গুৱাহাটী : উত্তৰ-পূৱৰ দুৱাৰমুখ তথা ৰাজ্যৰ ৰাজধানী চহৰ গুৱাহাটীত চুৰিকাণ্ডৰ অভিলেখ । প্ৰতিদিনে গুৱাহাটীৰ থানাই থানাই ৰুজু হৈছে চুৰি, ডকাইতিৰ দৰে অপৰাধজনিত ঘটনা । স্মাৰ্ট আৰক্ষীৰ চকুত ধূলি দি মহানগৰীত দৈনিক সংঘটিত হৈছে অপৰাধজনিত ঘটনা । মহানগৰীত চলিত বৰ্ষত যোৱা ১০ মাহত ২,৩০৯ টা চুৰি আৰু ডকাইতিৰ দৰে ঘটনা সম্পৰ্কীয় গোচৰ ৰুজু হৈছে । এই তথ্য প্ৰকাশ কৰিছে গুৱাহাটী মহানগৰ আৰক্ষী আয়ুক্ত দিগন্ত বৰাই ।
তথ্য অনুসৰি চলিত বৰ্ষত অক্টোবৰলৈ ১,৭৪২ টা চুৰি কাণ্ড, ৪০৫ টা বলপূৰ্বক চুৰি (Burglary), ১৬০ টা দলীয় ডকাইতিকাণ্ড (Robbery) আৰু ২ টাকৈ ডকাইতি কাণ্ড সংঘটিত হৈছে । ২০২৩ বৰ্ষত ২,৭৪৫ টা চুৰিকাণ্ড, ৭৪০ টা বলপূৰ্বক চুৰি (Burglary),২৬৩ টা দলীয় ডকাইতিকাণ্ড (Robbery) আৰু ৪ টা ডকাইতি ঘটনা সংঘটিত হৈছে ।
একেদৰে ২০২২ বৰ্ষত ২,৮৩২ টা চুৰিকাণ্ড, ৫৮৪ টা বলপূৰ্বক চুৰি, ২২২ টা দলীয় ডকাইতিকাণ্ড আৰু ৭ টা ডকাইতিৰ গোচৰ ৰুজু হৈছে । ২০২১ বৰ্ষত চুৰিকাণ্ড সম্পৰ্কীয় গোচৰ ৪,৪৯২ টা, ডকাইতি ৫ টা, বলপূৰ্বক চুৰি ১,০৭০ টা আৰু দলীয় ডকাইতিৰ ৮৪৫ টা গোচৰ মহানগৰীত ৰুজু হৈছিল ।
চলিত বৰ্ষত জানুৱাৰীৰ পৰা অক্টোবৰলৈ তথ্য-
| মাহ | চুৰি | ডকাইতি | বলপূৰ্বক চুৰি(Burglary) | ডকাইতি-দলীয়(Robbery) |
|---|---|---|---|---|
| জানুৱাৰী | ১৭০ | ০ | ৪৯ | ১৭ |
| ফেব্ৰুৱাৰী | ১৩৭ | ০ | ৪২ | ১২ |
| মাৰ্চ | ১৬৪ | ০ | ৩০ | ১৩ |
| এপ্ৰিল | ১৭৩ | ০ | ৪৬ | ১৮ |
| মে' | ১৭৫ | ০ | ৪৮ | ১৬ |
| জুন | ১৭২ | ০ | ৪০ | ১৬ |
| জুলাই | ১৮০ | ১ | ২৬ | ১৫ |
| আগষ্ট | ১৭৮ | ০ | ২০ | ১১ |
| ছেপ্টেম্বৰ | ১৮৭ | ০ | ৬০ | ২৬ |
| অক্টোবৰ | ২০৬ | ১ | ৪৪ | ১৬ |
অৱশ্যে মহানগৰীত দিনক দিনে বৃদ্ধি পোৱা অপৰাধজনিত কাৰ্যকলাপ ৰোধ কৰাৰ বাবে আগন্তুক দিনত স্মাৰ্ট আৰক্ষীয়ে কি ব্যৱস্থা গ্ৰহণ কৰিব সেয়া লক্ষণীয় হ'ব ।
লগতে পঢ়ক :অস্থিৰ মণিপুৰ; গুৱাহাটীত ৰাজ্যপালক সাক্ষাৎ কংগ্ৰেছ বিধায়িনী দলৰ
