নলবাৰী, ২৭ জুন: বৃহস্পতিবাৰে হিমন্ত বিশ্ব শৰ্মা চৰকাৰৰ ১৪ সংখ্যক কেবিনেট বৈঠক । নলবাৰী জিলা আয়ুক্তৰ কাৰ্যালয়ত দুপৰীয়া অনুষ্ঠিত হয় এই বৈঠক । কেবিনেট বৈঠকত উপস্থিত মুখ্যমন্ত্ৰী হিমন্ত বিশ্ব শৰ্মা । কেবিনেট বৈঠকৰ পূৰ্বে জিলা আয়ুক্তৰ কাৰ্যালয় চৌহদত গছপুলি ৰোপণ কৰে মুখ্যমন্ত্ৰীয়ে । ইয়াৰ পিচতে বৈঠক অনুষ্ঠিত ভৱনলৈ ৰাওনা হয় মুখ্যমন্ত্ৰী হিমন্ত বিশ্ব শৰ্মা ।
एक पेड़, देश के नाम 🌳
— Himanta Biswa Sarma (@himantabiswa) June 27, 2024
आज असम कैबिनेट की नलबारी में होने वाली बैठक से पूर्व जिला आयुक्त के कार्यालय के प्रांगण में एक रुद्राक्ष का वृक्षारोपण किया। pic.twitter.com/jx9JxgUU78
মুখ্যমন্ত্ৰীৰ লগতে উপস্থিত হয় মন্ত্ৰী পীযুষ হাজৰিকা, অজন্তা নেওগ, অশোক সিংহল, ৰণজিৎ কুমাৰ দাস, যোগেন মহন, অতুল বৰা, কেশৱ মহন্ত, নন্দিতা গাৰ্লোচা, সঞ্জয় কিষাণ, ইউ জি ব্ৰহ্ম, বিমল বড়া, জয়ন্ত মল্লবৰুৱা । মাত্ৰ অনুপস্থিত থাকে মন্ত্ৰী চন্দ্ৰমোহন পাটোৱাৰী ৷
নলবাৰীবাসীয়ে আজিৰ কেবিনেটৰ পৰা যথেষ্ট ভাল ফল পাব বুলি আশা ইতিমধ্যে দুই মন্ত্ৰী জয়ন্ত মল্লবৰুৱা আৰু ৰণজিৎ দাসে সাংবাদিকৰ আগত উল্লেখ কৰে । ইয়াৰ লগতে জিলাখনৰ আন আন প্ৰান্তৰ লগতে নলবাৰী চহৰখনো বিগত কেইদিনত বানত ডুবি আছিল । চহৰৰ নলা নিৰ্মাণ, পথ বহলীকৰণৰ কাম চলি থাকোতে সৃষ্টি হোৱা কৃত্ৰিম বানৰ লগতে ভিন্ন সমস্যাৰ ক্ষেত্ৰত ৰাইজে আজি এক সু-সমাধান পাব বুলি ধাৰণা কৰা হৈছে ।
লগতে অসমত বিগত কেইদিনত হোৱা ধৰ্ষণৰ ঘটনাক লৈও আজিৰ কেবিনেটে গুৰুত্বপূৰ্ণ পদক্ষেপ হাতত ল’ব বুলি ধাৰণা কৰা হৈছে । মুঠৰ ওপৰত আজিৰ এই কেবিনেটে নলবাৰী জিলাৰ লগতে অসমৰ কেইবাটাও সমস্যাৰ সমাধান আৰু ৰাজ্য চৰকাৰৰ নতুন উন্নয়নমূলক কাম-কাজৰ পদক্ষেপৰ বিষয়ে জানিবলৈ পাব বুলি আশা কৰা হৈছে ।
