Assam health sector: মুখ্যমন্ত্ৰী ড৹ হিমন্ত বিশ্ব শৰ্মাই যোৱা দুদিন ধৰি সামাজিক মাধ্যমৰ জৰিয়তে স্বাস্থ্য খণ্ডৰ উন্নয়নৰ দাবী কৰি আহিছে । তেওঁ এক্সৰ জৰিয়তে ঘোষণা কৰিছে যে ৰাজ্যত পুনৰ ১২ খন চিকিৎসা মহাবিদ্যালয় স্থাপন কৰা হ'ব । মুখ্যমন্ত্ৰীয়ে জনোৱা অনুসৰি বৰ্তমানলৈকে ৰাজ্যত এখন এইমছকে ধৰি মুঠ ১২ খন চিকিৎসা মহাবিদ্যালয় কাৰ্যক্ষম হৈ আছে । অনাগত দিনত আৰু ১২ খন সংযুক্ত হ'ব বুলি তেওঁ উল্লেখ কৰে । আচলতে ৰাজ্যৰ স্বাস্থ্য খণ্ডসমূহৰ প্ৰকৃত ছবিখন কেনেকুৱা ? চিকিৎসালয়সমূহৰ আন্তঃগাঁথনি কিমান টনকিয়াল ?
স্বাস্থ্য খণ্ডৰ পুতৌলগা আন্তঃগাঁথনি (ETV Bharat)
তেজপুৰ, ২৮ জুন : ৰাজ্যৰ স্বাস্থ্যখণ্ডৰ আমূল পৰিৱৰ্তনৰ ঢাক-ঢোল বজোৱা অসম চৰকাৰৰ স্বাস্থ্য বিভাগে আন্তঃগাঁথনি উন্নীতকৰণৰ ক্ষেত্ৰত আজিও যথেষ্ট পিচ পৰি আছে । স্বাস্থ্য বিভাগে ৰাজ্যত ইখনৰ পিচত সিখন চিকিৎসা মহাবিদ্যালয় স্থাপন কৰি ৰাজ্যৰ স্বাস্থ্যখণ্ডত আমূল পৰিৱৰ্তন অনা বুলি দাবী কৰাৰ সময়তে বহুতো চিকিৎসালয়ত ৰোগীক দিব পৰা নাই উন্নত মানৰ চিকিৎসা-সুবিধা । চিকিৎসাৰ অভাৱত বহু ৰোগীয়ে মৃত্যুক সাৱটি ল'বলগীয়া হৈছে । এখন চিকিৎসালয়ৰ পৰা আন এখন চিকিৎসালয়লৈ ৰোগীক উন্নত চিকিৎসাৰ বাবে স্থানান্তৰ কৰা দেখিবলৈ পোৱা যায় ।
স্বাস্থ্য খণ্ডৰ পুতৌলগা আন্তঃগাঁথনি (ETV Bharat)
চিকিৎসালয়সমূহত চিকিৎসকৰ অভাৱ, যিসকল চিকিৎসক চিকিৎসা মহাবিদ্যালয়লৈ আহে পৰৱৰ্তী সময়ত তেওঁলোকৰ সৰহ সংখ্যক চিকিৎসকক ব্যক্তিগত খণ্ডৰ নাৰ্ছিংহোমত বা নিজাববীয়াকৈ ব্যক্তিগত চিকিৎসালয়ত চিকিৎসা সেৱা আৰম্ভ কৰা দেখিবলৈ পোৱা যায় । ফলস্বৰূপে চিকিৎসা খণ্ডৰ আন্তঃগাঁথনিৰ উন্নয়ন আৰু উপযুক্ত চিকিৎসাৰ অভাৱত প্ৰায়ে ৰোগীৰ মৃত্যু হোৱা দেখিবলৈ পোৱা যায় ।
