স্পৰ্টছ ডেস্ক,২৪ জুন : আজি টি-২০ বিশ্বকাপত ছুপাৰ-৮ৰ মেচত বিশ্বৰ দুটা শক্তিশালী দল ভাৰত আৰু অষ্ট্ৰেলিয়া মুখামুখি হ'ব । ৰোহিত শৰ্মা নেতৃত্বাধীন দলটো খেলখনৰ বাবে ছেইণ্ট লুচিয়াত উপস্থিত হৈছে । য'ত ডেৰেন ছেমি নেচনেল ক্ৰিকেট ষ্টেডিয়ামত মিচেল মাৰ্শৰ নেতৃত্বৰ অষ্ট্ৰেলিয়াৰ মুখামুখি হ'ব । ভাৰতীয় দলটো ছেইণ্ট লুচিয়াত উপস্থিত হোৱাৰ এটা ভিডিঅ' বিচিচিআইয়ে অফিচিয়েল এক্সৰ একাউণ্টত শ্বেয়াৰ কৰিছে ।
#TeamIndia have arrived in St. Lucia! 🛬
— BCCI (@BCCI) June 24, 2024
Today they take on Australia in the their last Super 8 match 💪#T20WorldCup | #INDvAUS pic.twitter.com/mhwABUIEkD
এই ভিডিঅ'টোৰ আৰম্ভণিতে ভাৰতীয় দলৰ লেগ স্পিনাৰ যুজবেন্দ্ৰ চাহালক বাছখনত দেখা গৈছে । ইয়াৰ পিচত ভিডিঅ'টোত ভাৰতীয় দলৰ অনুৰাগীসকলকো দেখা গৈছে । যিসকলে অতি উৎসাহেৰে দলটোৰ খেলুৱৈসকলৰ বাবে ৰৈ আছে । ভিডিঅ'টোত, ভাৰতীয় দলৰ খেলুৱৈসকলক বাছত বহি থকা দেখা গৈছে । সকলো খেলুৱৈ বিমানবন্দৰত উপস্থিত হয় আৰু বিমানত বহি থকাও দেখা গৈছে ভিডিঅ'টোত ।
The stage is set for 𝐒𝐔𝐏𝐄𝐑 𝐑𝐈𝐕𝐀𝐋𝐑𝐘 as India meet Australia in their final Super 8 match!
— Star Sports (@StarSportsIndia) June 24, 2024
Will India avenge their last defeat in CWC 2023 leaving Australia on brink of elimination?
𝐒𝐔𝐏𝐄𝐑 𝟖 - World Cup ka Super Stage 👉#INDvAUS | TODAY, 6 PM | #T20WorldCupOnStar pic.twitter.com/4rZ5WqCPkx
অন্তিমবাৰৰ বাবে ভাৰত আৰু অষ্ট্ৰেলিয়া এদিনীয়া বিশ্বকাপ ২০২৩ৰ ফাইনেলত মুখামুখি হৈছিল । য'ত ভাৰত অষ্ট্ৰেলিয়াৰ দ্বাৰা পৰাজিত হৈছিল । আজি ভাৰতীয় দলটোৱে কেংগাৰু বাহিনীক পৰাস্ত কৰি প্ৰতিশোধ লোৱাৰ সুযোগ পাব ।
যদি এই খেলখনত পৰাস্ত হয় তেনেহ'লে ছেমি ফাইনেলত অষ্ট্ৰেলিয়াৰ স্থান লাভৰ ওপৰতো প্ৰশ্ন উত্থাপন হ'ব । যদি অষ্ট্ৰেলিয়া ভাৰতৰ হাতত পৰাজিত হয় আৰু আফগানিস্তানে বাংলাদেশক পৰাস্ত কৰে, তেনেহ'লে তেওঁলোকে ছেমি ফাইনেলৰ সুযোগ হেৰুৱাব পাৰে । সেয়েহে ভাৰতীয় দলটোৱে অষ্ট্ৰেলিয়াক পৰাস্ত কৰি তেওঁলোকক এই প্ৰতিযোগিতাৰ পৰা বাহিৰ কৰিবলৈ চেষ্টা চলাব । ইফালে অষ্ট্ৰেলিয়াইও শেহতীয়া পৰাজয়ৰ পৰা শিক্ষা লৈছে আৰু এইখন খেলত যিকোনো প্ৰকাৰে জয়ী হৈ ছেমি ফাইনেলৰ বাবে দুৱাৰ খোলা ৰাখিব বিচাৰিব ।
