গুৱাহাটী, ১৩ আগষ্ট: মুখ্যমন্ত্রী হিমন্ত বিশ্ব শৰ্মাৰ পৌৰোহিত্যত মঙলবাৰে দিছপুৰৰ লোকসেৱা ভৱনত অনুষ্ঠিত হয় ৰাজ্য চৰকাৰৰ সাপ্তাহিক কেবিনেট বৈঠক । কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয় । বৈঠকৰ অন্তত কেবিনেটৰ সিদ্ধান্তসমূহ সংবাদমেলযোগে সদৰী কৰে মন্ত্রী কেশৱ মহন্ত আৰু যোগেন মোহনে ।
In today's meeting of the #AssamCabinet, we resolved to
— Himanta Biswa Sarma (@himantabiswa) August 13, 2024
👉Preserve our natural wetlands in urban areas through the Assam Urban Water Bodies (Preservation and Conservation) Bill, 2024
👉Transfer management of 33 Pension Sewa Kendras to Education Dept pic.twitter.com/FFCc96hIyB
- নগৰ তথা মহানগৰৰ কৃত্রিম বানপানী ৰোধৰ বাবে নতুন বিধেয়ক :
নগৰ তথা মহানগৰ অঞ্চলত হৈ থকা কৃত্রিম বানপানী প্ৰতিৰোধৰ বাবে এখন নতুন বিল এইবাৰ বিধানসভাত উত্থাপন কৰা হ'ব । অসম নগৰ এলেকা জলাশয় সংৰক্ষণ আৰু সংবৰ্দ্ধন বিধেয়ক-২০২৪ আগন্তুক বিধানসভাৰ অধিৱেশনত উত্থাপনৰ বাবে কেবিনেটত সিদ্ধান্ত লোৱা হয় । এই বিধেয়কৰ যোগেদি ৰাজ্যৰ সকলো নগৰাঞ্চলৰ সকলো জলাশয় ইয়াৰ অন্তৰ্ভুক্ত হ’ব । সকলো প্ৰাকৃতিক জান-জুৰি ইয়াত অন্তৰ্ভুক্ত হৈছে । ইয়াত চৰকাৰী জলাশয়ৰ উপৰি ২ একৰৰ ওপৰৰ ব্যক্তিগত জলাশয়ো থাকিব ।
In today's #AssamCabinet meeting, several decisions were taken ensuring holistic development of the state.
— Pijush Hazarika (@Pijush_hazarika) August 13, 2024
Here are the highlights: @CMOfficeAssam pic.twitter.com/PXk6ITgIlN
নগৰ তথা মহানগৰত ৬ বিঘাতকৈ অধিক ভূমিৰ ব্যক্তিগত মালিকানাধীন জলাশয় নাইবা পুখুৰী থাকিলে এই বিধেয়কৰ অধীনলৈ আহিব । যিটো সংৰক্ষণ আৰু সংবৰ্দ্ধন কৰা হ'ব আৰু ব্যক্তিগত হ'লেও পুতিব নোৱাৰিব । ইয়াৰ বাবে দুখন কমিটি গঠন কৰা হ’ব । এখন ৰাজ্যিক পৰ্যায়ৰ আৰু আনখন জিলা পৰ্যায়ৰ । এই কমিটিসমূহে তিনি মাহৰ ভিতৰত সকলো চাৰ্ভে সম্পূৰ্ণ কৰি প্ৰতিবেদন ৰাজ্যিক কমিটিলৈ প্ৰেৰণ কৰিব । এইক্ষেত্রত ৰাইজৰ ওজৰ-আপত্তি গ্ৰহণৰো ব্যৱস্থা থাকিব । সকলো হোৱাৰ পাছত সেইসমূহ ৰাজ্য চৰকাৰে সংৰক্ষণ কৰিব ।
সংৰক্ষিত জলাশয়, জান-জুৰি নাইবা পুখুৰী কোনোৱে দখল কৰিলে তিনিবছৰ পৰ্যন্ত কাৰাদণ্ড আৰু এক লাখ টকাৰ জৰিমনা বিহাৰ ব্যৱস্থা কৰা হৈছে । ইয়াৰ দ্বাৰা কৃত্রিম বানপানীৰ পৰা সকাহ পোৱা যাব বুলি ধাৰণা কৰা হৈছে । এই বিলখন বিধানসভাই গৃহিত কৰিলে খৰটকীয়াভাৱে তিনিমাহৰ ভিতৰত কাৰ্যকৰী কৰা হ’ব । আনহাতে ফ’ৰেষ্ট আৰু ফিচাৰী বিভাগৰ অন্তৰ্গত এনে জলাশয় তথা পুখুৰী বিভাগীয়ভাৱে সংৰক্ষণ কৰিব ।
- ৰাজহ বিভাগৰ গুৰুত্বপূৰ্ণ সিদ্ধান্ত :
কেবিনেটৰ সিদ্ধান্ত অনুসৰি মাটিৰ খাজনা অনলাইন আৰু অফলাইন দুয়োটা পদ্ধতিৰে আদায় দিব পাৰিব । এই সুবিধা অহা এবছৰলৈকে থাকিব । আনহাতে মৌজাদাৰসকলৰ কমিচনৰ ৩০ শতাংশ তেওঁলোকৰ একাউণ্টত জমা হ’ব । ভূমিৰ গৰাকীয়ে প্ৰথমে নিজৰ মাটিৰ সন্দৰ্ভত পঞ্জীয়ন কৰিব লাগিব । বুধবাৰৰ পৰা এই ব্যৱস্থা কাৰ্যকৰী হ'ব ।
- পেঞ্চন সেৱা কেন্দ্ৰৰ কাম শিক্ষা বিভাগৰ অধীনলৈ :
কেবিনেটত পেঞ্চন সেৱাকেন্দ্ৰৰ পৰা পেঞ্চনৰ কাম এতিয়াৰে পৰা শিক্ষা বিভাগৰ অধীনলৈ লৈ যোৱাৰ সিদ্ধান্ত লোৱা হয় । শিক্ষা বিভাগৰ পেঞ্চনাৰৰ সংখ্যা বেছি হোৱাৰ বাবেই এই সিদ্ধান্ত লোৱা হৈছে । ৩৩ টা পেঞ্চন সেৱাকেন্দ্ৰৰ কাম ১ ছেপ্টেম্বৰৰ পৰা শিক্ষা বিভাগৰ অধীনত পৰিচালিত হ'ব ।