বহু সময়ত উন্নত চিকিৎসাৰ বাবে তেজপুৰ চিকিৎসা মহাবিদ্যালয় বা আন আন চিকিৎসা মহাবিদ্যালয়ৰ পৰা ৰোগীক গুৱাহাটী চিকিৎসা মহাবিদ্যালয় হাস্পতালয়লৈ প্ৰেৰণ কৰা দেখা যায় । এখন চিকিৎসা মহাবিদ্যালয়ৰ পৰা আন এখন চিকিৎসা মহাবিদ্যালয়লৈ ৰোগী প্ৰেৰণ কৰিবলগীয়া হোৱাটো এক লক্ষণীয় বিষয় । মুখ্যমন্ত্ৰী ড৹ হিমন্ত বিশ্ব শৰ্মাই যোৱা দুদিন ধৰি তেওঁৰ এক্সৰ জৰিয়তে উল্লেখ কৰিছে যে ৰাজ্যত বৰ্তমান ১২ খন চিকিৎসা মহাবিদ্যালয় কাৰ্যক্ষম হৈ আছে আৰু আন ১২ খন স্থাপনৰ কাম চৰকাৰে হাতত লৈছে ।
ইয়াৰ বিপৰীতে ৫ খন নাৰ্ছিং মহাবিদ্যালয় আৰু ৭ খনৰ বাবে প্রজেক্ট হাতত লৈছে, তিনিখন দন্ত চিকিৎসালয় আছে, ২ খন চুপাৰ স্পেচিলিটি হাস্পতাল সংলগ্ন হৈছে আৰু ৯ খন কৰ্কট ৰোগৰ চিকিৎসালয় আছে আৰু অনাগত দিনত ৮ খন স্থাপন কৰা হ'ব বুলি তেওঁ উল্লেখ কৰে । এই ৮ খন কৰ্কট ৰোগৰ চিকিৎসালয়ৰ বৰ্তমানলৈকে ১,৭২,৫২২ গৰাকী সাধাৰণ চিকিৎসা ইয়াৰে ৬,৬৭৯ গৰাকীক আই পি ডি চিকিৎসা কৰা হৈছে ।
বৰ্তমান নতুন ৰোগীৰ সংখ্যা ৬৭,৩৯২ জন আৰু ৪১,৪৪২ জন ৰোগীক কেমো দিয়াৰ লগতে ৮০৮ জনৰ অস্ত্ৰোপচাৰ সম্পন্ন হৈছে আৰু ৫৭,২০০ জন ৰোগীৰ আগতীয়াকৈ পৰীক্ষা সম্পূৰ্ণ হৈছে । কৰ্কট ৰোগীৰ এই তথ্য মুখ্যমন্ত্ৰীয়ে এক্সৰ জৰিয়তে প্ৰকাশ কৰিছে । মনকৰিবলগীয়া যে চিকিৎসা মহাবিদ্যালয় বা জিলা পৰ্যায়ৰ চিকিৎসালয়ত নাই কোনো উপযুক্ত চিকিৎসক । তেজপুৰৰ কনকলতা অসামৰিক চিকিৎসালয়ত মাত্ৰ এজন এম ডি অর্থাৎ মেডিচিনৰ ডাক্তৰে চলাবলগীয়া হৈছে চিকিৎসালয় ।
এই তথ্য চিকিৎসালয়ৰ অধীক্ষক ডাঃ দিপ্তী বৰুৱাই ই টিভি ভাৰতক জনায় কয় যে কনকলতা অসামৰিক চিকিৎসালয়ত বৰ্তমান এজন মাত্ৰ মেডিচিনৰ চিকিৎসক আছে, কিন্তু প্ৰয়োজন আছে ৪ জনৰ । এনেধৰণে বিভিন্ন চিকিৎসালয়ত বিভিন্ন বিভাগৰ চিকিৎসকৰ অভাৱ আছে । ৰাজ্যৰ মুঠ ১২ খন চিকিৎসা মহাবিদ্যালয়ৰ চিকিৎসা বিজ্ঞানৰ মুঠ আসনৰ সংখ্যা হৈছে ১,৫০০ । ইয়াৰ ভিতৰত গুৱাহাটী আৰু ডিব্ৰুগড় চিকিৎসা মহাবিদ্যালয়ৰ আছে প্ৰতিখনত ২০০ খন আসন ।
