স্পৰ্টছ ডেস্ক, 23 জুন : চলিত T-২০ বিশ্বকাপত আফগানিস্তানে অষ্ট্ৰেলিয়াক পৰাস্ত কৰি ঐতিহাসিক বিজয় সাব্যস্ত কৰিছে ৷ দেওবাৰে খেলা এই মেচখনত আফগানিস্তানে বেটিং-বলিং-ফিল্ডিঙত দুৰ্দান্ত প্ৰদৰ্শন আগবঢ়াই অষ্ট্ৰেলিয়াক পৰাস্ত কৰি জয়লাভ কৰে ৷ 148 ৰাণৰ লক্ষ্য খেদা অষ্ট্ৰেলিয়াই আফগানিস্তানৰ বলিং আক্ৰমণত তিষ্ঠিব নোৱাৰি 127 ৰানতে আটাইকেইটা উইকেট হেৰুৱাই থমকি ৰয় ৷
T-২০ বিশ্বকাপ 2024ৰ 46 সংখ্যক মেচখনত আফগানিস্তানে অষ্ট্ৰেলিয়াক 21 ৰাণত পৰাস্ত কৰে ৷ ইয়াৰ পিচতে ক্ৰিকেট প্ৰেমী আৰু আফগানিস্তানৰ সমৰ্থকে ইয়াক 2023 বৰ্ষত ভাৰতত খেলা এদিনীয়া বিশ্বকাপৰ প্ৰতিশোধ বুলি আখ্যা দিছে আৰু সামাজিক মাধ্যমত ‘ৰিভেঞ্জ’ ট্ৰেণ্ডিং হ’বলৈ আৰম্ভ কৰে ৷ ইতিমধ্যে অনুৰাগীয়ে সামাজিক মাধ্যমত এই সন্দৰ্ভত বহুতো মিম শ্বেয়াৰ কৰি আছে ৷
2023 চনৰ এদিনীয়া বিশ্বকাপত কি হৈছিল:
আফগানিস্তান বনাম অষ্ট্ৰেলিয়াৰ মাজত অনুষ্ঠিত হোৱা এদিনীয়া বিশ্বকাপ 2023ৰ খেলখনত আফগানিস্তানে প্ৰথমে বেটিং কৰি 5টা উইকেট হেৰুৱাই 291 ৰাণ সংগ্ৰহ কৰে ৷ ইয়াৰ পাচতে অষ্ট্ৰেলিয়াই 292 ৰাণৰ লক্ষ্য খেদি দলীয় 91 ৰাণৰ স্ক’ৰত 7টা উইকেট হেৰুৱাই বিপদত পৰিছিল ৷
সেই সময়ত এনে লাগিছিল যে আফগানিস্তান এই মেচখনত সহজেই জয়ী হ’ব ৷ কিন্তু অষ্ট্ৰেলিয়া দলৰ ত্ৰাণকৰ্তাৰ ৰূপত আবিৰ্ভাৱ হোৱা গ্লেন মেক্সৱেলৰ 201 ৰাণৰ অপৰাজিত ইনিংছে সকলো সলনি কৰি পেলালে ৷ সমগ্ৰ ষ্টেডিয়াম আৰু বিশ্বই অষ্ট্ৰেলিয়াই মেচখনত জয়লাভ কৰা চাবলৈ উদগ্ৰীৱ হৈ থাকিল ৷ মেক্সৱেলে দলীয় 293 ৰাণৰ ভিতৰত অকলেই অপৰাজিত 201 ৰাণ সংগ্ৰহ কৰে ৷ ইয়াৰ পিচতে আফগানিস্তানৰ ছেমি ফাইনেলৰ আশাত চেঁচা পানী পৰে ৷
T-২০ বিশ্বকাপত এদিনীয়া বিশ্বকাপৰ প্ৰতিশোধ :
এই মেচখনতো আফগানিস্তানৰ জয়ৰ মাজতে আকৌ এবাৰ আহিছিল দুধৰ্ষ বেটছমেন গ্লেন মেক্সৱেলে ৷ তেওঁ 49 টা বলত 59 ৰাণত ক্ৰীজত অপৰাজিত আছিল ৷ কিন্তু 16 নং অভাৰত তেওঁক পেভিলিয়নলৈ পঠিয়াই গুলবাদিনে দলক জয়ৰ কাষ চপাত সহায় কৰে ৷ পৰৱৰ্তী অভাৰত পেট কামিন্সক আউট কৰি গুলবাদিনে মেচখন সম্পূৰ্ণৰূপে নিজৰ পক্ষত লৈ যায় ৷ আফগানিস্তানৰ দুজন বেটছমেনে অৰ্ধশতকীয় ইনিংছ খেলি অষ্ট্ৰেলিয়াৰ বিৰুদ্ধে T-২০ত সৰ্ববৃহৎ অংশীদাৰিত্ব গঢ়ি তুলিছিল ৷ ইয়াৰ পিচত বলাৰসকলে শক্তিশালী প্ৰদৰ্শন আগবঢ়ায় ৷
ছ’চিয়েল মিডিয়াত মিমছ :
আন্তঃৰাষ্ট্ৰীয় আম্পায়াৰ ৰিচাৰ্ড কেটেলবাৰ্গে এই জয়ৰ ভিডিঅ’ ছ’চিয়েল মিডিয়াত শ্বেয়াৰ কৰি ইয়াক নিখুঁত প্ৰতিশোধ বুলি অভিহিত কৰিছে ৷ তেওঁ লিখিছে যে আপুনি অষ্ট্ৰেলিয়াৰ শক্তিশালী দলৰ বিৰুদ্ধে আফগানিস্তান দলৰ এক উজ্জ্বল কামবেক চাই আছে ৷ এদিনীয়া বিশ্বকাপ 2023ত আফগানিস্তান ওচৰ চাপি আহিছিল যদিও বহু দূৰত থাকিল আৰু 2024 চনৰ T-২০ বিশ্বকাপত আফগানিস্তান দলটোৱে কৰা এইটোৱেই হৈছে সৰ্বোত্তম প্ৰতিশোধ ৷
কিছুমান অনুৰূপ ছ’চিয়েল মিডিয়া পোষ্ট চাওক-
