স্পৰ্টছ ডেস্ক, 21 জুলাই : দেওবাৰে ৰণগিৰি ডাম্বুলা আন্তঃৰাষ্ট্ৰীয় ষ্টেডিয়ামত মহিলা এছিয়া কাপ 2024ৰ পঞ্চমখন মেচত ভাৰতে ইউ এ ই-ক 78 ৰাণৰ বৃহৎ ব্যৱধানত পৰাস্ত কৰে ৷ 202 ৰাণৰ বৃহৎ লক্ষ্য আগত লৈ সংযুক্ত আৰব এমেৰিটেছ দলটোৱে ভাৰতৰ তীক্ষ্ণ বলিঙৰ সন্মুখত তিষ্ঠিব নোৱাৰি নিৰ্ধাৰিত 20 অভাৰত 7 টা উইকেট হেৰুৱাই 123 ৰাণহে সংগ্ৰহ কৰিবলৈ সক্ষম হয় ৷
WOMEN'S ASIA CUP 2024. India (Women) Won by 78 Run(s) https://t.co/bB3QbR9fuF #WomensAsiaCup2024 #INDvUAE
— BCCI Women (@BCCIWomen) July 21, 2024
কাবিছা এগোডেজে (40) দলক উদ্ধাৰৰ বাবে কিছু চেষ্টা কৰিছিল যদিও ব্যৰ্থ হয় ৷ অধিনায়ক এষা ৰোহিত ওজাই 38 ৰাণত পেভিলিয়নমুখী হয় ৷ দলটোৰ বাকী কেইজন বেটছমেন দহকৰ ঘৰ স্পৰ্শ কৰাতো ব্যৰ্থ হয় আৰু পৰাজয় স্বীকাৰ কৰে ৷ ভাৰতৰ হৈ দিপ্তী শৰ্মাই 2 টা উইকেট দখল কৰাৰ বিপৰীতে ৰেণুকা ঠাকুৰ সিং, তনুজা কানৱাৰ পূজা বস্ত্ৰকাৰ আৰু ৰাধা যাদৱে এটাকৈ উইকেট দখল কৰে ৷
2⃣ wins in 2⃣ Matches 🙌
— BCCI Women (@BCCIWomen) July 21, 2024
Another clinical performance, another comprehensive victory for #TeamIndia as they beat the United Arab Emirates by 78 runs 👌
Scorecard ▶️ https://t.co/fnyeHav1sS#WomensAsiaCup2024 | #ACC | #INDvUAE
📸 ACC pic.twitter.com/NaKha21O7m
ইয়াৰ পূৰ্বে প্ৰথমে টছত জিকি বলিঙৰ সিদ্ধান্ত লয় ইউ এ ই দলটোৱে ৷ প্ৰথমে বেটিঙৰ আমন্ত্ৰণ লাভ কৰি ভাৰতে অধিনায়ক হৰমনপ্ৰীত কৌৰ আৰু ৰিছা ঘোষৰ বিস্ফোৰক বেটিঙৰ সহায়ত নিৰ্ধাৰিত 20 অভাৰত 5 টা উইকেট হেৰুৱাই 201 ৰাণৰ বিশাল স্ক’ৰ সংগ্ৰহ কৰে ৷ অধিনায়ক হৰমনপ্ৰীত কৌৰে 44 টা বলৰ সন্মুখীন হৈ 66 ৰাণত ৰাণ আউট হয় ৷ ৰিছা ঘোষে 29 টা বলৰ সন্মুখীন হৈ 64 ৰাণত অপৰাজিত হৈ থাকে ৷ অ’পেনাৰ শ্বেফালী বাৰ্মাই 18 টা বলতে 37 ৰাণৰ এক বিস্ফোৰক ইনিংছ খেলি দলৰ আৰম্ভণি শক্তিশালী কৰি থৈ যায় ৷ ৰিছা ঘোষ প্লেয়াৰ অব দ্য মেচ বিবেচিত হয় ৷ এই জয়েৰে ভাৰতীয় দলটো মহিলা এছিয়া কাপ 2024ৰ ছেমি ফাইনেলত প্ৰৱেশ কৰিছে ৷