ইয়াৰ বিপৰীতে শিলচৰ, যোৰহাট, তেজপুৰ, বৰপেটা মেডিকেল কলেজৰ আসন হৈছে ১২৫ খনকৈ । বাকীসমূহত ১০০ খন আসন আছে । অসমত বছৰি প্ৰায় ১ হাজাৰৰো অধিক এম বি বি এছ চিকিৎসকে শিক্ষা সম্পূৰ্ণ কৰে । ইয়াৰ ভিতৰত কিছু সংখ্যক স্নাতকোত্তৰৰ বাবে যায় । ভাৰতবৰ্ষত বছৰি প্ৰায় ১ লাখ চিকিৎসক উত্তীৰ্ণ হয় । আনহাতে আজি ৰাজ্য চৰকাৰৰ স্বাস্থ্য বিভাগৰ এটা বিশেষ দল (চকু বিভাগ) তেজপুৰ কনকলতা অসামৰিক চিকিৎসালয় আৰু তেজপুৰ চিকিৎসা মহাবিদ্যালয় পৰিদৰ্শন কৰি চকু চিকিৎসা বিভাগৰ সুবিধাসমূহ পৰ্যবেক্ষণ কৰে । তেজপুৰ কনকলতা অসামৰিক চিকিৎসালয়ত অধীক্ষকৰ সৈতে অস্ত্ৰোপচাৰ কক্ষৰ সন্দৰ্ভত এক বৈঠকত অংশগ্ৰহণ কৰে ।
কনকলতা অসামৰিক চিকিৎসালয়ক দুটা ভাগত ভাগ কৰি ১০০ খন বিচনাযুক্ত মাতৃ-শিশু কল্যাণ তেজপুৰ পৰুৱা অঞ্চলত স্থানান্তৰ কৰা হয় ৷ গৰ্ভৱতী মহিলা আৰু শিশুৰ চিকিৎসা ইয়াত কৰাৰ উপৰি কনকলতা চিকিৎসালয়ত চকু, হাড় আৰু সাধাৰণ চিকিৎসাসমূহ কৰা হয় । অসামৰিক চিকিৎসালয়খন সীমিত সংখ্যক নাৰ্ছেৰে চলি আছে আৰু চিকিৎসকৰ সংখ্যাও তথৈবচ ।
তেজপুৰ, ২৮ জুন : ৰাজ্যৰ স্বাস্থ্যখণ্ডৰ আমূল পৰিৱৰ্তনৰ ঢাক-ঢোল বজোৱা অসম চৰকাৰৰ স্বাস্থ্য বিভাগে আন্তঃগাঁথনি উন্নীতকৰণৰ ক্ষেত্ৰত আজিও যথেষ্ট পিচ পৰি আছে । স্বাস্থ্য বিভাগে ৰাজ্যত ইখনৰ পিচত সিখন চিকিৎসা মহাবিদ্যালয় স্থাপন কৰি ৰাজ্যৰ স্বাস্থ্যখণ্ডত আমূল পৰিৱৰ্তন অনা বুলি দাবী কৰাৰ সময়তে বহুতো চিকিৎসালয়ত ৰোগীক দিব পৰা নাই উন্নত মানৰ চিকিৎসা-সুবিধা । চিকিৎসাৰ অভাৱত বহু ৰোগীয়ে মৃত্যুক সাৱটি ল'বলগীয়া হৈছে । এখন চিকিৎসালয়ৰ পৰা আন এখন চিকিৎসালয়লৈ ৰোগীক উন্নত চিকিৎসাৰ বাবে স্থানান্তৰ কৰা দেখিবলৈ পোৱা যায় ।
