স্প’ৰ্টছ ডেস্ক, 18 আগষ্ট: পেৰিছ অলিম্পিক 2024 ত মহিলাৰ 50 কিল’গ্ৰাম মল্লযুদ্ধৰ ফাইনেলত অংশগ্ৰহণৰ পৰা অযোগ্য ঘোষণা হোৱাৰ পিছত ভাৰতীয় মহিলা মল্লযোদ্ধা বিনেশ ফোগাটে শনিবাৰে উভতি আহে স্ব-গৃহলৈ ৷ তাৰ পৰা পোনে পোনে তেওঁ ৰাওনা হয় হাৰিয়ানাৰ চাৰ্খি দাদৰী জিলাত অৱস্থিত নিজ ঘৰলৈ ৷
#WATCH | Haryana: Indian wrestler Vinesh Phogat receives a warm welcome as she arrives at her village Balali in Charkhi Dadri.
— ANI (@ANI) August 17, 2024
She had arrived in Delhi from Paris on Saturday morning after participating in the #Olympics2024Paris. pic.twitter.com/MgmGcHoYqt
মল্লযোদ্ধাগৰাকীৰ আগমনৰ লগে লগে গাঁওবাসীৰ পৰা লাভ কৰে এক উষ্ম আদৰণি ৷ ফোগাটৰ প্ৰতি জনসাধাৰণৰ নিস্বাৰ্থ মৰম দেখি মল্লযোদ্ধাগৰাকী অভিভূত হৈ পৰে ৷ এই মৰমৰ বাবেই অৱসৰৰ পৰা ৰিঙলৈ প্ৰত্যাৱৰ্তন ঘটোৱাৰ ইংগিত প্ৰদান কৰে মল্লযোদ্ধাগৰাকীয়ে ৷
অৱসৰৰ পৰা প্ৰত্যাৱৰ্তন ঘটোৱাৰ ইংগিত বিনেশ ফোগাটৰ
জনসাধাৰণৰ মৰম আৰু বিশাল অভ্যৰ্থনাত অভিভূত ভাৰতীয় মল্লযোদ্ধা বিনেশ ফোগাটে অৱসৰৰ পৰা প্ৰত্যাৱৰ্তন ঘটোৱাৰ ইংগিত প্ৰদান কৰিছে । নিজৰ গাঁৱত উপস্থিত হোৱাৰ পিছত বিনেশে কয়, "এই অলিম্পিক পদকটো এক গভীৰ আঘাত হৈ পৰিছে । ইয়াক পূৰণ কৰিবলৈ সময় লাগিব ৷ কিন্তু মই মোৰ দেশৰ লোকসকলক ধন্যবাদ দিব বিচাৰো । মই এতিয়া একো ক’ব নোৱাৰো যে, মই মল্লযুদ্ধ ত্যাগ কৰিলো নে ইয়াক অব্যাহত ৰাখিম ।"
#WATCH | Indian wrestler Vinesh Phogat says, " this olympic medal has become a deep wound...it will take time to heal but i want to thank the people of my country...i can't say anything right now if i have quit (wrestling) or if will i continue...our fight has not ended. i just… https://t.co/1Ub6oAboZE pic.twitter.com/DiuVoFYVPZ
— ANI (@ANI) August 17, 2024
ফোগাটৰ এই মন্তব্যৰ পৰা মল্লযোদ্ধাগৰাকীয়ে ৰিঙলৈ ঘূৰি অহাৰ আশা প্ৰকাশ কৰিব পাৰি ৷
এতিয়াও শেষ হোৱা নাই যুদ্ধ
বিনেশ ফোগাটে গাঁওবাসীসকলক সম্বোধন কৰি লগতে কৈছিল, "আমাৰ যুঁজ শেষ হোৱা নাই । মই সাময়িকভাৱেহে যুঁজৰ পৰা ওলাই আহিছো ৷ এয়া এক দীঘলীয়া যুঁজ, আমি যোৱা এবছৰ ধৰি ইয়াৰ বিৰুদ্ধে যুঁজ দি আহিছো আৰু ই অব্যাহত থাকিব" ৷
৮ আগষ্টত কৰিছিল অৱসৰ ঘোষণা
ভাৰতীয় মহিলা তাৰকা মল্লযোদ্ধা বিনেশ ফোগাটে 100 গ্ৰামৰ ওজন বৃদ্ধিৰ বাবে অযোগ্য ঘোষিত হোৱাৰ পিছত বিগত 8 আগষ্টত মল্লযুদ্ধৰ পৰা অৱসৰ ঘোষণা কৰিছিল ।
माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब।
— Vinesh Phogat (@Phogat_Vinesh) August 7, 2024
अलविदा कुश्ती 2001-2024 🙏
आप सबकी हमेशा ऋणी रहूँगी माफी 🙏🙏
বিনেশে এক্সত প্ৰকাশ কৰা এটা পোষ্টত লিখিছিল, "মা কুষ্টি(মল্লযুদ্ধ) মোৰ বিৰুদ্ধে জিকিছিল, মই পৰাজিত হৈছিলো । মোক ক্ষমা কৰক, আপোনাৰ সপোন আৰু মোৰ সাহস ভংগ হৈছে । মোৰ এতিয়া আৰু শক্তি নাই । গুডবাই ৰেছলিং 2001-2024 । ক্ষমা কৰিব ৷ মই সদায় আপোনালোক সকলোৰে ওচৰত ঋণী হৈ থাকিম" ৷
ঠায়ে ঠায়ে আদৰণি বিনেশক
বিনেশ ফোগাটৰ গাঁও বালালী দিল্লীৰ পৰা মাত্ৰ চাৰে তিনি ঘণ্টাৰ দূৰত্বত হাৰিয়ানাৰ চাৰ্খি দাদৰী জিলাত অৱস্থিত । কিন্তু শনিবাৰে গাঁও পাবলৈ মলোযোদ্ধাগৰাকীক প্ৰয়োজন হৈছিল 12 ঘণ্টাতকৈও অধিক সময় । পুৱা প্ৰায় 10 বজাত দিল্লী বিমানবন্দৰ এৰা বিনেশে 12 ঘণ্টাতকৈও অধিক সময়ৰ পিছত উপস্থিত হৈছিল জন্মস্থানত ৷
#WATCH | Haryana: Indian wrestler Vinesh Phogat recieved a grand welcome on her arrival in Jhajjar. pic.twitter.com/NqblfGdshv
— ANI (@ANI) August 17, 2024
এই সময়চোৱাত যাত্ৰাপথত হাৰিয়ানাৰ প্ৰতিখন গাঁৱতে তেওঁক জনোৱা হৈছিল সন্মান ৷ সেয়েহে তেওঁ ৰাজপথৰ সমীপত থিয় হৈ থকা পুৰুষ, মহিলা আৰু শিশুসকলক দেখি অভিভূত হৈ পৰে ।
লগতে পঢ়ক: নিজৰ অৱসৰক লৈ ডাঙৰ ঘোষণা বিনেশ ফোগাটৰ; পৰৱৰ্তী অলিম্পিকলৈ খেলাৰ ইচ্ছা - Paris Olympics 2024
