স্প’ৰ্টছ ডেস্ক, 29 আগষ্ট: ৰং আৰু আশাৰে পৰিপূৰ্ণ এক আড়ম্বৰপূৰ্ণ পৰিৱেশৰ মাজেৰে বুধবাৰৰে পৰা আৰম্ভ হৈছে পেৰিছ পেৰালিম্পিক 2024 ৷ ভাৰতৰ হৈ প্ৰতিনিধিত্ব কৰা 84 জনীয়া দলটোক নেতৃত্ব প্ৰদান কৰি ধ্বজা কঢ়িয়াইছিল ভাগ্যশ্ৰী যাদৱ আৰু সুমিত এণ্টিলে ৷ ইয়াৰ পূৰ্বে টকিঅ’ পেৰালিম্পিকত 54 জন খেলুৱৈয়ে ভাৰতৰ হৈ অংশগ্ৰহণ কৰিছিল ।
পেৰিছ পেৰালিম্পিকৰ দৰ্শনীয় উদ্বোধনী অনুষ্ঠান
"চিটি অৱ লাইটে" খ্যাত পেৰিছ চহৰত প্ৰথমবাৰৰ বাবে আয়োজন কৰা হৈছে পেৰালিম্পিক গেমছ ৷ পেৰিছে তৃতীয়বাৰৰ বাবে অলিম্পিক আয়োজন কৰাৰ 17 দিন পিছত আৰম্ভ হৈছে এই ক্ৰীড়া প্ৰতিযোগিতা । বিগত 26 জুলাইত অলিম্পিকৰ উদ্বোধনী অনুষ্ঠানৰ দৰে পেৰালিম্পিক উদ্বোধনী অনুষ্ঠানো ষ্টেডিয়ামৰ বাহিৰত অনুষ্ঠিত হৈছিল ।
💙🤍❤️#Paralympics pic.twitter.com/NI3X4c0P09
— Paralympic Games (@Paralympics) August 28, 2024
বিগত এমাহ পূৰ্বে অলিম্পিকৰ উদ্বোধনী অনুষ্ঠান অনুষ্ঠিত হৈছিল ছেইন নদীৰ পাৰত ৷ য’ত 'নেশ্যনছ পেৰেড' ফ্ল’টিং পেৰেডো অনুষ্ঠিত হৈছিল ৷ আনহাতে, বাকী অনুষ্ঠানটো আইফেল টাৱাৰ আৰু ট্ৰোকাডেৰ’ পেলেচত অনুষ্ঠিত হৈছিল ।
What a moment for Nantenin Keita, Charles-Antoine Kouakou, Fabien Lamirault, Elodie Lorandi and Alexis Hanquiquant 🔥#Paralympics pic.twitter.com/vW7zMlIQ9y
— Paralympic Games (@Paralympics) August 28, 2024
অৱশ্যে পেৰালিম্পিকৰ উদ্বোধনী অনুষ্ঠানটো প্ৰায় সম্পূৰ্ণৰূপে প্লেচ ডি লা কনকৰ্ডত অনুষ্ঠিত হৈছিল । চেম্পছ-এলয়চীৰ নিকটতম স্থানটোতে খেলুৱৈসকলে পেৰেড আৰম্ভ কৰে, য’ৰ পৰা ভাৰতীয় দলটোৱে মুখ্য স্থানলৈ যাত্ৰা কৰে ।
অৱশ্যে, দুয়োটা উদ্বোধনী অনুষ্ঠানৰ বিশেষত্ব এয়াই আছিল যে, দুয়োটাই জাৰ্ডিন ডি টুইলেৰিজত উষ্ম বতাহ বেলুনৰ সৈতে সংলগ্ন এটা চাকি জ্বলাই সামৰণি মাৰিছিল ।
টীম ইণ্ডিয়াৰ দৰ্শনীয় প্ৰৱেশ
অনুষ্ঠানটোৰ অন্যতম আকৰ্ষণ আছিল চেম্পছ-এলয়চিৰ পৰা প্লেচ ডি লা কনকৰ্ডলৈ ভাৰতীয় দলৰ প্ৰৱেশ ৷ যাক ষ্টেণ্ডত উপস্থিত থকা দুয়োফালৰ লোকে বিশেষকৈ ভাৰতীয় দৰ্শক আৰু বিষয়াসকলে আন্তৰিক প্ৰশংসাৰে আদৰণি জনায় ।
The dreams and aspirations of a billion Indians shone through these smiles! 🇮🇳
— JioCinema (@JioCinema) August 28, 2024
The Indian contingent made a grand entrance at the opening ceremony of the #ParalympicGamesParis2024! 😍✨https://t.co/3h7IJ05kfl#ParalympicsOnJioCinema #Paralympics #JioCinemaSports pic.twitter.com/4zwzKdXKrB
পেৰিছ পেৰালিম্পিকৰ উদ্বোধনী অনুষ্ঠানত জেভলিন থ্ৰ’য়াৰ সুমিত এণ্টিল আৰু শ্বট-পুটাৰ ভাগ্যশ্ৰী যাদৱে ভাৰতীয় দলটোৰ ধ্বজাবাহক হিচাপে নেতৃত্ব প্ৰদান কৰে ৷ এণ্টিলে টকিঅ’ পেৰালিম্পিক 2020 ত সোণৰ পদক জয় কৰিছিল ৷ খেলুৱৈগৰাকীৰ লক্ষ্য হৈছে একেৰাহে পেৰালিম্পিকত স্বৰ্ণপদক জয় কৰা ।
সৰ্বশ্ৰেষ্ঠ প্ৰদৰ্শন আশা
পেৰালিম্পিক 2024 ত ভাৰতক প্ৰতিনিধিত্ব কৰিছে 84 জন খেলুৱৈয়ে ৷ যাৰ বাবে দেশখনে সৰ্বশ্ৰেষ্ঠ পদক অৰ্জন কৰাৰ আশা পুহি ৰাখিছে ৷ চাৰিবছৰ পূৰ্বে টকিঅ’ত ভাৰতে লাভ কৰিছিল 19 টাকৈ পেৰাসিম্পিক পদক ৷ 1968 চনত ভাৰতে পেৰালিম্পিকত আত্মপ্ৰকাশ কৰাৰ পিছত এয়া সৰ্বশ্ৰেষ্ঠ প্ৰদৰ্শন হিচাপে গণ্য কৰা হৈছে ।
Paralympics have begun, & we are in awe of our incredible Indian contingent!
— Dr Mansukh Mandaviya (@mansukhmandviya) August 28, 2024
Each athlete’s journey is a story of triumph & courage. As they take on the world, let’s cheer them with pride & excitement, as they aim to make history.
Best of luck#Paralympics2024 #Cheer4Bharat pic.twitter.com/ZJEFfTVjD9
লগতে পঢ়ক: তাৰকা ক্ৰিকেটাৰ বিৰাট কোহলীৰ আন এক ভিডিঅ’ ভাইৰেল: শুভমন গিলক কঠোৰ সমালোচনা - VIRAT KOHLI VIRAL VIDEO