স্বাস্থ্য খণ্ডৰ পুতৌলগা আন্তঃগাঁথনি (ETV Bharat)
চিকিৎসালয়সমূহত চিকিৎসকৰ অভাৱ, যিসকল চিকিৎসক চিকিৎসা মহাবিদ্যালয়লৈ আহে পৰৱৰ্তী সময়ত তেওঁলোকৰ সৰহ সংখ্যক চিকিৎসকক ব্যক্তিগত খণ্ডৰ নাৰ্ছিংহোমত বা নিজাববীয়াকৈ ব্যক্তিগত চিকিৎসালয়ত চিকিৎসা সেৱা আৰম্ভ কৰা দেখিবলৈ পোৱা যায় । ফলস্বৰূপে চিকিৎসা খণ্ডৰ আন্তঃগাঁথনিৰ উন্নয়ন আৰু উপযুক্ত চিকিৎসাৰ অভাৱত প্ৰায়ে ৰোগীৰ মৃত্যু হোৱা দেখিবলৈ পোৱা যায় ।
বহু সময়ত উন্নত চিকিৎসাৰ বাবে তেজপুৰ চিকিৎসা মহাবিদ্যালয় বা আন আন চিকিৎসা মহাবিদ্যালয়ৰ পৰা ৰোগীক গুৱাহাটী চিকিৎসা মহাবিদ্যালয় হাস্পতালয়লৈ প্ৰেৰণ কৰা দেখা যায় । এখন চিকিৎসা মহাবিদ্যালয়ৰ পৰা আন এখন চিকিৎসা মহাবিদ্যালয়লৈ ৰোগী প্ৰেৰণ কৰিবলগীয়া হোৱাটো এক লক্ষণীয় বিষয় । মুখ্যমন্ত্ৰী ড৹ হিমন্ত বিশ্ব শৰ্মাই যোৱা দুদিন ধৰি তেওঁৰ এক্সৰ জৰিয়তে উল্লেখ কৰিছে যে ৰাজ্যত বৰ্তমান ১২ খন চিকিৎসা মহাবিদ্যালয় কাৰ্যক্ষম হৈ আছে আৰু আন ১২ খন স্থাপনৰ কাম চৰকাৰে হাতত লৈছে ।
ইয়াৰ বিপৰীতে ৫ খন নাৰ্ছিং মহাবিদ্যালয় আৰু ৭ খনৰ বাবে প্রজেক্ট হাতত লৈছে, তিনিখন দন্ত চিকিৎসালয় আছে, ২ খন চুপাৰ স্পেচিলিটি হাস্পতাল সংলগ্ন হৈছে আৰু ৯ খন কৰ্কট ৰোগৰ চিকিৎসালয় আছে আৰু অনাগত দিনত ৮ খন স্থাপন কৰা হ'ব বুলি তেওঁ উল্লেখ কৰে । এই ৮ খন কৰ্কট ৰোগৰ চিকিৎসালয়ৰ বৰ্তমানলৈকে ১,৭২,৫২২ গৰাকী সাধাৰণ চিকিৎসা ইয়াৰে ৬,৬৭৯ গৰাকীক আই পি ডি চিকিৎসা কৰা হৈছে ।
বৰ্তমান নতুন ৰোগীৰ সংখ্যা ৬৭,৩৯২ জন আৰু ৪১,৪৪২ জন ৰোগীক কেমো দিয়াৰ লগতে ৮০৮ জনৰ অস্ত্ৰোপচাৰ সম্পন্ন হৈছে আৰু ৫৭,২০০ জন ৰোগীৰ আগতীয়াকৈ পৰীক্ষা সম্পূৰ্ণ হৈছে । কৰ্কট ৰোগীৰ এই তথ্য মুখ্যমন্ত্ৰীয়ে এক্সৰ জৰিয়তে প্ৰকাশ কৰিছে । মনকৰিবলগীয়া যে চিকিৎসা মহাবিদ্যালয় বা জিলা পৰ্যায়ৰ চিকিৎসালয়ত নাই কোনো উপযুক্ত চিকিৎসক । তেজপুৰৰ কনকলতা অসামৰিক চিকিৎসালয়ত মাত্ৰ এজন এম ডি অর্থাৎ মেডিচিনৰ ডাক্তৰে চলাবলগীয়া হৈছে চিকিৎসালয় ।
