স্প’ৰ্টছ ডেস্ক, 19 আগষ্ট: আজি সমগ্ৰ দেশতে ভাতৃ-ভগ্নীৰ উৎসৱ হিচাপে পৰিচিত ৰাখীবন্ধন অতি ধুমধামেৰে উদযাপন কৰা হৈছে । শনিবাৰে পেৰিছৰ পৰা ভাৰতলৈ উভতি অহা মল্লযোদ্ধা বিনেশ ফোগাটেও ভাতৃৰ সৈতে এই বিশেষ দিনটো উদযাপন কৰা পৰিলক্ষিত হৈছে ৷ উপহাৰ হিচাপে ভাতৃয়ে তেওঁক দিয়ে 500 টকীয়া নোটৰ এটা বাণ্ডিল ৷ যি বিশেষ মুহূৰ্তৰ ভিডিঅ'টো ইতিমধ্যে তীব্ৰগতিত ভাইৰেল হৈ পৰিছে সামাজিক মাধ্যমত ।
বিনেশ ফোগাটে উদযাপন কৰে ৰাখীবন্ধন
ভাৰতীয় তাৰকা মল্লযোদ্ধা বিনেশ ফোগাটে সোমবাৰে ভাতৃৰ সৈতে তেওঁৰ গাওঁ বালালীত থকা স্বগৃহত উদযাপন কৰে ৰাখীবন্ধন । সামাজিক মাধ্যমত ভাইৰেল হোৱা এটা ভিডিঅ’ত বিনেশে ভাতৃৰ পৰা উপহাৰ হিচাপে 500 টকাৰ বাণ্ডিল লাভ কৰাৰ মুহূৰ্তটো ইতিমধ্যে ভাইৰেল হৈ পৰিছে ৷ তাৰপিছতে দুয়ো ভাতৃ-ভগ্নীক বাৰ্তালাপ কৰি থকাও দেখা যায় ৷
উপহাৰ হিচাপে পালে নগদ ধন
বিনেশে ভিডিঅ’টোত কৈছিল, "এই টকা... মোৰ বয়স প্ৰায় 30 বছৰ । যোৱা বছৰো মোক 500 টকাৰ বাণ্ডিল দিছিল আৰু এতিয়া এয়া(নোটৰ এটা অংশ দেখুৱায়) । মোৰ হাতত থকা ধন হৈছে তেওঁৰ গোটেই জীৱনৰ উপাৰ্জন, যিবোৰ মোক দি দিছে ৷ ভাতৃ-ভগ্নীসকলক ধন্যবাদ" ৷
Charkhi Dadri, Haryana: Wrestler Vinesh Phogat celebrates Raksha Bandhan with her brother in their village Balali pic.twitter.com/YgahqHmDPq
— IANS (@ians_india) August 19, 2024
পেৰিছ অলিম্পিকত পদকৰ পৰা বঞ্চিত
মহিলাৰ ৫০ কিল’গ্ৰাম শাখাৰ ফাইনেলত 100 গ্ৰামতকৈ অধিক ওজন বৃদ্ধিৰ বাবে পেৰিছ অলিম্পিকৰ পৰা অযোগ্য ঘোষণা হোৱাৰ পিছত বিনেশ শেহতীয়াকৈ সংবাদ মাধ্যমৰ চৰ্চালৈ আহে । তাৰপিছত তেওঁ 7 আগষ্টত যুটীয়া ৰূপৰ পদকৰ বাবে ক্ৰীড়াৰ বাবে মধ্যস্থতা আদালতত আবেদন দাখিল কৰে ৷ কিন্তু 14 আগষ্টত আদালতে এই আবেদন নাকচ কৰে ।
স্বদেশলৈ উভতি অহাৰ পিছত উষ্ম আদৰণি
অযোগ্য হোৱাৰ এদিন পিছত অৰ্থাৎ 8 আগষ্টত বিনেশে কুস্তিৰ পৰা অৱসৰ ঘোষণা কৰে । 17 আগষ্টত ফোগাটে অলিম্পিকত ভোগা বেদনাৰ পিছত পেৰিছৰ পৰা আৱেগিকভাৱে ভাৰতলৈ উভতি আহে । ইয়াৰ পিছত তেওঁক নতুন দিল্লীৰ পৰা হাৰিয়ানাৰ চাৰ্খি দাদৰী জিলাৰ গাঁও বালালীলৈ আহোতে জনোৱা হয় এক বিশাল আদৰণি ।
লগতে পঢ়ক: ফোগাটলৈ 16 কোটি টকাৰ পুৰস্কাৰ ! স্বামীয়ে জনালে প্ৰকৃত সত্য - VINESH PHOGAT PRIZE LIST
