৰিং শাক্যৰ মতে ব্ৰিটিছৰ ৰেকৰ্ডত দেখা গৈছে যে তিব্বতীসকলে ১৯১৪ চনত চুক্তিবদ্ধ হোৱা সীমান্তক চীনে চিমলা সন্ধি গ্ৰহণ কৰাৰ চৰ্তযুক্ত বুলি গণ্য কৰিছিল ।
যিহেতু ব্ৰিটিছে চীনৰ গ্ৰহণযোগ্যতা লাভ কৰিব পৰা নাছিল, সেয়েহে তিব্বতীসকলে মেকমোহন লাইনক অবৈধ বুলি গণ্য কৰিছিল । এই যাত্ৰাৰ লগত সমন্ধ আছে ডিৰাঙৰ পৰা প্ৰায় 40 কিলোমিটাৰ দূৰত্বত অৱস্থিত মাণ্ডেলা ১০০ টা বুদ্ধৰ স্তূপ ।
সবিশেষ পৰৱৰ্তী প্ৰতিবেদনত...
লগতে পঢ়ক: পৰ্যটকৰ সুবিধাৰ্থে কাজিৰঙাত সংযোজন WTRP ব্যৱস্থাৰ