এই তথ্য চিকিৎসালয়ৰ অধীক্ষক ডাঃ দিপ্তী বৰুৱাই ই টিভি ভাৰতক জনায় কয় যে কনকলতা অসামৰিক চিকিৎসালয়ত বৰ্তমান এজন মাত্ৰ মেডিচিনৰ চিকিৎসক আছে, কিন্তু প্ৰয়োজন আছে ৪ জনৰ । এনেধৰণে বিভিন্ন চিকিৎসালয়ত বিভিন্ন বিভাগৰ চিকিৎসকৰ অভাৱ আছে । ৰাজ্যৰ মুঠ ১২ খন চিকিৎসা মহাবিদ্যালয়ৰ চিকিৎসা বিজ্ঞানৰ মুঠ আসনৰ সংখ্যা হৈছে ১,৫০০ । ইয়াৰ ভিতৰত গুৱাহাটী আৰু ডিব্ৰুগড় চিকিৎসা মহাবিদ্যালয়ৰ আছে প্ৰতিখনত ২০০ খন আসন ।
ইয়াৰ বিপৰীতে শিলচৰ, যোৰহাট, তেজপুৰ, বৰপেটা মেডিকেল কলেজৰ আসন হৈছে ১২৫ খনকৈ । বাকীসমূহত ১০০ খন আসন আছে । অসমত বছৰি প্ৰায় ১ হাজাৰৰো অধিক এম বি বি এছ চিকিৎসকে শিক্ষা সম্পূৰ্ণ কৰে । ইয়াৰ ভিতৰত কিছু সংখ্যক স্নাতকোত্তৰৰ বাবে যায় । ভাৰতবৰ্ষত বছৰি প্ৰায় ১ লাখ চিকিৎসক উত্তীৰ্ণ হয় । আনহাতে আজি ৰাজ্য চৰকাৰৰ স্বাস্থ্য বিভাগৰ এটা বিশেষ দল (চকু বিভাগ) তেজপুৰ কনকলতা অসামৰিক চিকিৎসালয় আৰু তেজপুৰ চিকিৎসা মহাবিদ্যালয় পৰিদৰ্শন কৰি চকু চিকিৎসা বিভাগৰ সুবিধাসমূহ পৰ্যবেক্ষণ কৰে । তেজপুৰ কনকলতা অসামৰিক চিকিৎসালয়ত অধীক্ষকৰ সৈতে অস্ত্ৰোপচাৰ কক্ষৰ সন্দৰ্ভত এক বৈঠকত অংশগ্ৰহণ কৰে ।
কনকলতা অসামৰিক চিকিৎসালয়ক দুটা ভাগত ভাগ কৰি ১০০ খন বিচনাযুক্ত মাতৃ-শিশু কল্যাণ তেজপুৰ পৰুৱা অঞ্চলত স্থানান্তৰ কৰা হয় ৷ গৰ্ভৱতী মহিলা আৰু শিশুৰ চিকিৎসা ইয়াত কৰাৰ উপৰি কনকলতা চিকিৎসালয়ত চকু, হাড় আৰু সাধাৰণ চিকিৎসাসমূহ কৰা হয় । অসামৰিক চিকিৎসালয়খন সীমিত সংখ্যক নাৰ্ছেৰে চলি আছে আৰু চিকিৎসকৰ সংখ্যাও তথৈবচ ।