🚨 Richa Ghosh creates HIS HER STORY 🚨
— Star Sports (@StarSportsIndia) July 21, 2024
She becomes the first wicket-keeper batter to score a half-century in #WomensAsiaCup history, leading #TeamIndia to 200 mark for the first time in T20Is 😍 #INDvUAE | LIVE NOW | #WomensAsiaCupOnStar (Only available in India) pic.twitter.com/gJQCgg0hsw
উল্লেখ্য যে, আঙুলিৰ আঘাতৰ বাবে ভাৰতৰ অফ স্পীনাৰ শ্ৰেয়াঙ্কা পাটিল চলিত প্ৰতিযোগিতাৰ পৰা বাহিৰ হৈছে ৷ ৱ’মেন ইন ব্লুয়ে 21 বছৰীয়া স্পীনাৰগৰাকীৰ ঠাইত তনুজা কানৱাৰক দলত অন্তৰ্ভুক্ত কৰে ৷ ইফালে আজিৰ মূল একাদশত ৰেণুকা সিং ঠাকুৰৰ সলনি দলত স্থান লাভ কৰে তনুজাই ৷
For her blistering counter-attacking knock of 64* off 29 balls, @13richaghosh is named the Player of the Match 👏
— BCCI Women (@BCCIWomen) July 21, 2024
Scorecard ▶️ https://t.co/fnyeHav1sS#WomensAsiaCup2024 | #ACC | #INDvUAE pic.twitter.com/YAOm2a9gDA
ইয়াৰ পূৰ্বে এফালে, ৱমেন ইন ব্লুয়ে চিৰপ্ৰতিদ্বন্দী পাকিস্তানৰ বিৰুদ্ধে প্ৰতিযোগিতাৰ প্ৰথমখন মেচ সাত উইকেটত জয়লাভ কৰে; আনহাতে, ইউ এ ই-য়ে নেপালৰ বিৰুদ্ধে তেওঁলোকৰ খেলখন ছয় উইকেটত পৰাস্ত হয় ৷
🔙 to 🔙 wins for Team India 🇮🇳#WomensAsiaCup2024 #ACC #HerStory #INDWvUAEW pic.twitter.com/OKvsQaTS7W
— AsianCricketCouncil (@ACCMedia1) July 21, 2024
ভাৰত মহিলা (প্লেয়িং ইলেভেন) : শ্বেফালী বাৰ্মা, স্মৃতি মন্ধানা, দয়ালান হেমলতা, হৰমনপ্ৰীত কৌৰ (অধিনায়ক), জেমিমা ৰড্ৰিগ’জ, ৰিচা ঘোষ (উইকেট কীপাৰ), দীপ্তি শৰ্মা, পূজা বস্ত্ৰকাৰ, ৰাধা যাদৱ, ৰেণুকা ঠাকুৰ সিং, আৰু তনুজা কানৱাৰ ৷
ই এ ই-ৰ (প্লেয়িং ইলেভেন) : এষা ৰোহিত ওজা (অধিনায়ক), থিয়েৰথা সতীশ (উইকেট কীপাৰ), ৰিনিথা ৰজিথ, চামাইৰা ধৰ্ণীধাৰ্কা, কবিশা আগোদেজ, সুখী শৰ্মা, হিনা হটচান্দানি, বৈষ্ণৱী মহেশ, ৰিত্বা ৰজিথ, লাৱণ্য কেনি, ইন্ধুজা নন্দকুমাৰ ৷
লগতে পঢ়ক : মহিলা এছিয়া কাপ : পাকিস্তান মহিলা দলক 7 উইকেটত পৰাস্ত ভাৰতৰ - INDIA WOMEN VS PAKISTAN WOMEN
